<div class="version vid2060 iso6393hui" data-vid="2060" data-iso6393="hui">
 <div class="book bkGEN">
 <div class="chapter ch4" data-usfm="GEN.4">
 <div class="label">4</div><div class="s">Keni Abelelame Anduane Homogohondo mbirale lomabu minigo ogo</div><div class="p"> 1Adamahanda ibu onela mandagi hebigola wali ibu gali bere berene. Ani biralu ibugua igiri mbira taba hanayagola Adamahanda lalu, Anduane Homogohanda i&#817; biamogo bialu igiri mbira ngiya, lowa igiri gali biago mini Keni wini. 2Mani Keni hamene Abele taba henene. Ai libu anda howa Keni ibu mabuha tomo hangaga halu Abele ibu nogo sibi hinaga hene. 3Horo mbirungi Keni ibugua ibu mabuni tomo wiaru maru bu yalu puwa Anduane Homogohondo lomabu mini. 4Ani biyagola Abele ibubi nde Anduane Homogohondo mbirale bo lomabu mule nogo sibi hungubaluaore habahe nogo angibuni piganeme igini wiyago ogoniore haru halu puwa bo delene. Ani biyagola Abele ibugua nogo sibi bo lomabu miyago handalu Anduane Homogo ibu turu hene.#Hi 11.4 5Kenihanda tomo Anduane Homogohondo bu lomabu miyago turu nahe hene. Ani biyagola Keni ibugua keba timbuni howa ngui higi bu hene. 6Ani bu heagola Anduane Homogohanda Kenihondo hale halu lalu, &#205;&#817; keba howa ngui higi bu kegoni aginaga. 7&#205;&#817;na mana tigabi bulene ngadagua bidele nde i&#817;na ogoni karulape birida larogola &#237;&#817;ni turuho kelego. Ai &#237;&#817;na mana ko ngaruni biridago kome &#237;&#817; mo ko hole ka. Mana kome &#237;&#817; bope halu wayali hole hame lalu kago ai &#237;&#817;nabi ibu bope halu wayali hole habe lene.</div><div class="p"> 8Mani howa Kenihanda ibu hamene Abelehondo lalu, Ainde ibaga bialu mba, lene. Ani puwa Kenihanda ibu hamene Abele bo homelene.#Md 23.35; Lg 11.51; 1 Yo 3.12</div><div class="p"> 9Ani bu hearia Anduane Homogohanda Kenihondo hale halu lalu, &#205;&#817; hamene Abele agoha kabe, layagola Keni ibugua lalu, I&#817; tobara. Agua biya &#237;&#817;na manda beregola i&#817; hamene haru haga i&#817; harudabe, lene.</div><div class="p"> 10Ani layagola Anduane Homogohanda Kenihondo ogodagua lalu, &#205;&#817;na mana ko ogoni aginaga biribe. &#205;&#817; hamenenaga darama dindini wiagome i&#817;hondo agali ogoni pani mia lalu dugu biyago hale harugo.#Hi 12.24 11&#193;yu bi hongohe mbira &#237;&#817;hondo ogodagua laro. Ai &#237;&#817; hamene balu homelarigonaga darama dindi ogome nelarigoni ndobe. Ani biridagonaga i&#817;na dindi ogonaga tomo anda holenego mo waharogola &#237;&#817;na tomo hangalu nanolebere. 12&#205;&#817;na tomo hangariyagua dindime tomo bayale anda helo biamogo nabulebira. Ani biragola &#237;&#817;naga dindi anda henene nga lene mbira nawi howa &#237;&#817;ni tiga biragoha palia edede biaga holebere, lalu lamini.</div><div class="p"> 13Keni ibugua bi ogoni hale howa Anduane Homogohondo ogodagua ladai bialu lalu, Genda &#237;&#817;na &#225;yu i&#817; mo ngeregoni timbuoredago. 14Mabu e nahangabe lalu &#237;&#817;ni kegoria nahe dindi kaundiaha hole pobe larida. Ani bialu i&#817;naga dindi anda henene mbira nawi howa i&#817;ni tiga biragoha palia edede biaga agali habe larida. Ani laridago nde agali mbiragome i&#817; ngola hayagua i&#817; homoliya bo waholobadago. Aiore gi ho kogoni, lene.</div><div class="p"> 15Ani layagola Anduane Homogohanda Kenihondo lalu, &#205;&#817;na gi nahabe. Agali mbirame &#237;&#817; bayagua heneneore i&#817;na genda timbuniore mo mialu o bayagonaga pani agali karia homelo bolene wulebira, lene. Ani lowa Anduane Homogo ibugua agali mbirame Keni ngola howa nabelonaga manane mbira Keninaga tinginini helene. 16Ani biya handala Keni ibugua Anduane Homogo helalu dindi mbira mini Ibagadegebiaga Idene mabunaga ni tagira ibiragohayagi winigoha hole pene.</div><div class="s">Keni igini aguane aguaneneru hama ibinigo ogo</div><div class="p"> 17Keni ibu onela mandagi howa wali ibu gali bere berene. Ani biruwa ibugua igiri mbira taba hanayagola igiri ogoni mini Inogo wini. Mani howa Keni ibugua tano mbira bu winigo ogoni mini ibu igini Inogonaga mini wialu Inogo dege lene. 18Mani howa Inogo igini Irada hene. Irada igini Mehuyale hene. Mehuyale igini Medusale hene. Medusale igini Lamege hene. 19Lamege ibu wali kira dabu binigo. Mbiragonaga mini Ada biralu mendego ibu mini Sila berene. 20Ada ibu igini Yabala taba henenego. Yabala ogoni ibu balai andaru bia howa nogo bulumaga hinaga karunaga aguanene hene. 21Yabala ibu hamene Yubala henego ogoni ibu ngida ga&#817;wa&#817; hiliyularu laga karunaga aguanene hene. 22Mani howa Sila ibugua nde igiri mbira taba honowa ibu mini Tubala Keni wini. Igiri ogoni ibugua ege to&#817;le&#817; boronosi aeanerume mbirale wabiaga hene. Tubala Keni ibu mbalini mbira berenego ogoni ibu mini Nama berene.</div><div class="p"> 23Horo mbirungi Lamegehanda ibu one kira biago labohondo ogodagua lene.</div><div class="q1">Ada Silala-o libuore Lamege i&#817; oneore bedabigonigo</div><div class="q2">&#225;yu i&#817;na bilarogoore baya hangu hale hadaba.</div><div class="q1">Agali mbirame i&#817; balu hearia i&#817;na ibu bo tongolo milaru.</div><div class="q1">Igiri daliahe mbirame i&#817; to&#817;a balu hearia i&#817;na ibu bo tongolo milaru.</div><div class="q1"> 24Ai agali mbirame Keni homelo bayagonaga pani</div><div class="q2">agali karia homelo bolene nga manda biyagua</div><div class="q1">agali mbirame i&#817; bayagua</div><div class="q2">ogoninaga pani agali ngui laa&#817;i&#817; bo waholene wulebira,</div><div class="m">lalu lene.</div><div class="s">Iba ibugua igiri tebone taba henenego ogo</div><div class="p"> 25Mani howa Adama ibu onela mandagi howa wali ibu gali bere berene. Ani biruwa ibugua igiri tebone taba henene. Taba honowa wali biagome lalu, Kenihanda ibu hamene Abele bo wahayagonaga aribia halu Ngode Datagaliwabehanda igiri mbira ngiyago. Ai Abele holene winigoria igiri ogoni ibu ho aribia holebirago, lowa ibunaga mini Sede wini. 26Mani Sede ibu igini mbira hayagola ogoni ibu mini Inoso wini. Ogoningi howa wali agalime Ngode Datagaliwabe mitangi bialu lotu lalu howa ibunaga mini mende Anduane Homogo lalu lotu lalu hene.</div>
 </div>
 </div>
</div>

The DC Bible in The Huli language © Bible Society of Papua New Guinea, 2002.

Adamahanda ibu onela mandagi hebigola wali ibu gali bere berene. Ani biralu ibugua igiri mbira taba hanayagola Adamahanda lalu, Anduane Homogohanda i̱ biamogo bialu igiri mbira ngiya, lowa igiri gali biago mini Keni wini. Mani Keni hamene Abele taba henene. Ai libu anda howa Keni ibu mabuha tomo hangaga halu Abele ibu nogo sibi hinaga hene. Horo mbirungi Keni ibugua ibu mabuni tomo wiaru maru bu yalu puwa Anduane Homogohondo lomabu mini. Ani biyagola Abele ibubi nde Anduane Homogohondo mbirale bo lomabu mule nogo sibi hungubaluaore habahe nogo angibuni piganeme igini wiyago ogoniore haru halu puwa bo delene. Ani biyagola Abele ibugua nogo sibi bo lomabu miyago handalu Anduane Homogo ibu turu hene. Kenihanda tomo Anduane Homogohondo bu lomabu miyago turu nahe hene. Ani biyagola Keni ibugua keba timbuni howa ngui higi bu hene. Ani bu heagola Anduane Homogohanda Kenihondo hale halu lalu, Í̱ keba howa ngui higi bu kegoni aginaga. Í̱na mana tigabi bulene ngadagua bidele nde i̱na ogoni karulape birida larogola í̱ni turuho kelego. Ai í̱na mana ko ngaruni biridago kome í̱ mo ko hole ka. Mana kome í̱ bope halu wayali hole hame lalu kago ai í̱nabi ibu bope halu wayali hole habe lene.
Mani howa Kenihanda ibu hamene Abelehondo lalu, Ainde ibaga bialu mba, lene. Ani puwa Kenihanda ibu hamene Abele bo homelene.
Ani bu hearia Anduane Homogohanda Kenihondo hale halu lalu, Í̱ hamene Abele agoha kabe, layagola Keni ibugua lalu, I̱ tobara. Agua biya í̱na manda beregola i̱ hamene haru haga i̱ harudabe, lene.
Ani layagola Anduane Homogohanda Kenihondo ogodagua lalu, Í̱na mana ko ogoni aginaga biribe. Í̱ hamenenaga darama dindini wiagome i̱hondo agali ogoni pani mia lalu dugu biyago hale harugo. Áyu bi hongohe mbira í̱hondo ogodagua laro. Ai í̱ hamene balu homelarigonaga darama dindi ogome nelarigoni ndobe. Ani biridagonaga i̱na dindi ogonaga tomo anda holenego mo waharogola í̱na tomo hangalu nanolebere. Í̱na tomo hangariyagua dindime tomo bayale anda helo biamogo nabulebira. Ani biragola í̱naga dindi anda henene nga lene mbira nawi howa í̱ni tiga biragoha palia edede biaga holebere, lalu lamini.
Keni ibugua bi ogoni hale howa Anduane Homogohondo ogodagua ladai bialu lalu, Genda í̱na áyu i̱ mo ngeregoni timbuoredago. Mabu e nahangabe lalu í̱ni kegoria nahe dindi kaundiaha hole pobe larida. Ani bialu i̱naga dindi anda henene mbira nawi howa i̱ni tiga biragoha palia edede biaga agali habe larida. Ani laridago nde agali mbiragome i̱ ngola hayagua i̱ homoliya bo waholobadago. Aiore gi ho kogoni, lene.
Ani layagola Anduane Homogohanda Kenihondo lalu, Í̱na gi nahabe. Agali mbirame í̱ bayagua heneneore i̱na genda timbuniore mo mialu o bayagonaga pani agali karia homelo bolene wulebira, lene. Ani lowa Anduane Homogo ibugua agali mbirame Keni ngola howa nabelonaga manane mbira Keninaga tinginini helene. Ani biya handala Keni ibugua Anduane Homogo helalu dindi mbira mini Ibagadegebiaga Idene mabunaga ni tagira ibiragohayagi winigoha hole pene.

Keni ibu onela mandagi howa wali ibu gali bere berene. Ani biruwa ibugua igiri mbira taba hanayagola igiri ogoni mini Inogo wini. Mani howa Keni ibugua tano mbira bu winigo ogoni mini ibu igini Inogonaga mini wialu Inogo dege lene. Mani howa Inogo igini Irada hene. Irada igini Mehuyale hene. Mehuyale igini Medusale hene. Medusale igini Lamege hene. Lamege ibu wali kira dabu binigo. Mbiragonaga mini Ada biralu mendego ibu mini Sila berene. Ada ibu igini Yabala taba henenego. Yabala ogoni ibu balai andaru bia howa nogo bulumaga hinaga karunaga aguanene hene. Yabala ibu hamene Yubala henego ogoni ibu ngida ga̱wa̱ hiliyularu laga karunaga aguanene hene. Mani howa Sila ibugua nde igiri mbira taba honowa ibu mini Tubala Keni wini. Igiri ogoni ibugua ege to̱le̱ boronosi aeanerume mbirale wabiaga hene. Tubala Keni ibu mbalini mbira berenego ogoni ibu mini Nama berene.
Horo mbirungi Lamegehanda ibu one kira biago labohondo ogodagua lene.
Ada Silala-o libuore Lamege i̱ oneore bedabigonigo
áyu i̱na bilarogoore baya hangu hale hadaba.
Agali mbirame i̱ balu hearia i̱na ibu bo tongolo milaru.
Igiri daliahe mbirame i̱ to̱a balu hearia i̱na ibu bo tongolo milaru.
Ai agali mbirame Keni homelo bayagonaga pani
agali karia homelo bolene nga manda biyagua
agali mbirame i̱ bayagua
ogoninaga pani agali ngui laa̱i̱ bo waholene wulebira,
lalu lene.

Mani howa Adama ibu onela mandagi howa wali ibu gali bere berene. Ani biruwa ibugua igiri tebone taba henene. Taba honowa wali biagome lalu, Kenihanda ibu hamene Abele bo wahayagonaga aribia halu Ngode Datagaliwabehanda igiri mbira ngiyago. Ai Abele holene winigoria igiri ogoni ibu ho aribia holebirago, lowa ibunaga mini Sede wini. Mani Sede ibu igini mbira hayagola ogoni ibu mini Inoso wini. Ogoningi howa wali agalime Ngode Datagaliwabe mitangi bialu lotu lalu howa ibunaga mini mende Anduane Homogo lalu lotu lalu hene.

සවන් දෙන්න Pigane Binigo 4