<div class="version vid2375 iso6393kde" data-vid="2375" data-iso6393="kde">
 <div class="book bkGEN">
 <div class="chapter ch29" data-usfm="GEN.29">
 <div class="label">29</div><div class="s">Yakobo &#224;hwika kwanga Labani</div><div class="p"> 1Bahi Yakobo nkuhweneha na mwanda wake, nkunahwika nchilambo cha vanu vaik&#226;la mpata wa kumashaliki wa chilambo cha Kanaani. 2Pahwikile aneko, liduva limo nkuchona chihima aneko kulilanga, na matunji matatu la angandolo lapumulid&#236;l&#232; pepi na chihima anecho. Angandolo v&#225;kumbijwa medi la chihima anecho chinahinikwije liyanga likulungwa. 3Kwa kawaida, makuwa lammalele la angandolo lak&#224;kojana anepo, vachunga v&#225;nakumilana kulihingiliha alila liyanga lya pachihima na kuvakumbija angandolo medi. Na vak&#224;malila kuvakumbija, nkuchihinika kavila kwa liyanga anelyo.</div><div class="p"> 4Yakobo nkuvauja vachunga anevo kuchidoni, &#8220;Mmalangavangu, mwenu kwenu kwachi?&#8221; Nkunnyang'ula kuchidoni, &#8220;Hwetu kwetu ku Halani.&#8221; 5Nang'e nkuvauja kuchidoni, &#8220;Dachi, m&#249;nimmala Labani n'dukuluwe Naholi?&#8221; Nkunnyang'ula kuchidoni, &#8220;Elo t&#249;nimmala.&#8221; 6Nkuhweneha kuvauja kuchidoni, &#8220;Dachi, mumi?&#8221; Vanang'o nkunnyang'ula kuchidoni, &#8220;Nang'e mumi, na Laheli mwali wake ayula apala, &#224;venkwida na angandolo vake.&#8221; 7Bahi Yakobo nkuvahaulila kuchidoni, &#8220;Lola, vino nni muhi namene, na auno ukee uhiku wa kuvapelekeja anyama unalala. Vakumbijange anyama medi koka muhwene mukavachunge.&#8221; 8Henga vanang'o nkunnyaulila kuchidoni, &#8220;Tuk&#225;hulula kutenda uchocho mpaka makuwa lammalele laide, na liyanga lihingilihwe, koka tuvakumbije medi angandolo.&#8221;</div><div class="p"> 9Bahi Yakobo pachitangola na anevo vachunga, nkukamola Laheli na angandolo va atatake, kwa kuva nang'e njo achivachunga. 10Yakobo pammwene Laheli, mwali wanga Labani anang'alavake na angandolo vake, nkuhwena unalihingiliha alila liyanga pachihima, nkuvakumbija angandolo va anang'alavake. 11Bahi Yakobo nkusalimila Laheli kwa kum'busu, na kukuta chitangelo kwa kuhangalala. 12Yakobo nkunnyaulila Laheli kuva, atatake Laheli nang'e &#224;nchema nnang'alavake, na kuva, nang'e ni mwana wanga Labeka amatiye Laheli. Laheli nkutukuta chimbamba kuhwena kukaya unannyaulila atatake.</div><div class="p"> 13Labani papilikene chihi habali dya Yakobo mwipwave, nkutukuta upehi uhwena unanchingamila. Pammwene, nkunkumbatila na kum'busu, nkunkalibisha kukaya kwake. Yakobo nkunnyaulila Labani mambo lammalele lahumid&#238;le. 14Labani nkuchidoni, &#8220;Muhiu, wako ni nnangawangu, na myadi yangu!&#8221; Yakobo nkuikala kwanga Labani mwedi umo.</div><div class="s">Yakobo &#224;valomba vali vanga Labani</div><div class="p"> 15Paumalilike mwedi anewo umo, Labani nkunnyaulila Yakobo kuchidoni, &#8220;Wako kuva unnangawangu ikee na mana kuva &#249;lembelewa ungutumikile bila kukwing'a chinu chohecho. Bahi nguhaulila, &#249;lembela nikulipe chamani.&#8221; 16Hambi Labani &#225;vele na vana vavili vachimahe, ntandi v&#225;nchema Leya na n'joko v&#225;nchema Laheli. 17Leya &#225;vele na meho lakukakula,#29:17 Apano kwa Chieblaniya p&#224;lembwije kuva &#8220;meho laini.&#8221; Vatalamu vanji v&#224;tenda kuva &#236;nahululika kuva mana yake &#236;vele, meho lake l&#225;nikatapala na vanji v&#224;haula kuva meho lake l&#225;vele na ihonjela na vanji v&#224;haula kuva nanga pachiutila. henga Laheli &#225;vele na liumbo lyambone na kumeho kwake k&#250;nikatapala namene. 18Yakobo nkuntamwa namene Laheli, bahi nkunnyaulila Labani kuchidoni, &#8220;Nangu nguchinikutumikile kwa vyaka saba uchinga uning'e Laheli, mwali wako n'joko.&#8221; 19Labani nkunnyaulila kuchidoni, &#8220;Wasa nikwing'e wako Laheli kuliko umwing'a munu yunji. Bahi hweneha kuikala na nangu.&#8221; 20Bahi Yakobo nkuntumikila Labani vyaka saba kwajili yanga Laheli, henga Yakobo &#225;wene chihi maduva anelo kuva kadiki, kwa kuva &#225;nintamwa namene Laheli.</div><div class="p"> 21Anepo Yakobo nkunnyaulila Labani kuchidoni, &#8220;Maduva langu l&#224;nitimila, bahi ning'e n'jangu, ngwende nawe ulombi.&#8221; 22Bahi Labani nkwandaa ing'ole na kuvakumbula vanu vammalele va pachinu anepo. 23Henga pachikamwele chinalyulo, Labani nkuntwala Leya mwanawe nkulungwa, nkumpelekeja kwanga Yakobo, na Yakobo nkulala nawe. 24Na Labani nkunhumya ntumwa wake wa pachimahe uvanchema Zilipa, &#224;&#224;ve ntumwa wanga Leya. 25Ulyamba wake, Yakobo nkumala kuva v&#224;mwing'ile Leya! Bahi Yakobo nkummuja Labani kuchidoni, &#8220;&#217;ngutendeledile chinu ntwani? Dachi, tenda &#324;ikutumikidile kwajili yanga Laheli? Ing'anya ntwani &#249;ningulambila?&#8221; 26Labani nkunnyang'ula kuchidoni, &#8220;Nchilambo chetu nanga patutenda uchocho. Akee nnyambo wetu kulongolela kulombwa mwali n'joko kabla ya nkulungwa. 27Bahi malila lijuma limo lya kuhangalalila ing'ole ya ulombi, koka tukwing'e Laheli utumikile vyaka vinji saba.&#8221; 28Yakobo nkukubali. Bahi Yakobo pamalidile anelyo lijuma limo, Labani nkunhumya Laheli, mwali wake n'joko &#224;&#224;ve n'jawe Yakobo. 29Labani nkunhumya ntumwa wake wa pachimahe uvanchema Biliha, uchinga &#224;&#224;ve ntumwa wanga Laheli. 30Uchocho, Yakobo nkulala na Laheli. Yakobo nkuntamwa namene Laheli kupunda Leya. Nkuntumikila Labani vyaka vinji saba.</div><div class="s">Vana vanga Yakobo</div><div class="p"> 31Yahwe pawene kuva Yakobo nanga pantamwa namene Leya, bahi nkun'jalila Leya kupata vana, henga Laheli nkuva ntonga. 32Leya nkupata chitumbo, nkummeleka mwana wachilume, nkunchema Lubeni,#29:32 Lidi lya lina Lubeni l&#236;pilikanika muchi lilove lya Chieblaniya liv&#234;le na mana ya &#8220;&#224;nikwona kubanika kwangu.&#8221; kwa kuva &#225;hawile kuchidoni, &#8220;Yahwe &#224;nikwona kubanika kwangu, muhiu kuva ntwangu vino achiangutamwe.&#8221; 33Leya nkupata chitumbo kavila, nkummeleka mwana wachilume, nkunchema lina Simeoni,#29:33 Lina Simeoni, &#236;nahululika kuva na mana ya &#8220;ayula apilik&#226;na.&#8221; kwa kuva &#225;hawile kuchidoni, &#8220;Yahwe &#224;nining'a mwana yunji wachilume, kwa kuva &#224;nipilikana namuna chakangutamwa.&#8221; 34Leya nkupata chitumbo chinji, nkummeleka mwana wachilume, nkunchema lina Lawi,#29:34 Lidi lya lina Lawi l&#236;pilikanika muchi lilove lya Chieblaniya liv&#234;le na mana ya &#8220;kulundana.&#8221; kwa kuva &#225;hawile kuchidoni, &#8220;Vino ntwangu achialundane na nangu, kwa kuva n&#236;mmelekedile vana vatatu vachilume.&#8221; 35Leya nkupata chitumbo kavila, nkummeleka mwana wachilume, nkunchema lina Yuda,#29:35 Lidi lya lina Yuda l&#236;pilikanika muchi lilove lya Chieblaniya liv&#234;le na mana ya &#8220;kulombolela.&#8221; kwa kuva &#225;hawile kuchidoni, &#8220;Mwanda auno n&#236;mbennombolela Yahwe.&#8221; Bahi Leya nkuimija kuvaleka kwa vyaka fulani.</div>
 </div>
 </div>
</div>

Bahi Yakobo nkuhweneha na mwanda wake, nkunahwika nchilambo cha vanu vaikâla mpata wa kumashaliki wa chilambo cha Kanaani. Pahwikile aneko, liduva limo nkuchona chihima aneko kulilanga, na matunji matatu la angandolo lapumulidìlè pepi na chihima anecho. Angandolo vákumbijwa medi la chihima anecho chinahinikwije liyanga likulungwa. Kwa kawaida, makuwa lammalele la angandolo lakàkojana anepo, vachunga vánakumilana kulihingiliha alila liyanga lya pachihima na kuvakumbija angandolo medi. Na vakàmalila kuvakumbija, nkuchihinika kavila kwa liyanga anelyo.
Yakobo nkuvauja vachunga anevo kuchidoni, “Mmalangavangu, mwenu kwenu kwachi?” Nkunnyang'ula kuchidoni, “Hwetu kwetu ku Halani.” Nang'e nkuvauja kuchidoni, “Dachi, mùnimmala Labani n'dukuluwe Naholi?” Nkunnyang'ula kuchidoni, “Elo tùnimmala.” Nkuhweneha kuvauja kuchidoni, “Dachi, mumi?” Vanang'o nkunnyang'ula kuchidoni, “Nang'e mumi, na Laheli mwali wake ayula apala, àvenkwida na angandolo vake.” Bahi Yakobo nkuvahaulila kuchidoni, “Lola, vino nni muhi namene, na auno ukee uhiku wa kuvapelekeja anyama unalala. Vakumbijange anyama medi koka muhwene mukavachunge.” Henga vanang'o nkunnyaulila kuchidoni, “Tukáhulula kutenda uchocho mpaka makuwa lammalele laide, na liyanga lihingilihwe, koka tuvakumbije medi angandolo.”
Bahi Yakobo pachitangola na anevo vachunga, nkukamola Laheli na angandolo va atatake, kwa kuva nang'e njo achivachunga. Yakobo pammwene Laheli, mwali wanga Labani anang'alavake na angandolo vake, nkuhwena unalihingiliha alila liyanga pachihima, nkuvakumbija angandolo va anang'alavake. Bahi Yakobo nkusalimila Laheli kwa kum'busu, na kukuta chitangelo kwa kuhangalala. Yakobo nkunnyaulila Laheli kuva, atatake Laheli nang'e ànchema nnang'alavake, na kuva, nang'e ni mwana wanga Labeka amatiye Laheli. Laheli nkutukuta chimbamba kuhwena kukaya unannyaulila atatake.
Labani papilikene chihi habali dya Yakobo mwipwave, nkutukuta upehi uhwena unanchingamila. Pammwene, nkunkumbatila na kum'busu, nkunkalibisha kukaya kwake. Yakobo nkunnyaulila Labani mambo lammalele lahumidîle. Labani nkuchidoni, “Muhiu, wako ni nnangawangu, na myadi yangu!” Yakobo nkuikala kwanga Labani mwedi umo.

Paumalilike mwedi anewo umo, Labani nkunnyaulila Yakobo kuchidoni, “Wako kuva unnangawangu ikee na mana kuva ùlembelewa ungutumikile bila kukwing'a chinu chohecho. Bahi nguhaulila, ùlembela nikulipe chamani.” Hambi Labani ávele na vana vavili vachimahe, ntandi vánchema Leya na n'joko vánchema Laheli. Leya ávele na meho lakukakula, henga Laheli ávele na liumbo lyambone na kumeho kwake kúnikatapala namene. Yakobo nkuntamwa namene Laheli, bahi nkunnyaulila Labani kuchidoni, “Nangu nguchinikutumikile kwa vyaka saba uchinga uning'e Laheli, mwali wako n'joko.” Labani nkunnyaulila kuchidoni, “Wasa nikwing'e wako Laheli kuliko umwing'a munu yunji. Bahi hweneha kuikala na nangu.” Bahi Yakobo nkuntumikila Labani vyaka saba kwajili yanga Laheli, henga Yakobo áwene chihi maduva anelo kuva kadiki, kwa kuva ánintamwa namene Laheli.
Anepo Yakobo nkunnyaulila Labani kuchidoni, “Maduva langu lànitimila, bahi ning'e n'jangu, ngwende nawe ulombi.” Bahi Labani nkwandaa ing'ole na kuvakumbula vanu vammalele va pachinu anepo. Henga pachikamwele chinalyulo, Labani nkuntwala Leya mwanawe nkulungwa, nkumpelekeja kwanga Yakobo, na Yakobo nkulala nawe. Na Labani nkunhumya ntumwa wake wa pachimahe uvanchema Zilipa, ààve ntumwa wanga Leya. Ulyamba wake, Yakobo nkumala kuva vàmwing'ile Leya! Bahi Yakobo nkummuja Labani kuchidoni, “Ùngutendeledile chinu ntwani? Dachi, tenda ńikutumikidile kwajili yanga Laheli? Ing'anya ntwani ùningulambila?” Labani nkunnyang'ula kuchidoni, “Nchilambo chetu nanga patutenda uchocho. Akee nnyambo wetu kulongolela kulombwa mwali n'joko kabla ya nkulungwa. Bahi malila lijuma limo lya kuhangalalila ing'ole ya ulombi, koka tukwing'e Laheli utumikile vyaka vinji saba.” Yakobo nkukubali. Bahi Yakobo pamalidile anelyo lijuma limo, Labani nkunhumya Laheli, mwali wake n'joko ààve n'jawe Yakobo. Labani nkunhumya ntumwa wake wa pachimahe uvanchema Biliha, uchinga ààve ntumwa wanga Laheli. Uchocho, Yakobo nkulala na Laheli. Yakobo nkuntamwa namene Laheli kupunda Leya. Nkuntumikila Labani vyaka vinji saba.

Yahwe pawene kuva Yakobo nanga pantamwa namene Leya, bahi nkun'jalila Leya kupata vana, henga Laheli nkuva ntonga. Leya nkupata chitumbo, nkummeleka mwana wachilume, nkunchema Lubeni, kwa kuva áhawile kuchidoni, “Yahwe ànikwona kubanika kwangu, muhiu kuva ntwangu vino achiangutamwe.” Leya nkupata chitumbo kavila, nkummeleka mwana wachilume, nkunchema lina Simeoni, kwa kuva áhawile kuchidoni, “Yahwe ànining'a mwana yunji wachilume, kwa kuva ànipilikana namuna chakangutamwa.” Leya nkupata chitumbo chinji, nkummeleka mwana wachilume, nkunchema lina Lawi, kwa kuva áhawile kuchidoni, “Vino ntwangu achialundane na nangu, kwa kuva nìmmelekedile vana vatatu vachilume.” Leya nkupata chitumbo kavila, nkummeleka mwana wachilume, nkunchema lina Yuda, kwa kuva áhawile kuchidoni, “Mwanda auno nìmbennombolela Yahwe.” Bahi Leya nkuimija kuvaleka kwa vyaka fulani.

සවන් දෙන්න Ntandiliko 29