The Zaramo New Testament

<div class="version vid2373 iso6393zaj" data-vid="2373" data-iso6393="zaj">
 <div class="book bkJHN">
 <div class="chapter ch7" data-usfm="JHN.7">
 <div class="label">7</div><div class="s1">Yesu na Wadodo Zake</div><div class="p"> 1Abaho Yesu kakala yotembela muiisi ya Galilaya. Halondile kutembela muiisi ya Yudea kwavija wakulu wa Wayahudi wakala wolonda kumkoma. 2Lusona lwa Vizewe lwa Wayahudi lukala lukwenhuke, 3avo wandugu zake Yesu wamulongela, &#8220;Segela hano uchole Yudea, giladi wanahina zako wazone sang'hano zuutenda. 4Haduhu munhu yofisa mbuli zoyotenda kamba yahalonda kutangigwa na wanhu. Kamba kotenda mbuli zino, uilaguse muulumwengu.&#8221; 5Kwavija hata wandugu zake hawamtogole.</div><div class="p"> 6Yesu kawalongela, &#8220;Kipigiti changu kinogile hakinavika, ila vipigiti vose kumwenu mweye vinoga. 7Ulumwengu haudaha kuwehila mweye, ila wonihila nie, kwavija mazua gose noulongela kamba sang'hano zake ziha. 8Mweye gendeni kulusona. Nie sichola kuna ulusona, kwavija kipigiti changu kinogile hakinavikila.&#8221; 9Viyamambukize kugalonga gano, kagendelela kukala muiisi ya Galilaya.</div><div class="s1">Yesu Kulusona lwa Ivizewe</div><div class="p"> 10Wadodo zake viwacholile kulusona, Yesu na heyo kachola, ila hacholile mkuilagusa, ila mkuifisa. 11Wakulu wa Wayahudi wakala womzahila kuja kulusona, wauza, &#8220;Kakwahi?&#8221;</div><div class="p"> 12Kukala na nyong'onyo bwando mwa wanhu womnyong'onya heyo. Wanhu wayagwe walonga, &#8220;Munhu ino kanoga,&#8221; wayagwe walonga, &#8220;Hanogile, kowagiza wanhu.&#8221; 13Ila haduhu yamulongile kinaganaga kwavija wakala wowadumba wakulu wa Wayahudi.</div><div class="p"> 14Lusona vuluvikile mkindibwindibwi, Yesu kachola Kung'anda ya Mulungu na kusonga kufundiza. 15Wakulu wa Wayahudi wakanganya ng'hani walonga, &#8220;Munhu ino kozitangaze mbuli zino zose na kuno hafundizigwe na munhu yoyose?&#8221;</div><div class="p"> 16Yesu kalonga, &#8220;Kinifundiza nie sio mafundo gangu mwenyego, ila galawa ha Mulungu yanhumile. 17Munhu yoyose yosagula kugatenda gaja goyolonda Mulungu kovitanga kamba gano gonifundiza nie golawa ha Mulungu ama nolonga mbuli zangu mwenyego. 18Munhu yolonga mbuli zake mwenyego kozahila nhogolwa yake mwenyego. Ila munhu yosang'hanika sama ya nhogolwa ya ayo yamtumile iyo mwene ikweli, na mduhu dihile mgati yake. 19Musa hawagwelele Malagizo? Na haduhu hata munhu imwe mmwanza wenu yogazindilila Malagizo. Habali mulonda kunikoma?&#8221;</div><div class="p"> 20Waja wanhu walonga, &#8220;Gweye kuna Mwenembago! Yalihi yondakukukoma?&#8221;</div><div class="p"> 21Yesu kawalongela, &#8220;Nitenda mzonza umwe,#7:21 Hano Yesu kowakumbusa wanhu mzonza uyamtendele munhu yaholole Mdizua da Mhumulo muisula ya 5:1-18. na mose msinhuka. 22Musa kawalagiza mweye muwengize kumbi wanenu. Hata avo sio Musa yasongile mbuli ino ila wahenga zenu. Avo mumwingiza kumbi mwana Mdizua da Mhumulo. 23Kamba mwana kengizigwa kumbi Mdizua da Mhumulo giladi Malagizo ga Musa sambigadulukwe, habali basi munyonela lusango nie kwavija nimuhonya munhu utamu wake wose Mdizua da Mhumulo? 24Sambimumtaguse munhu kwavija voyoneka, ila mtaguseni muikweli.&#8221;</div><div class="s1">Yesu Iyo Kilisto?</div><div class="p"> 25Wanhu wayagwe wa Yelusalemu walonga, &#8220;Ino hali munhu ija woyolonda kumkoma? 26Lola, kolongelela hakimwagaia, na wakulu hawalonga kinhu chochose cha kumtagusa. Yokoneka wavitanga kamba heyo iyo Kilisto? 27Ila Kilisto vondayeze haduhu munhu yondayavitange koyolawa. Ila tweye tose tukutanga koyolawa munhu ino.&#8221;</div><div class="p"> 28Yesu viyakalile yofundiza Kung'anda ya Mulungu, kenula dizwi yolonga, &#8220;Nie munitanga na mkutanga kuja kunilawa. Sizile na udaho wangu mwenyego. Ayo yanhumile kabule uzenzeleganye, na mweye hamumtangile. 29Ila nie nimtanga, kwavija niza kulawa kumwake, na heyo iyo yanhumile nie.&#8221;</div><div class="p"> 30Avo, walonda kumgoga, ila haduhu munhu yamgolosele mkono wake, kwavija kipigiti chake kikala hakinavika. 31Wanhu bwando wakalile mdidale dija wamtogola, walonga, &#8220;Kipigiti chondayeze Kilisto, kotenda mizonza kubanza ino yootenda munhu ino?&#8221;</div><div class="s1">Wemilizi Wotumigwa Wakamgoge Yesu</div><div class="p"> 32Mafalisayo wawahulika wanhu wonyong'onya mbuli zija womulonga Yesu, avo hewo na wakulu wa wakulu wa nhambiko wawatuma wemilizi wa Ng'anda ya Mulungu wakamgoge. 33Yesu kalonga, &#8220;Nokala na mweye mkipigiti kidodo, abaho, nobwela ha ayo yanhumile. 34Monizahila ila hamunyona, na kondaniwe hamdaha kwiza.&#8221;</div><div class="p"> 35Wakulu wa Wayahudi wakiilongela wenyego kwa wenyego, wolonga, &#8220;Kwahi koyolonda kuchola kondatuleke kumona? Konda kuchola kuwapwililikile wanhu zetu muisi ya Ugiliki na kuwafundiza Wagiliki? 36Mbuli ino nhegulo yake choni ahaja hayolongile, &#8216;Monizahila, ila hamunyona&#8217; na &#8216;Kondaniwe, hamdaha kwiza&#8217;?&#8221;</div><div class="s1">Lwanda lwa Mazi Golava Ugima</div><div class="p"> 37Zua da mgotoko wa ulusona dikala zua dinogelwe ng'hani na wanhu. Yesu kema kenula dizwi kalonga, &#8220;Munhu yoyose yali na ng'hilu na yeze kumwangu yang'we, 38munhu yoyose yonitogola, kamba Nyandiko Zing'alile vuzilongile, &#8216;Lwanda lwa mazi golava ugima gotililika kulawa mmoyo wake.&#8217; &#8221; 39Mazi gayalongile Yesu gakala Loho wa Mulungu, ayo waja wamtogole heyo wom'bokela. Kipigiti kija Loho wa Mulungu kakala yang'hali hanavika, kwavija Yesu kakala yang'hali hanayenzigwa.</div><div class="s1">Wanhu Wokiigola</div><div class="p"> 40Wanhu wayagwe wakalile mdidale dija wamuhulike Yesu yolonga gano walonga, &#8220;Munhu ino kweli iyo Muhokozi ija.&#8221;</div><div class="p"> 41Wayagwe walonga, &#8220;Ino iyo Kilisto.&#8221;</div><div class="p">Ila wayagwe walonga, &#8220;Vodahikaze Kilisto yalawe muisi ya Galilaya? 42Nyandiko Zing'alile hazilonga kamba Kilisto kokwiza kulawa mulukolo lwa Daudi, na kovumbuka muisi ya Betelehemu, kiwambo chayakalile yokala Daudi?&#8221; 43Avo wanhu wakiigola sama ya Yesu. 44Wayagwe walonda kumgoga, ila haduhu yamgolosele mkono.</div><div class="s1">Wakulu wa Wayahudi Wolema Kumtogola Yesu</div><div class="p"> 45Wemilizi wabwela ha wakulu wa wakulu wa nhambiko na Mafalisayo, na hewo wawauza, &#8220;Habali hamumgogile?&#8221;</div><div class="p"> 46Wemilizi walonga, &#8220;Hatunamona munhu yolonga kamba viyolonga munhu ino!&#8221;</div><div class="p"> 47Mafalisayo wawauza, &#8220;Na mweye vivija kawavwizila? 48Mmona munhu yoyose mmwanza wa wakulu wa wanhu ama Mfalisayo imwe yomtogola ino? 49Wanhu wano womuwinza ino hawagatangile Malagizo ga Musa, avo wokiigela mulusango lwa Mulungu!&#8221;</div><div class="p"> 50Imwe wa Mafalisayo wakalile haja kakala Nikodemo, munhu yacholile kumona Yesu mazua ga kuchugu, kauza, 51&#8220;Malagizo hagalonga kamba havidahika kumtagusa munhu yoyose kamba hatunamuhulika na kugatanga gaja gayatendile?&#8221;</div><div class="p"> 52Walonga, &#8220;Gweye vivija kolawa Galilaya? Pelesa Zinyandiko Zing'alile na kokwiza kona kamba haduhu muhokozi yondayeze kulawa Galilaya.&#8221; 53Abaho, kila munhu kachola ukae yake.</div>
 </div>
 </div>
</div>

Zaramo Bible Translation Project: © 2023 Pioneer Bible Translators  New Testament is a revision of: Zaramo New Testament: © 2020 The Word for the World International and © 2020 Pioneer Bible Translators

Abaho Yesu kakala yotembela muiisi ya Galilaya. Halondile kutembela muiisi ya Yudea kwavija wakulu wa Wayahudi wakala wolonda kumkoma. Lusona lwa Vizewe lwa Wayahudi lukala lukwenhuke, avo wandugu zake Yesu wamulongela, “Segela hano uchole Yudea, giladi wanahina zako wazone sang'hano zuutenda. Haduhu munhu yofisa mbuli zoyotenda kamba yahalonda kutangigwa na wanhu. Kamba kotenda mbuli zino, uilaguse muulumwengu.” Kwavija hata wandugu zake hawamtogole.
Yesu kawalongela, “Kipigiti changu kinogile hakinavika, ila vipigiti vose kumwenu mweye vinoga. Ulumwengu haudaha kuwehila mweye, ila wonihila nie, kwavija mazua gose noulongela kamba sang'hano zake ziha. Mweye gendeni kulusona. Nie sichola kuna ulusona, kwavija kipigiti changu kinogile hakinavikila.” Viyamambukize kugalonga gano, kagendelela kukala muiisi ya Galilaya.

Wadodo zake viwacholile kulusona, Yesu na heyo kachola, ila hacholile mkuilagusa, ila mkuifisa. Wakulu wa Wayahudi wakala womzahila kuja kulusona, wauza, “Kakwahi?”
Kukala na nyong'onyo bwando mwa wanhu womnyong'onya heyo. Wanhu wayagwe walonga, “Munhu ino kanoga,” wayagwe walonga, “Hanogile, kowagiza wanhu.” Ila haduhu yamulongile kinaganaga kwavija wakala wowadumba wakulu wa Wayahudi.
Lusona vuluvikile mkindibwindibwi, Yesu kachola Kung'anda ya Mulungu na kusonga kufundiza. Wakulu wa Wayahudi wakanganya ng'hani walonga, “Munhu ino kozitangaze mbuli zino zose na kuno hafundizigwe na munhu yoyose?”
Yesu kalonga, “Kinifundiza nie sio mafundo gangu mwenyego, ila galawa ha Mulungu yanhumile. Munhu yoyose yosagula kugatenda gaja goyolonda Mulungu kovitanga kamba gano gonifundiza nie golawa ha Mulungu ama nolonga mbuli zangu mwenyego. Munhu yolonga mbuli zake mwenyego kozahila nhogolwa yake mwenyego. Ila munhu yosang'hanika sama ya nhogolwa ya ayo yamtumile iyo mwene ikweli, na mduhu dihile mgati yake. Musa hawagwelele Malagizo? Na haduhu hata munhu imwe mmwanza wenu yogazindilila Malagizo. Habali mulonda kunikoma?”
Waja wanhu walonga, “Gweye kuna Mwenembago! Yalihi yondakukukoma?”
Yesu kawalongela, “Nitenda mzonza umwe, na mose msinhuka. Musa kawalagiza mweye muwengize kumbi wanenu. Hata avo sio Musa yasongile mbuli ino ila wahenga zenu. Avo mumwingiza kumbi mwana Mdizua da Mhumulo. Kamba mwana kengizigwa kumbi Mdizua da Mhumulo giladi Malagizo ga Musa sambigadulukwe, habali basi munyonela lusango nie kwavija nimuhonya munhu utamu wake wose Mdizua da Mhumulo? Sambimumtaguse munhu kwavija voyoneka, ila mtaguseni muikweli.”

Wanhu wayagwe wa Yelusalemu walonga, “Ino hali munhu ija woyolonda kumkoma? Lola, kolongelela hakimwagaia, na wakulu hawalonga kinhu chochose cha kumtagusa. Yokoneka wavitanga kamba heyo iyo Kilisto? Ila Kilisto vondayeze haduhu munhu yondayavitange koyolawa. Ila tweye tose tukutanga koyolawa munhu ino.”
Yesu viyakalile yofundiza Kung'anda ya Mulungu, kenula dizwi yolonga, “Nie munitanga na mkutanga kuja kunilawa. Sizile na udaho wangu mwenyego. Ayo yanhumile kabule uzenzeleganye, na mweye hamumtangile. Ila nie nimtanga, kwavija niza kulawa kumwake, na heyo iyo yanhumile nie.”
Avo, walonda kumgoga, ila haduhu munhu yamgolosele mkono wake, kwavija kipigiti chake kikala hakinavika. Wanhu bwando wakalile mdidale dija wamtogola, walonga, “Kipigiti chondayeze Kilisto, kotenda mizonza kubanza ino yootenda munhu ino?”

Mafalisayo wawahulika wanhu wonyong'onya mbuli zija womulonga Yesu, avo hewo na wakulu wa wakulu wa nhambiko wawatuma wemilizi wa Ng'anda ya Mulungu wakamgoge. Yesu kalonga, “Nokala na mweye mkipigiti kidodo, abaho, nobwela ha ayo yanhumile. Monizahila ila hamunyona, na kondaniwe hamdaha kwiza.”
Wakulu wa Wayahudi wakiilongela wenyego kwa wenyego, wolonga, “Kwahi koyolonda kuchola kondatuleke kumona? Konda kuchola kuwapwililikile wanhu zetu muisi ya Ugiliki na kuwafundiza Wagiliki? Mbuli ino nhegulo yake choni ahaja hayolongile, ‘Monizahila, ila hamunyona’ na ‘Kondaniwe, hamdaha kwiza’?”

Zua da mgotoko wa ulusona dikala zua dinogelwe ng'hani na wanhu. Yesu kema kenula dizwi kalonga, “Munhu yoyose yali na ng'hilu na yeze kumwangu yang'we, munhu yoyose yonitogola, kamba Nyandiko Zing'alile vuzilongile, ‘Lwanda lwa mazi golava ugima gotililika kulawa mmoyo wake.’ ” Mazi gayalongile Yesu gakala Loho wa Mulungu, ayo waja wamtogole heyo wom'bokela. Kipigiti kija Loho wa Mulungu kakala yang'hali hanavika, kwavija Yesu kakala yang'hali hanayenzigwa.

Wanhu wayagwe wakalile mdidale dija wamuhulike Yesu yolonga gano walonga, “Munhu ino kweli iyo Muhokozi ija.”
Wayagwe walonga, “Ino iyo Kilisto.”
Ila wayagwe walonga, “Vodahikaze Kilisto yalawe muisi ya Galilaya? Nyandiko Zing'alile hazilonga kamba Kilisto kokwiza kulawa mulukolo lwa Daudi, na kovumbuka muisi ya Betelehemu, kiwambo chayakalile yokala Daudi?” Avo wanhu wakiigola sama ya Yesu. Wayagwe walonda kumgoga, ila haduhu yamgolosele mkono.

Wemilizi wabwela ha wakulu wa wakulu wa nhambiko na Mafalisayo, na hewo wawauza, “Habali hamumgogile?”
Wemilizi walonga, “Hatunamona munhu yolonga kamba viyolonga munhu ino!”
Mafalisayo wawauza, “Na mweye vivija kawavwizila? Mmona munhu yoyose mmwanza wa wakulu wa wanhu ama Mfalisayo imwe yomtogola ino? Wanhu wano womuwinza ino hawagatangile Malagizo ga Musa, avo wokiigela mulusango lwa Mulungu!”
Imwe wa Mafalisayo wakalile haja kakala Nikodemo, munhu yacholile kumona Yesu mazua ga kuchugu, kauza, “Malagizo hagalonga kamba havidahika kumtagusa munhu yoyose kamba hatunamuhulika na kugatanga gaja gayatendile?”
Walonga, “Gweye vivija kolawa Galilaya? Pelesa Zinyandiko Zing'alile na kokwiza kona kamba haduhu muhokozi yondayeze kulawa Galilaya.” Abaho, kila munhu kachola ukae yake.

සවන් දෙන්න YOHANA 7