<div class="version vid2084 iso6393crk" data-vid="2084" data-iso6393="crk">
 <div class="book bkGEN">
 <div class="chapter ch2" data-usfm="GEN.2">
 <div class="label">2</div><div class="p"> 1&#275;kosi kisik mina aski ki isi kisicik&#257;t&#275;wa mina k&#257; isi os&#257;m&#275;yatimakahk. 2#&#275;ksatas 20:11#hiparowa 4:4,10t&#275;pakop m&#257;ka &#275; ati tahto kisik&#257;yik kis&#275;manito ki poniht&#257;w kahkiyaw ot atosk&#275;win k&#257; ki totahk; &#275;kosi ki ayw&#275;piw t&#275;pakop &#275; ati tahto kisik&#257;yik kahkiyaw ot atosk&#275;win ohci anima k&#257; ki totahk. 3&#275;kosi kis&#275;manito ki miywakihtam anima t&#275;pakop &#275; ati tahto kisik&#257;yik, mina ki kan&#257;ciht&#257;w; cik&#275;m&#257; &#275;kota k&#257; ki ayw&#275;pit kahkiyaw ot atosk&#275;winihk ohci kis&#275;manito k&#257; ki isi osihcik&#275;t mina k&#257; ki totahk.</div><div class="p"> 4&#275;wako oma k&#257; ki isi ay&#257;ki kisikwa mina aski ispi k&#257; ki osihcik&#257;t&#275;ki, anima &#275; kisik&#257;k k&#257; tip&#275;yihcik&#275;t kis&#275;manito k&#257; ki osiht&#257;t aski mina kisikwa. 5mina nam&#275;skwa k&#275;kway k&#257; niht&#257;wikihk ki ihtakwan askihk, mina nam&#275;skwa k&#275;kway k&#257; s&#257;kaskik ki niht&#257;wikin; cik&#275;m&#257; k&#257; tip&#275;yihcik&#275;t kis&#275;manito nam&#275;skwa ki kimiwaniht&#257;w askihk, &#275;kosi namawiya iht&#257;w ayisiyiniw kita atosk&#257;tahk aski; 6m&#257;ka ki isp&#257;k&#275;y&#257;pat&#275;w pikis&#275;y&#257;w askihk ohci, &#275; akostit&#257;makahk misiw&#275; waskitaskamik. 7#1 karintiyana 15:45&#275;kosi k&#257; tip&#275;yihcik&#275;t kis&#275;manito ki osih&#275;w ayisiyiniwa y&#275;kaw askihk ohci, mina ki y&#275;hy&#275;w ot&#275;yikomiyihk pim&#257;tisiwi y&#275;hy&#275;win; &#275;kosi ayisiyiniw ki pim&#257;tisiwi ahc&#257;hkowiw.</div><div class="p"> 8&#275;kosi k&#257; tip&#275;yihcik&#275;t kis&#275;manito ki kistik&#257;tam niht&#257;wikicikan w&#257;panot&#257;hk it&#275;hk&#275; itinihk; &#275;kota m&#257;ka ki ay&#275;w anihi n&#257;p&#275;wa k&#257; ki osih&#257;t. 9#kisk&#275;yiht&#257;kohk&#275;win 2:7; 22:2,14oyaskamik&#257;hk m&#257;ka ohci k&#257; tip&#275;yihcik&#275;t kis&#275;manito ki niht&#257;wikih&#275;w k&#257; itatw&#257;skosiyit mistikwa k&#257; miyon&#257;kosiyit mina k&#257; miyo micimiwiyit; pim&#257;tisiwi mistik mina t&#257;w&#257;yihk kistik&#257;nihk, mina ana mistik k&#257; ohci kisk&#275;yihcik&#257;t&#275;k k&#257; miyw&#257;sik mina k&#257; m&#257;y&#257;tahk. 10mina sipi &#275;kota itinihk ki ohci wayawiciwan kita akostit&#257;hk niht&#257;wikihcikan &#275;kota m&#257;ka ki ati papask&#275;stikw&#275;y&#257;w &#275; ki n&#275;wostikw&#275;y&#257;k. 11paysan ki isiyihk&#257;t&#275;w nistam; &#275;wakw&#257;nima k&#257; w&#257;sk&#257;ciwahk h&#257;pila aski ita k&#257; os&#257;wi soniy&#257;sk&#257;k; 12ana m&#257;ka os&#257;wi soniy&#257;w &#275;kota askihk miyosiw, &#275;kota mina &#275; ay&#257;k t&#275;liyam mina &#257;niks asini. 13kaihan ki isiyihk&#257;t&#275;w anima nisw&#257;w &#275; ati sipiwahk; &#275;wakw&#257;nima k&#257; w&#257;sk&#257;ciwahk misiw&#275; ihtiy&#257;piya aski. 14it&#275;kil isiyihk&#257;t&#275;w nistw&#257;w &#275; ati sipiwahk; &#275;wakw&#257;nima w&#257;panot&#257;hk it&#275;hk&#275; k&#257; pimistikw&#275;y&#257;k anita asiriyaihk. anima m&#257;ka n&#275;w &#275;wako yopar&#275;tis. 15&#275;kosi k&#257; tip&#275;yihcik&#275;t kis&#275;manito ki otin&#275;w anihi n&#257;p&#275;wa &#275; ki pakitin&#257;t anita itin niht&#257;wikihcikanihk, kita n&#257;nap&#257;ciht&#257;yit mina kita kanaw&#275;yitamiyit. 16k&#257; tip&#275;yihcik&#275;t kis&#275;manito m&#257;ka ki itasow&#257;t&#275;w anihi n&#257;p&#275;wa, &#275; itw&#275;t, k&#257; itasit mistik niht&#257;wikicikanihk k&#257; ay&#257;t w&#257;natak ki ka ki momin&#257;t&#257;w; 17m&#257;ka wiya mistik k&#257; ohci kisk&#275;yihcik&#257;t&#275;k k&#257; miyw&#257;sik mina k&#257; m&#257;y&#257;tahk, namawiya ki ka momin&#257;t&#257;w; cik&#275;m&#257; anima &#275; kisik&#257;k &#275;wako momin&#257;taci k&#275;cin&#257; ki ka nipin.</div><div class="p"> 18k&#257; tip&#275;yihcik&#275;t kis&#275;manito m&#257;ka ki itw&#275;w, namawiya miyw&#257;sin n&#257;p&#275;w kita p&#275;yakot; ni ka osihim&#257;wa anihi k&#275; o wic&#275;w&#257;kanit. 19asiskihk m&#257;ka ohci k&#257; tip&#275;yihcik&#275;t kis&#275;manito ki osih&#275;w k&#257; ihtasiyit pisiskiwa piko it&#275; k&#257; ay&#257;yit, mina k&#257; itahto pap&#257;miy&#257;yit kisikohk; &#275;kosi ki p&#275;tamaw&#275;w &#257;tama m&#257;hti t&#257;nisi kita isiyihk&#257;t&#257;yit; &#275;kosi pikw&#257;nima &#257;tam &#275; ati isi wiy&#257;t kahkiyaw k&#257; pim&#257;tisiyit osihcikana &#275;kos&#257;ni &#275;siyik&#257;soyit. 20&#275;kosi &#257;tam ki wiy&#275;w kahkiyaw awak&#257;na, mina piy&#275;sisa k&#257; pap&#257;miy&#257;yit kisikohk mina k&#257; ihtasiyit pisiskiwa piko ita k&#257; ay&#257;yit; m&#257;ka wiya &#257;tam namawiya ki it&#257;yiwa k&#275; o wic&#275;w&#257;kanit. 21k&#257; tip&#275;yihcik&#275;t kis&#275;manito m&#257;ka ki isihcik&#275;w pos&#257;kw&#257;miwin kita otihtikoyit &#257;tama &#275;kosi ki nip&#257;yiwa, ki otinamw&#275;w m&#257;ka p&#275;yak ospik&#275;kaniyiw, &#275;kosi ki kipowiy&#257;s&#275;nam ita k&#257; ki ohci otinahk; 22anihi m&#257;ka ospik&#275;kan, k&#257; tip&#275;yihcik&#275;t kis&#275;manito n&#257;p&#275;hk k&#257; ki ohci otinahk, ki osih&#275;w iskw&#275;wa, &#275;kosi &#275; ki p&#275;tamaw&#257;t n&#257;p&#275;wa. 23&#275;kosi omisi ki itw&#275;w &#257;tam, &#275;wako isa awa &#275;kwa wiyici oskanimak, mina wiyici wiy&#257;simak iskw&#275;w m&#257;ka kata isiyihk&#257;so, cik&#275;m&#257; wiya n&#257;p&#275;hk &#275; ki ohci otinikasot. 24#m&#257;tyo 19:5; m&#257;rk 10:7,8; 1 karintiyana 6:16; ipisiyana 5:31&#275;wako ohci ayisiyiniw k&#275; nakat&#257;t ot&#257;wiya mina ok&#257;wiya, kita wic&#275;w&#257;t wiwa: wiyaw&#257;w m&#257;ka kata p&#275;yako wiy&#257;siwiwak. 25ki mos&#275;skat&#275;wak m&#257;ka n&#257;p&#275;w mina iskw&#275;w, namawiya m&#257;ka ki n&#275;p&#275;wisiwak.</div>
 </div>
 </div>
</div>

This Bible text is a transliteration of a corrected edition of the 1908 Western Cree Bible; it is in the public domain.

ēkosi kisik mina aski ki isi kisicikātēwa mina kā isi osāmēyatimakahk. tēpakop māka ē ati tahto kisikāyik kisēmanito ki ponihtāw kahkiyaw ot atoskēwin kā ki totahk; ēkosi ki aywēpiw tēpakop ē ati tahto kisikāyik kahkiyaw ot atoskēwin ohci anima kā ki totahk. ēkosi kisēmanito ki miywakihtam anima tēpakop ē ati tahto kisikāyik, mina ki kanācihtāw; cikēmā ēkota kā ki aywēpit kahkiyaw ot atoskēwinihk ohci kisēmanito kā ki isi osihcikēt mina kā ki totahk.
ēwako oma kā ki isi ayāki kisikwa mina aski ispi kā ki osihcikātēki, anima ē kisikāk kā tipēyihcikēt kisēmanito kā ki osihtāt aski mina kisikwa. mina namēskwa kēkway kā nihtāwikihk ki ihtakwan askihk, mina namēskwa kēkway kā sākaskik ki nihtāwikin; cikēmā kā tipēyihcikēt kisēmanito namēskwa ki kimiwanihtāw askihk, ēkosi namawiya ihtāw ayisiyiniw kita atoskātahk aski; māka ki ispākēyāpatēw pikisēyāw askihk ohci, ē akostitāmakahk misiwē waskitaskamik. ēkosi kā tipēyihcikēt kisēmanito ki osihēw ayisiyiniwa yēkaw askihk ohci, mina ki yēhyēw otēyikomiyihk pimātisiwi yēhyēwin; ēkosi ayisiyiniw ki pimātisiwi ahcāhkowiw.
ēkosi kā tipēyihcikēt kisēmanito ki kistikātam nihtāwikicikan wāpanotāhk itēhkē itinihk; ēkota māka ki ayēw anihi nāpēwa kā ki osihāt. oyaskamikāhk māka ohci kā tipēyihcikēt kisēmanito ki nihtāwikihēw kā itatwāskosiyit mistikwa kā miyonākosiyit mina kā miyo micimiwiyit; pimātisiwi mistik mina tāwāyihk kistikānihk, mina ana mistik kā ohci kiskēyihcikātēk kā miywāsik mina kā māyātahk. mina sipi ēkota itinihk ki ohci wayawiciwan kita akostitāhk nihtāwikihcikan ēkota māka ki ati papaskēstikwēyāw ē ki nēwostikwēyāk. paysan ki isiyihkātēw nistam; ēwakwānima kā wāskāciwahk hāpila aski ita kā osāwi soniyāskāk; ana māka osāwi soniyāw ēkota askihk miyosiw, ēkota mina ē ayāk tēliyam mina āniks asini. kaihan ki isiyihkātēw anima niswāw ē ati sipiwahk; ēwakwānima kā wāskāciwahk misiwē ihtiyāpiya aski. itēkil isiyihkātēw nistwāw ē ati sipiwahk; ēwakwānima wāpanotāhk itēhkē kā pimistikwēyāk anita asiriyaihk. anima māka nēw ēwako yoparētis. ēkosi kā tipēyihcikēt kisēmanito ki otinēw anihi nāpēwa ē ki pakitināt anita itin nihtāwikihcikanihk, kita nānapācihtāyit mina kita kanawēyitamiyit. kā tipēyihcikēt kisēmanito māka ki itasowātēw anihi nāpēwa, ē itwēt, kā itasit mistik nihtāwikicikanihk kā ayāt wānatak ki ka ki mominātāw; māka wiya mistik kā ohci kiskēyihcikātēk kā miywāsik mina kā māyātahk, namawiya ki ka mominātāw; cikēmā anima ē kisikāk ēwako mominātaci kēcinā ki ka nipin.
kā tipēyihcikēt kisēmanito māka ki itwēw, namawiya miywāsin nāpēw kita pēyakot; ni ka osihimāwa anihi kē o wicēwākanit. asiskihk māka ohci kā tipēyihcikēt kisēmanito ki osihēw kā ihtasiyit pisiskiwa piko itē kā ayāyit, mina kā itahto papāmiyāyit kisikohk; ēkosi ki pētamawēw ātama māhti tānisi kita isiyihkātāyit; ēkosi pikwānima ātam ē ati isi wiyāt kahkiyaw kā pimātisiyit osihcikana ēkosāni ēsiyikāsoyit. ēkosi ātam ki wiyēw kahkiyaw awakāna, mina piyēsisa kā papāmiyāyit kisikohk mina kā ihtasiyit pisiskiwa piko ita kā ayāyit; māka wiya ātam namawiya ki itāyiwa kē o wicēwākanit. kā tipēyihcikēt kisēmanito māka ki isihcikēw posākwāmiwin kita otihtikoyit ātama ēkosi ki nipāyiwa, ki otinamwēw māka pēyak ospikēkaniyiw, ēkosi ki kipowiyāsēnam ita kā ki ohci otinahk; anihi māka ospikēkan, kā tipēyihcikēt kisēmanito nāpēhk kā ki ohci otinahk, ki osihēw iskwēwa, ēkosi ē ki pētamawāt nāpēwa. ēkosi omisi ki itwēw ātam, ēwako isa awa ēkwa wiyici oskanimak, mina wiyici wiyāsimak iskwēw māka kata isiyihkāso, cikēmā wiya nāpēhk ē ki ohci otinikasot. ēwako ohci ayisiyiniw kē nakatāt otāwiya mina okāwiya, kita wicēwāt wiwa: wiyawāw māka kata pēyako wiyāsiwiwak. ki mosēskatēwak māka nāpēw mina iskwēw, namawiya māka ki nēpēwisiwak.

සවන් දෙන්න cēnisis 2