Bible translation: Lubukusu © Bible Society of Kenya, 2007 Recording of the New Testament ℗ Hosanna, 2019

Lubukusu- 2007 KENBS (NT) Drama

Lubukusu- 2007 KENBS (NT) Non Drama

<div class="version vid2654 iso6393bxk" data-vid="2654" data-iso6393="bxk">
 <div class="book bkLUK">
 <div class="chapter ch15" data-usfm="LUK.15">
 <div class="label">15</div><div class="s">Likheese litibile</div><div class="r">(Mat. 18.12-14)</div><div class="p"> 1 # 
 Lk. 5.29-30
 Endaalo ndala baroosi be busuuru ne babooni boosi baba balikho becha siimbi khu Yesu khumurekeeresia. 2Bafarisayo ne baandiki beng'ulung'unya ne baloma bali, &#8220;Omundu yuno akaanilanga babooni ne khulia nabo!&#8221; 3Nio Yesu ababoolela lukano luno:</div><div class="p"> 4&#8220;Mundu siina khwinywe onyala aba ne kamakheese emia ndala, ne aaba natibia lilala khu niko, salekha kamakheese kamakhumi tisa na tisa mu sichiimi mala acha ayiima litibile khukhwola nga alinyoola tawe ku? 5Ne alinyoolile alira khu mabeka ne ekhoya. 6Ne oli ola engo, alaanga alala basaale bewe ne bamenyile siimbi nababoolela ali, &#8216;Khemwikhoye alala ne nase sikila nanyoolile likheese liase libeele litibile.&#8217; 7Ng'ali ese muboolela enywe ndi kaliba busa kario, liliekhoya likali liliba mwikulu khulwo mwoni mulala owikanila, khukhila babaandu kamakhumi tisa na tisa babebukula khuba baluungi bakhenya khukhwikanila tawe. </div><div class="s">Esilingi etibile</div><div class="p"> 8&#8220;Namwe mukhasi siina ooli ne chisilingi ekhumi mala atibiakho ndala, se aambia etaa mala eeya munju mwoosi, ayiima ne kamaani khukhwola nga nakinyoola tawe ku? 9Nga nakinyoola alaanga alala basaale bewe nende bamenyile siimbi naboola ali, &#8216;Khemwikhoye alala ne nase, sikila nanyoolile esilingi yase abeele etibile.&#8217; 10Ng'ali muboolela enywe ndi kaliba busa kario, liliekhoya liliba ebweeni we ba malaika ba Wele khulwo mwoni mulala owekanila.&#8221;</div><div class="s">Omwana owe kitiimo</div><div class="p"> 11Yesu achiililila khuloma ali, &#8220;Abao omundu owaba ne babaana bewe be sisoleeli babili, 12omutiiti aboolela raraawe ali, &#8216;Paapa kheumbelesie sitonyi siase sie kimiaandu.&#8217; Omundu oyo akaba babaana bewe babili abo kimiaandu. 13Enyuma we chindaalo ndiiti, omutiiti oyo abukula kimiaandu kiewe mala auyila mu sibala sie aleeyi, mala ebweeneyo asasia kimiaandu mu limenya lie sifwaabi. 14Enyuma we khusasia buli siindu, enjala engali lukali yakwa mu sibala esio. Enjala yarakikha khu mulia ne se aba na siindu tawe. 15Nio acha aandikwa khukholela omundu mulala owe sibala esio. Omundu oyo amuila mu mukuunda aliisienge chingurwe. 16Omwana oyo ekoomba khulia kamoola niko chingurwe chalichanga, omundu onyala abeele amuelesiakho siakhulia siosi siosi se abao tawe. 17Ekhumaliilikha kamakesi kamwichamo mala aloma ali, &#8216;Bakholi ba Paapa nibo aandika balia ne birama, ne ese ano enjala yinjira! 18Ndenyokha, mala nje khu Paapa, ne ndamuboolela ndi: Paapa, nakholile bubwoni khu Wele nende khwiwe. 19Se nolaana lundi khulaangwa omwana wowo tawe, khole khuuba nga mulala khu bakholi bowo.&#8217; &#8221; 20Eenyokha, aarakikha lukeendo lwe khukobola engo. Ne nga aaba ne asiili sinao, raraawe aamubona mala aamukholela siisa, aatima aacha aamwikhoyela ne khumwekwayila.</div><div class="p"> 21&#8220;Omwana oyo aboolela raraawe ali, &#8216;Paapa, nakholile bubwoni khu Wele nende khwiwe, se nolaana lundi khulaangwa omwana wowo tawe.&#8217; 22Ne kakhali raraawe aboolela bakholi bewe ali, &#8216;Reera khangu engubo endayi mala mu mufware, mure embete khu lwala lwewe mala mu mufware biraaro. 23Khemuche mureere euunwa enefu mwire, mala khube ne naikara! 24Sikila omwana wase yuno aba afwa mala luno omulamu; aba aatiba, ne luno anyoolekhe.&#8217; Nio barakikha enaikara ne khukhwekhoya.</div><div class="p"> 25&#8220;Siise esio omusoleeli omukhulu aba achile e mukuunda ne nga aba ne alikho echa embiie engo, aulila kamatuungu kaapa ne bukhino. 26Nio alaanga omukholi mulala amureeba ali, &#8216;Siina sisikholeekhe?&#8217; 27Omukholi amukobosia ali, &#8216;Wandaayo echile mala raraao amwiriire euunwa enefu sikila akoboole ne ali omulamu.&#8217;</div><div class="p"> 28&#8220;Omusoleeli omukhulu chana akhalala lukali, mala aloba khukhwingila munju. Nio raraawe arura enje mala amwikoonjelela engile munju. 29Ne kakhali naye akobosia raraawe ali, &#8216;Lola kimiiko kino kioosi nakhukholeele nga omukholi, ne se nalekhakho khuria lilaka liowo tawe, ne kakhaba kario ewe okhambakho khameeme khong'ene nalia nasangaala ne basaale base tawe! 30Ne omwana wowo yuno, owasasia kimiaandu kiowo ne bakhasi baeeyi, nga ne echile omwiriire euunwa enefu!&#8217; 31Raraawe amuboolela ali, &#8216;Mwana wase, buli lwoosi ewe oli nase, ne bioosi nibio ndi nabio bili bibiowo. 32Ne kakhali khukhoyeele khukholela wandaayo naikara mala khusangaale sikila wandaayo yuno aba afwa ne luno ali omulamu, aba atiba ne luno anyoolekhe.&#8217; &#8221;</div>
 </div>
 </div>
</div>

Endaalo ndala baroosi be busuuru ne babooni boosi baba balikho becha siimbi khu Yesu khumurekeeresia. Bafarisayo ne baandiki beng'ulung'unya ne baloma bali, “Omundu yuno akaanilanga babooni ne khulia nabo!” Nio Yesu ababoolela lukano luno:
“Mundu siina khwinywe onyala aba ne kamakheese emia ndala, ne aaba natibia lilala khu niko, salekha kamakheese kamakhumi tisa na tisa mu sichiimi mala acha ayiima litibile khukhwola nga alinyoola tawe ku? Ne alinyoolile alira khu mabeka ne ekhoya. Ne oli ola engo, alaanga alala basaale bewe ne bamenyile siimbi nababoolela ali, ‘Khemwikhoye alala ne nase sikila nanyoolile likheese liase libeele litibile.’ Ng'ali ese muboolela enywe ndi kaliba busa kario, liliekhoya likali liliba mwikulu khulwo mwoni mulala owikanila, khukhila babaandu kamakhumi tisa na tisa babebukula khuba baluungi bakhenya khukhwikanila tawe.

“Namwe mukhasi siina ooli ne chisilingi ekhumi mala atibiakho ndala, se aambia etaa mala eeya munju mwoosi, ayiima ne kamaani khukhwola nga nakinyoola tawe ku? Nga nakinyoola alaanga alala basaale bewe nende bamenyile siimbi naboola ali, ‘Khemwikhoye alala ne nase, sikila nanyoolile esilingi yase abeele etibile.’ Ng'ali muboolela enywe ndi kaliba busa kario, liliekhoya liliba ebweeni we ba malaika ba Wele khulwo mwoni mulala owekanila.”

Yesu achiililila khuloma ali, “Abao omundu owaba ne babaana bewe be sisoleeli babili, omutiiti aboolela raraawe ali, ‘Paapa kheumbelesie sitonyi siase sie kimiaandu.’ Omundu oyo akaba babaana bewe babili abo kimiaandu. Enyuma we chindaalo ndiiti, omutiiti oyo abukula kimiaandu kiewe mala auyila mu sibala sie aleeyi, mala ebweeneyo asasia kimiaandu mu limenya lie sifwaabi. Enyuma we khusasia buli siindu, enjala engali lukali yakwa mu sibala esio. Enjala yarakikha khu mulia ne se aba na siindu tawe. Nio acha aandikwa khukholela omundu mulala owe sibala esio. Omundu oyo amuila mu mukuunda aliisienge chingurwe. Omwana oyo ekoomba khulia kamoola niko chingurwe chalichanga, omundu onyala abeele amuelesiakho siakhulia siosi siosi se abao tawe. Ekhumaliilikha kamakesi kamwichamo mala aloma ali, ‘Bakholi ba Paapa nibo aandika balia ne birama, ne ese ano enjala yinjira! Ndenyokha, mala nje khu Paapa, ne ndamuboolela ndi: Paapa, nakholile bubwoni khu Wele nende khwiwe. Se nolaana lundi khulaangwa omwana wowo tawe, khole khuuba nga mulala khu bakholi bowo.’ ” Eenyokha, aarakikha lukeendo lwe khukobola engo. Ne nga aaba ne asiili sinao, raraawe aamubona mala aamukholela siisa, aatima aacha aamwikhoyela ne khumwekwayila.
“Omwana oyo aboolela raraawe ali, ‘Paapa, nakholile bubwoni khu Wele nende khwiwe, se nolaana lundi khulaangwa omwana wowo tawe.’ Ne kakhali raraawe aboolela bakholi bewe ali, ‘Reera khangu engubo endayi mala mu mufware, mure embete khu lwala lwewe mala mu mufware biraaro. Khemuche mureere euunwa enefu mwire, mala khube ne naikara! Sikila omwana wase yuno aba afwa mala luno omulamu; aba aatiba, ne luno anyoolekhe.’ Nio barakikha enaikara ne khukhwekhoya.
“Siise esio omusoleeli omukhulu aba achile e mukuunda ne nga aba ne alikho echa embiie engo, aulila kamatuungu kaapa ne bukhino. Nio alaanga omukholi mulala amureeba ali, ‘Siina sisikholeekhe?’ Omukholi amukobosia ali, ‘Wandaayo echile mala raraao amwiriire euunwa enefu sikila akoboole ne ali omulamu.’
“Omusoleeli omukhulu chana akhalala lukali, mala aloba khukhwingila munju. Nio raraawe arura enje mala amwikoonjelela engile munju. Ne kakhali naye akobosia raraawe ali, ‘Lola kimiiko kino kioosi nakhukholeele nga omukholi, ne se nalekhakho khuria lilaka liowo tawe, ne kakhaba kario ewe okhambakho khameeme khong'ene nalia nasangaala ne basaale base tawe! Ne omwana wowo yuno, owasasia kimiaandu kiowo ne bakhasi baeeyi, nga ne echile omwiriire euunwa enefu!’ Raraawe amuboolela ali, ‘Mwana wase, buli lwoosi ewe oli nase, ne bioosi nibio ndi nabio bili bibiowo. Ne kakhali khukhoyeele khukholela wandaayo naikara mala khusangaale sikila wandaayo yuno aba afwa ne luno ali omulamu, aba atiba ne luno anyoolekhe.’ ”

සවන් දෙන්න Lk. 15