Borôro: Pao Kurireu Bataru Kurireu; O Novo Testamento (New Testament)

Pao Kurireu Bataru Kurireu; O Novo Testamento

<div class="version vid2518 iso6393bor" data-vid="2518" data-iso6393="bor">
 <div class="book bkJHN">
 <div class="chapter ch5" data-usfm="JHN.5">
 <div class="label">5</div><div class="s">Jesus Ure Ia Kogodureu Pemegago Pugeje</div><div class="p"> 1Nono Jesus uture Jerusal&#233;m ba kurireu ka. Uture tuwaduwo ia Pao Kurireu bowadaeji Judeu dogebo. 2Jerusal&#233;m kejewu ia baiporo ri iere &#8220;Ovelha&#8221;. Ia brae etaimoda kejewu pobo puredure nou bai poroji. Hebreu bataru tabo nou brae etaimoda iere &#8220;Betezata&#8221;. 3-4Boe emagare tubadu nono dutabo nouia bai koadureu tada nou bai koadureuge enodo padure kejewugere ikera aboudure. Ekogodure kodi. Iage eku bokware. Iage epogora pegare. Emeru bokware. Epadure nono tubaga tabo nou brae etaimoda tadawu pobo magadugoduwo tuwo turemo nou poboto tubemegagoduwo. Nou pobo magadugodu paga karegure. Ia Pao Kurireu utugare baru tadawu koiare ure pobo magadudo toro ia meri keje. Meri jamedu boeji karega nou pobo magadugodumode. Pobo magadugodure dukeje nou ure taredo boetojiwu pobo towu pemegagodure. 5Joru oto padure kejewure ure trinta e oito ia imedu kogodureuji tubaduie nono dutabo. Pogora pegare dukodire meru bokware. 6Jesus jordure padure nono duji. Jorduware nou imedu kogodure marigudu rugadu. Dukodire unarare ji. Akore: &#8211; Akaidure apemegagoduwo?</div><div class="p"> 7Nou kogodureu imedu akore: &#8211; Uu. Itaidure. Mare iroiwakare iwo iremo nou poboto ipemegagoduwo. Awu pobo magadugodure dukeje ia kogodureu ure taredo nou poboto itododai tu tu je tubemegagoduwo. Nou pobo magadugodure dukeje umode boe epemegago.</div><div class="p"> 8Jesus makore ji. Akore: &#8211; Aragojedo. Amerudo. Akeragu akudau kodoji atuwo pugeje.</div><div class="p"> 9Dukodi &#269;are nou imedu pemegagodure ta&#269;i rugadu. Ure turagojedo. Ure tugeragu tugudau kodoji. Dukeje uture tumeru tabo rugadu. S&#225;bado meri kejere Jesus rore aino ji. 10&#268;a Judeu doge eimijerage erdure nou imeduji dukeje ekorigodure ji. Egore: &#8211; Amerure aino akudau kodo tabo S&#225;bado meri keje du pegare rugadu. Arokaba aino pugeje.</div><div class="p"> 11Nou imedu akore: &#8211; Ure ipemegadowu imedu makore i iwo ikeragu awu ikudau kodoji imeruwo tabo pugeje.</div><div class="p"> 12Nou boe eimijerage egore: &#8211; Duba koiaba ure arodo aino?</div><div class="p"> 13Mare nou imedu jorduwakare Jesusji. Jesus ure pemegago dukejere uture piji. Boe emagare nono dukodire nou imedu jordukare uture tubiji duji. Dukodire makokare ji pugeje.</div><div class="p"> 14Merirekodutabo Jesus jordure nou imeduji pugeje Pao Kurireu uwai tada. Jesus makore ji. Akore: &#8211; Awiapaga pemegado iwadaruji. Apemegagodure. Mare akera ra aro pegareu piji jamedu. Amodukare akera ra aro pegareu piji dukeje boe pegamode ai pugeje du kodumode awu boetojiwu akogodae kori rugadu.</div><div class="p"> 15Nono nou imedu uture Jesus piji Judeu doge eimijerage etae. Ure ewie Jesus ieji. Makore ema koiaie uie tubemegago. 16Nono nou boe eimijerage erdu pegare Jesus rore aino duji. Etaidukare Jesus ure nou imedu pemegago s&#225;bado meri keje duji. Erokare aino kodi. Egore boe ekaiago boe epemegado s&#225;bado meriji. Dukodire etaidure tuwo boe pegado Jesusji rugadu.</div><div class="p"> 17Mare Jesus makore ewadaru jipagi. Akore: &#8211; Iogwa maragodure meri jamedu boeji. Iromode aino jamedu.</div><div class="p"> 18Ainore Jesus rore rugadu. Judeu doge eromodukare ia turore jiboeji s&#225;bado meriji. Edu pagamode tu tumuga keje rugadu. Mare Jesus meartorukare nou erore jiboeji. Jesus akore tuoie Pao Kurireu rema. Akore aino dutabo akore Pao Kurireu nuie pudumi jamedu. Mare nou Judeu doge eimijerage erdu pegare akoinoduji. Dukodire &#269;are ekorigodure ji. Ere tumeardae tawuje tuwo Jesus bito.</div><div class="s">Pao Kurireu Onaregedu Boe Eimijera Nure Ema</div><div class="p"> 19Nono Jesus makore nou Judeu doge eimijeragei. Akore: &#8211; Boe jokodu jire inagoino tawiagai. Pao Kurireu Onaregedu romodukare ia boeji tumeardae tabo. Jordumode Tuo Kurireu roji dukeje romode nono nou Tuo ro mogadure. Onaregedu romode nono Tuo ro mogadure rugadu. 20Awu Pao Kurireu Onaregedu nure imi. Iogwa meardu kurire i. Dukodire ure iorduwado turo jamedu boeji irowo nono turo mogadure jamedu. &#268;a Iogwa ro kurimode nou turo kori pugeje. Umode iorduwado nou turo kurireuji irowo ji jamedu. Tardumode nou iro kurireuji dukeje taebogodumode i rugadu. 21Iogwa Kurireu umode bireuge eewodudo pugeje tuwo emugu pemegado turo pegareu piji. Onaregedu nure imi. Imode itaidure jiwuge emugu pemegado ero pegareu piji jamedu. 22Iogwa Kurireu aiwomodukare boe ero pegareu bagai. Ure boe eimijerado imi. Dukodire imire itaiwomode boe ero pegareu bagai. 23Itaiwomode boe ero pegareu bagai dukodire boe emode ikie kurido nono ere Iogwa Kurireu ie kurido dumogadure. Mare mako pemegakare iwu mako peganure Iogwaji jamedu. Iogwa koiare ure itarego mato boe etae.</div><div class="p"> 24&#8211; Boe jokodu jire inagoino. Iogwa Kurireu ure itarego mato boe etae. Ewiapagamode iwadaruji dukeje emeartorumode Iogwa Kurireuji jamedu. Dukeje emugumode Iogwa Kurireu apo jii toro rugadu. Du akedumodukare. Emeartorumode Iogwaji dukeje umodukare boe pegado boei. Boe ero pegare dukodire ewimode. Dukodire ere nono bireuge emogadure. Mare emeartorumode Iogwaji dukeje ewimodukare pugeje. Emugu pemegamode Iogwapo rugadu jii toro rugadu. 25Boe jokodu jire inagoino tawiagai. Pao Kurireu ure tawie marigudu bireuge emeardumoduie Tonaregedu bataruji. Pao Kurireu Onaregedu nure imi rugadu. Tare nono bireuge emogadure. &#268;a tameardure iwadaruji. Tameartorumode iwadaruji dukeje tamodukare nono bireugere pugeje. 26Iogwa Kurireu koiare ure boe etowuje erijodudo. Emare jeture boei kodi. Ema koiare ure tonaregedu rakado uwo boe etowuje jamedu. Emare jeture boei jamedu. 27Pao Kurireu Onaregedu nure imi. Imedu Onaregedu nure imi. Dukodire Iogwa ure boe eimijerado imi itaiwowo boe ero pegareu bagai ewo turo pegareu morido rugadu. 28-29Ia meri keje bireuge eiamedu boe eewodumode pugeje bireuge eda piji. Ro pemegareuge eewodumode pugeje. Nono ewimodukare pugeje. Emugu pemegamode Iogwapo. Du akedumodukare. Ro pegareuge eewodumode jamedu mare imago pegamode erore jiboeji dukeje ewarigudumode bope doge eda kejewu joru pegareuto boe pegawo ei jii toro rugadu. Du akedumodukare rugadu.</div><div class="s">Boe Ereadodumode Jesus Rore Jiboeji Boe Ewiagai</div><div class="p"> 30Jesus mako kimore. Akore: &#8211; Imi karega ire boe eimijerado imi. Iromodukare itaidure jiboeji itaobiji. Dukodire imeardae karega mare Pao Kurireu koiare ure imeardae maku inai itaiwowo boe ero pegareu bagai. Pao Kurireu koiare ure itarego woe. Dukodire iromode aidure jiboeji tu tu je rugadu. 31Mare imagomode boei iro pemegaie dukeje emeartorumodukare i. 32Mare Pao Kurireu makore boe ewiagai iro pemegaie. Boe jokodu jire akoino. 33Boe jokodu jire Jo&#227;o Batista akoino jamedu. Tare boe etudo ae. Ure tawie iromode jiboeji marigudu. 34Itaiwokare mako pemegare iwuge ewadaru bagai iwo tameartorudo i. Pao Kurireu uwo tawie irore jiboeji du pegakare. Mare ire tawiabutudo Jo&#227;o Batista bataru keje. Makore boe ewiagai iro pemegamoduie tai duji tameartoruwo i iwo taginorudo boe pegareu piji rugadu. 35Jo&#227;o Batista bataru ure nono jorugu mogadure. Mare jorugu karega. Ure tarduwado. Tagaidure bataruji ia ari keje. 36Jo&#227;o Batista makore tawiagai i boeji. Mare iro pemegareu, iro rakareu, umode tarduwado i rugadu. Iogwa Kurireu ure iragado iro rakawo rugadu. Iro rakamode dukeje tarduwamode Iogwa Kurireu koiare ure itarego mato boe etae duji. 37-38Iogwa Kurireu koiare ure tawie iromode jiboeji. Ure itarego mato mare marigudure tardukare ji. Marigudu tameardukare makoji. Tameartorukare ji jamedu dukodire tagare Iogwa Kurireu bataru metudo tagaora tada. Tawiagodure piji. 39Tagaiwore Pao Kurireu bataru padure kejewu baperaji. Tameardaere nou taro koiare umode tamugu pemegado Pao Kurireu apo tawikawo pugeje. Mare nou tagaiwore jiwu Pao Kurireu bataru unure tawie irore jiboeji. 40Mare tagaidukare tarduwawo i tagaidukare tameartoruwo i. Tameartorumode i dukeje tamugu pemegamode Pao Kurireu apo jii toro rugadu. Dukodi tawimodukare pugeje.</div><div class="p"> 41&#8211; Itaiwokare mako pemegare iwuge ewadaru bagai. 42Iorduware tai rugadu. Tawiapagakare tameardu kuriwo Pao Kurireuji pugeje. 43Iogwa Kurireu koiare ure boe eimijerado imi. Du inodu tabo tameartorukare i. Ia imedu aregodumode tagae. Umode boe eimijerado pudumi dukeje tameartorumode ji rugadu. 44Tagaidure boe emago pemegare tai duji boe ebogoduwo tai. Mare tagaidukare tawiapagawo Pao Kurireu bataruji tameartoruwo ji mako pemegawo tai. &#268;a. Tameartorumodukare i jamedu. 45Mare imago pegamodukare tai Iogwa Kurireu biagai. Tagaidure jawu Judeu doge eimijera Mois&#233;s bataruji. Mare emare mako pegamode tai Pao Kurireu biagai tameartorukaie i. 46Tameartorumode Mois&#233;s bataruji rugadu dukeje tameartorumode i jamedu. Emare makore irore jiboeji. Ure nou tuwadaru bu bapera keje. 47Mare tameartorukare nou padure bapera kejewu Mois&#233;s bataruji dukodire tameartorumodukare iwadaruji jamedu.</div>
 </div>
 </div>
</div>

Nono Jesus uture Jerusalém ba kurireu ka. Uture tuwaduwo ia Pao Kurireu bowadaeji Judeu dogebo. Jerusalém kejewu ia baiporo ri iere “Ovelha”. Ia brae etaimoda kejewu pobo puredure nou bai poroji. Hebreu bataru tabo nou brae etaimoda iere “Betezata”. Boe emagare tubadu nono dutabo nouia bai koadureu tada nou bai koadureuge enodo padure kejewugere ikera aboudure. Ekogodure kodi. Iage eku bokware. Iage epogora pegare. Emeru bokware. Epadure nono tubaga tabo nou brae etaimoda tadawu pobo magadugoduwo tuwo turemo nou poboto tubemegagoduwo. Nou pobo magadugodu paga karegure. Ia Pao Kurireu utugare baru tadawu koiare ure pobo magadudo toro ia meri keje. Meri jamedu boeji karega nou pobo magadugodumode. Pobo magadugodure dukeje nou ure taredo boetojiwu pobo towu pemegagodure. Joru oto padure kejewure ure trinta e oito ia imedu kogodureuji tubaduie nono dutabo. Pogora pegare dukodire meru bokware. Jesus jordure padure nono duji. Jorduware nou imedu kogodure marigudu rugadu. Dukodire unarare ji. Akore: – Akaidure apemegagoduwo?
Nou kogodureu imedu akore: – Uu. Itaidure. Mare iroiwakare iwo iremo nou poboto ipemegagoduwo. Awu pobo magadugodure dukeje ia kogodureu ure taredo nou poboto itododai tu tu je tubemegagoduwo. Nou pobo magadugodure dukeje umode boe epemegago.
Jesus makore ji. Akore: – Aragojedo. Amerudo. Akeragu akudau kodoji atuwo pugeje.
Dukodi čare nou imedu pemegagodure tači rugadu. Ure turagojedo. Ure tugeragu tugudau kodoji. Dukeje uture tumeru tabo rugadu. Sábado meri kejere Jesus rore aino ji. Ča Judeu doge eimijerage erdure nou imeduji dukeje ekorigodure ji. Egore: – Amerure aino akudau kodo tabo Sábado meri keje du pegare rugadu. Arokaba aino pugeje.
Nou imedu akore: – Ure ipemegadowu imedu makore i iwo ikeragu awu ikudau kodoji imeruwo tabo pugeje.
Nou boe eimijerage egore: – Duba koiaba ure arodo aino?
Mare nou imedu jorduwakare Jesusji. Jesus ure pemegago dukejere uture piji. Boe emagare nono dukodire nou imedu jordukare uture tubiji duji. Dukodire makokare ji pugeje.
Merirekodutabo Jesus jordure nou imeduji pugeje Pao Kurireu uwai tada. Jesus makore ji. Akore: – Awiapaga pemegado iwadaruji. Apemegagodure. Mare akera ra aro pegareu piji jamedu. Amodukare akera ra aro pegareu piji dukeje boe pegamode ai pugeje du kodumode awu boetojiwu akogodae kori rugadu.
Nono nou imedu uture Jesus piji Judeu doge eimijerage etae. Ure ewie Jesus ieji. Makore ema koiaie uie tubemegago. Nono nou boe eimijerage erdu pegare Jesus rore aino duji. Etaidukare Jesus ure nou imedu pemegago sábado meri keje duji. Erokare aino kodi. Egore boe ekaiago boe epemegado sábado meriji. Dukodire etaidure tuwo boe pegado Jesusji rugadu.
Mare Jesus makore ewadaru jipagi. Akore: – Iogwa maragodure meri jamedu boeji. Iromode aino jamedu.
Ainore Jesus rore rugadu. Judeu doge eromodukare ia turore jiboeji sábado meriji. Edu pagamode tu tumuga keje rugadu. Mare Jesus meartorukare nou erore jiboeji. Jesus akore tuoie Pao Kurireu rema. Akore aino dutabo akore Pao Kurireu nuie pudumi jamedu. Mare nou Judeu doge eimijerage erdu pegare akoinoduji. Dukodire čare ekorigodure ji. Ere tumeardae tawuje tuwo Jesus bito.

Nono Jesus makore nou Judeu doge eimijeragei. Akore: – Boe jokodu jire inagoino tawiagai. Pao Kurireu Onaregedu romodukare ia boeji tumeardae tabo. Jordumode Tuo Kurireu roji dukeje romode nono nou Tuo ro mogadure. Onaregedu romode nono Tuo ro mogadure rugadu. Awu Pao Kurireu Onaregedu nure imi. Iogwa meardu kurire i. Dukodire ure iorduwado turo jamedu boeji irowo nono turo mogadure jamedu. Ča Iogwa ro kurimode nou turo kori pugeje. Umode iorduwado nou turo kurireuji irowo ji jamedu. Tardumode nou iro kurireuji dukeje taebogodumode i rugadu. Iogwa Kurireu umode bireuge eewodudo pugeje tuwo emugu pemegado turo pegareu piji. Onaregedu nure imi. Imode itaidure jiwuge emugu pemegado ero pegareu piji jamedu. Iogwa Kurireu aiwomodukare boe ero pegareu bagai. Ure boe eimijerado imi. Dukodire imire itaiwomode boe ero pegareu bagai. Itaiwomode boe ero pegareu bagai dukodire boe emode ikie kurido nono ere Iogwa Kurireu ie kurido dumogadure. Mare mako pemegakare iwu mako peganure Iogwaji jamedu. Iogwa koiare ure itarego mato boe etae.
– Boe jokodu jire inagoino. Iogwa Kurireu ure itarego mato boe etae. Ewiapagamode iwadaruji dukeje emeartorumode Iogwa Kurireuji jamedu. Dukeje emugumode Iogwa Kurireu apo jii toro rugadu. Du akedumodukare. Emeartorumode Iogwaji dukeje umodukare boe pegado boei. Boe ero pegare dukodire ewimode. Dukodire ere nono bireuge emogadure. Mare emeartorumode Iogwaji dukeje ewimodukare pugeje. Emugu pemegamode Iogwapo rugadu jii toro rugadu. Boe jokodu jire inagoino tawiagai. Pao Kurireu ure tawie marigudu bireuge emeardumoduie Tonaregedu bataruji. Pao Kurireu Onaregedu nure imi rugadu. Tare nono bireuge emogadure. Ča tameardure iwadaruji. Tameartorumode iwadaruji dukeje tamodukare nono bireugere pugeje. Iogwa Kurireu koiare ure boe etowuje erijodudo. Emare jeture boei kodi. Ema koiare ure tonaregedu rakado uwo boe etowuje jamedu. Emare jeture boei jamedu. Pao Kurireu Onaregedu nure imi. Imedu Onaregedu nure imi. Dukodire Iogwa ure boe eimijerado imi itaiwowo boe ero pegareu bagai ewo turo pegareu morido rugadu. Ia meri keje bireuge eiamedu boe eewodumode pugeje bireuge eda piji. Ro pemegareuge eewodumode pugeje. Nono ewimodukare pugeje. Emugu pemegamode Iogwapo. Du akedumodukare. Ro pegareuge eewodumode jamedu mare imago pegamode erore jiboeji dukeje ewarigudumode bope doge eda kejewu joru pegareuto boe pegawo ei jii toro rugadu. Du akedumodukare rugadu.

Jesus mako kimore. Akore: – Imi karega ire boe eimijerado imi. Iromodukare itaidure jiboeji itaobiji. Dukodire imeardae karega mare Pao Kurireu koiare ure imeardae maku inai itaiwowo boe ero pegareu bagai. Pao Kurireu koiare ure itarego woe. Dukodire iromode aidure jiboeji tu tu je rugadu. Mare imagomode boei iro pemegaie dukeje emeartorumodukare i. Mare Pao Kurireu makore boe ewiagai iro pemegaie. Boe jokodu jire akoino. Boe jokodu jire João Batista akoino jamedu. Tare boe etudo ae. Ure tawie iromode jiboeji marigudu. Itaiwokare mako pemegare iwuge ewadaru bagai iwo tameartorudo i. Pao Kurireu uwo tawie irore jiboeji du pegakare. Mare ire tawiabutudo João Batista bataru keje. Makore boe ewiagai iro pemegamoduie tai duji tameartoruwo i iwo taginorudo boe pegareu piji rugadu. João Batista bataru ure nono jorugu mogadure. Mare jorugu karega. Ure tarduwado. Tagaidure bataruji ia ari keje. João Batista makore tawiagai i boeji. Mare iro pemegareu, iro rakareu, umode tarduwado i rugadu. Iogwa Kurireu ure iragado iro rakawo rugadu. Iro rakamode dukeje tarduwamode Iogwa Kurireu koiare ure itarego mato boe etae duji. Iogwa Kurireu koiare ure tawie iromode jiboeji. Ure itarego mato mare marigudure tardukare ji. Marigudu tameardukare makoji. Tameartorukare ji jamedu dukodire tagare Iogwa Kurireu bataru metudo tagaora tada. Tawiagodure piji. Tagaiwore Pao Kurireu bataru padure kejewu baperaji. Tameardaere nou taro koiare umode tamugu pemegado Pao Kurireu apo tawikawo pugeje. Mare nou tagaiwore jiwu Pao Kurireu bataru unure tawie irore jiboeji. Mare tagaidukare tarduwawo i tagaidukare tameartoruwo i. Tameartorumode i dukeje tamugu pemegamode Pao Kurireu apo jii toro rugadu. Dukodi tawimodukare pugeje.
– Itaiwokare mako pemegare iwuge ewadaru bagai. Iorduware tai rugadu. Tawiapagakare tameardu kuriwo Pao Kurireuji pugeje. Iogwa Kurireu koiare ure boe eimijerado imi. Du inodu tabo tameartorukare i. Ia imedu aregodumode tagae. Umode boe eimijerado pudumi dukeje tameartorumode ji rugadu. Tagaidure boe emago pemegare tai duji boe ebogoduwo tai. Mare tagaidukare tawiapagawo Pao Kurireu bataruji tameartoruwo ji mako pemegawo tai. Ča. Tameartorumodukare i jamedu. Mare imago pegamodukare tai Iogwa Kurireu biagai. Tagaidure jawu Judeu doge eimijera Moisés bataruji. Mare emare mako pegamode tai Pao Kurireu biagai tameartorukaie i. Tameartorumode Moisés bataruji rugadu dukeje tameartorumode i jamedu. Emare makore irore jiboeji. Ure nou tuwadaru bu bapera keje. Mare tameartorukare nou padure bapera kejewu Moisés bataruji dukodire tameartorumodukare iwadaruji jamedu.

සවන් දෙන්න João 5