<div class="version vid2657 iso6393tuv" data-vid="2657" data-iso6393="tuv">
   <div class="book bkJHN">
      <div class="chapter chINTRO1" data-usfm="JHN.INTRO1">
         <div class="imt"><span class="content">NAKESIAUNAK</span></div><div class="ip"><span class="content">  </span><span class="it"><span class="content">Ngakiro Naajokak egiri Yoana</span></span><span class="content"> idodiunito Yesu erai akiroit nakajik a Akuj na &#8220;Arauni itwaan eboikinos ka ngoni wapei&#8221; (1:4). Ebeyo anakitab kana egirio Ngakiro Naajokak nugu sodi tonupeta lu isomaate atamar Yesu erai Ekayuunan lokolong echikakinitae Ngiyaudi. Ngesi erai Lokookeng a Akuj, lo erai ani kenupa kesi ngakiro keng, eriamunete akiyar na nyedaun (20:31).</span></div><div class="ip"><span class="content">Arumoret a akisisaun nguna imorikinito akiroit nakajik a Akuj ka Yesu, ewae lo ekingaren a Ngakiro Anaajokak idodiunit ngakitoodikinet nakailiilok nakaalak na idodiunito atamar erai Yesu Ekayuunan lo echikakinitae kesi, nabo erai Lokookeng a Akuj. Etupakinito nugu ngakitatamet na elimorito eger a ngakitoodikinet nakailiilok. Isisaunitae eger lo anupeta ngitunga ngiche Yesu tarata ngirukitos keng, ani ngiche, kitopega ngesi, towout akinup. Ngidorin lua 13-17 igirir a alalau atitinyu a Yesu ka ngirukitos keng nakwaare a akolongit ana erumunere ngesi. Idodiunito ngidorin ngulu tani eger lo asubakinor ngesi kitogogong ngirukitos keng eringa akolongit na aramakinere napir. Alodorin alu a esal, isisaunitae eger lo erumunere Yesu kititae, aramakino keng napir, ayarun ta atakanuun keng alorukitos keng, ekisidi a ayarun.</span></div><div class="ip"><span class="content">Ngakiro a aberu ana erumunio elomit 8:1-11 iwaakinitae tooma ngalukan kainyo ngagiran nakaalak, nyigirito ngakitabea nakolong ngorok. Ani ngakitabea ngache, iwaakinito lowaitin ngiche.</span></div><div class="ip"><span class="content">Itiliworit Yoana ainakinet na akiyar anakajik na itorunit nia Kristo, nateno noi. Ainakinet ngina, ngesi na isiakini tokona, nabo eanyunete daang lu iikinete Yesu ebaasi ngesi erai erot, ka iteni ta akiyar. Ibore ni ileere ani a Yoana ngesi eger lo elimitor ngesi ngiboro lupalem sek kiyeni ngoni, kitatamea ngakiro a Akuj na ingarakinete ngitai, na ikote ngakipi, akimuj, akicha, ekeyokon ka ngamesekin keng ta emusabib ka ageor keng.</span></div><div class="iot"><span class="content">Eger lo erekinitere na eyakasi</span></div><div class="io1"><span class="content">Nakesiaunak 1:1-8</span></div><div class="io1"><span class="content">Yoana ekebatisan ka ngirukitos a Yesu lu ekingaren 1:19-51</span></div><div class="io1"><span class="content">Etatami Yesu 2:1&#8211;12:50</span></div><div class="io1"><span class="content">Ngirwa lukan-kaarei a esal alo Yerusalem 13:1&#8211;19:42</span></div><div class="io1"><span class="content">Ayarun ka atakanuun a Ekapolon Yesu 20:1-31</span></div><div class="io1"><span class="content">Akiroit na esal a akitab: atakanuun nabo alo Galilaya 21:1-25</span></div>
      </div>
   </div>
</div>

NAKESIAUNAK
Ngakiro Naajokak egiri Yoana idodiunito Yesu erai akiroit nakajik a Akuj na “Arauni itwaan eboikinos ka ngoni wapei” (1:4). Ebeyo anakitab kana egirio Ngakiro Naajokak nugu sodi tonupeta lu isomaate atamar Yesu erai Ekayuunan lokolong echikakinitae Ngiyaudi. Ngesi erai Lokookeng a Akuj, lo erai ani kenupa kesi ngakiro keng, eriamunete akiyar na nyedaun (20:31).
Arumoret a akisisaun nguna imorikinito akiroit nakajik a Akuj ka Yesu, ewae lo ekingaren a Ngakiro Anaajokak idodiunit ngakitoodikinet nakailiilok nakaalak na idodiunito atamar erai Yesu Ekayuunan lo echikakinitae kesi, nabo erai Lokookeng a Akuj. Etupakinito nugu ngakitatamet na elimorito eger a ngakitoodikinet nakailiilok. Isisaunitae eger lo anupeta ngitunga ngiche Yesu tarata ngirukitos keng, ani ngiche, kitopega ngesi, towout akinup. Ngidorin lua 13-17 igirir a alalau atitinyu a Yesu ka ngirukitos keng nakwaare a akolongit ana erumunere ngesi. Idodiunito ngidorin ngulu tani eger lo asubakinor ngesi kitogogong ngirukitos keng eringa akolongit na aramakinere napir. Alodorin alu a esal, isisaunitae eger lo erumunere Yesu kititae, aramakino keng napir, ayarun ta atakanuun keng alorukitos keng, ekisidi a ayarun.
Ngakiro a aberu ana erumunio elomit 8:1-11 iwaakinitae tooma ngalukan kainyo ngagiran nakaalak, nyigirito ngakitabea nakolong ngorok. Ani ngakitabea ngache, iwaakinito lowaitin ngiche.
Itiliworit Yoana ainakinet na akiyar anakajik na itorunit nia Kristo, nateno noi. Ainakinet ngina, ngesi na isiakini tokona, nabo eanyunete daang lu iikinete Yesu ebaasi ngesi erai erot, ka iteni ta akiyar. Ibore ni ileere ani a Yoana ngesi eger lo elimitor ngesi ngiboro lupalem sek kiyeni ngoni, kitatamea ngakiro a Akuj na ingarakinete ngitai, na ikote ngakipi, akimuj, akicha, ekeyokon ka ngamesekin keng ta emusabib ka ageor keng.
Eger lo erekinitere na eyakasi
Nakesiaunak 1:1-8
Yoana ekebatisan ka ngirukitos a Yesu lu ekingaren 1:19-51
Etatami Yesu 2:1–12:50
Ngirwa lukan-kaarei a esal alo Yerusalem 13:1–19:42
Ayarun ka atakanuun a Ekapolon Yesu 20:1-31
Akiroit na esal a akitab: atakanuun nabo alo Galilaya 21:1-25

සවන් දෙන්න Yoana NAKESIAUNAK