<div class="version vid1754 iso6393dyu" data-vid="1754" data-iso6393="dyu">
   <div class="book bkGEN">
      <div class="chapter chINTRO1" data-usfm="GEN.INTRO1">
         <div class="imt"><span class="content">Kunnafoni</span></div><div class="ip"><span class="content">Koow damin&#603; kitabu be f&#603;&#603;n b&#603;&#603; damin&#603;ko f&#596;: k'a ta di&#626;&#603; danko ma, ni adamaden ta, ani Ala ye jama min woloma. A fana be kojugu ni t&#596;&#596;r&#596; doncogo yira di&#626;&#603; k&#596;n&#596;. Kojuguk&#603;la laban ye jalaki le ye, nga, Ala be cogo &#626;ini tuma b&#603;&#603; ka adamaden gw&#603;r&#603; a y&#603;r&#603; la.</span></div><div class="ip"><span class="content">Kitabu nin tilannin lo y&#596;r&#596; fila: Y&#596;r&#596; f&#596;l&#596; k&#596;n&#596; (1&#8212;11), Ala ye di&#626;&#603; ni sogow ani adamadenw dan. Ala tun ye f&#603;&#603;n minw b&#603;&#603; dan, o b&#603;&#603; tun ka &#626;i. Nga, Adama ni Awa, adamaden f&#596;l&#596;w, minw k&#596;nna ka dan, olu ma Ala ka f&#596;ta bato. K'a ta o waati ma, adamadenw tora ka juguya ka taga. O le y'a to, Ala y'a latig&#603; ka di&#626;&#603; halaki ni jiba ye. O c&#603;nniba nin seen f&#603;, dugukolo kan m&#596;g&#596;w b&#603;&#603; sara k'a t&#596;&#596; to Nuhun n'a ka denbaya dama ye. O k&#596;, adamadenw nana buguya tugu ka dugukolo fa, nga u caaman tun te Ala bato.</span></div><div class="ip"><span class="content">Y&#596;r&#596; filanan k&#596;n&#596; (12&#8212;50), Isiray&#603;lidenw b&#603;maw le koo f&#596;ra yen. U b&#603;ma f&#596;l&#596; ye Ibrayima ye. A lara Ala la kos&#596;b&#603;, k'a ka f&#596;ta bato. Ala y'ale woloma ka layidu ta a ye k'a k&#603; a ka jama faa ye. Ala y'a daa di ko dugukolo kan m&#596;g&#596;w b&#603;&#603; bena duba s&#596;r&#596; Ibrayima k&#596;m&#596;g&#596; barika la. Ibrayima ka koo f&#596;nin k&#596;, a deen Isiyaka koo be f&#596;, o k&#596;, ale mamaden tan ni fila koo be f&#596; olu minw fac&#603; t&#596;g&#596; ko Yakuba n'o y&#603;l&#603;mana ka k&#603; Isiray&#603;li ye.</span></div><div class="ip"><span class="content">Yakuba deenw, minw be wele fana ko Isiray&#603;lidenw, u tagara to Ezipiti jamana na k&#596;ng&#596; kama. K'u t'o y&#596;r&#596; la, Yusufu nana k&#603; o jamana nin m&#596;g&#596;baba d&#596; ye. U ye lafiya s&#596;r&#596; o seen f&#603;. Yakuba nana k&#596;r&#596; ka sa. Yusufu fana k&#596;r&#596;la, a y'a f&#596; a ka som&#596;g&#596;w ye ko:</span></div><div class="ipi"><span class="content">&#171;Ne satuma surunyana. Nga siga t'a la, Ala bena na aw d&#603;m&#603;. A ye layidugw&#603;l&#603;n ta Ibrayima ni Isiyaka ani Yakuba ye, ko a bena jamana min di u ma, a bena taga n'aw ye o y&#596;r&#596; la.&#187; (50.24)</span></div><div class="iot"><span class="content">Kitabu nin tilancogo</span></div><div class="io1"><span class="content">Ala ye di&#626;&#603; ni adamadenw dan 1.1&#8212;2.25</span></div><div class="io1"><span class="content">Kojugu ni t&#596;&#596;r&#596; donna di&#626;&#603; k&#596;n&#596; 3.1-24</span></div><div class="io1"><span class="content">Adama ka koo, f&#596;&#596; ka n'a bila Nuhun ka koo la 4.1&#8212;5.32</span></div><div class="io1"><span class="content">Nuhun ni jiba jigiko 6.1&#8212;9.28</span></div><div class="io1"><span class="content">Adamadenw cayara, u ye sangaso l&#596; Bab&#603;li 10.1&#8212;11.32</span></div><div class="io1"><span class="content">Isiray&#603;lidenw b&#603;maw: Ibrayima, Isiyaka, Yakuba 12.1&#8212;35.29</span></div><div class="io1"><span class="content">Ezawu k&#596;m&#596;g&#596;w 36.1-43</span></div><div class="io1"><span class="content">Yusufu n'a balimaw 37.1&#8212;50.26</span></div>
      </div>
   </div>
</div>

La Bible en Jula © Alliance Biblique du Burkina Faso, 2007.

Kunnafoni
Koow daminɛ kitabu be fɛɛn bɛɛ daminɛko fɔ: k'a ta diɲɛ danko ma, ni adamaden ta, ani Ala ye jama min woloma. A fana be kojugu ni tɔɔrɔ doncogo yira diɲɛ kɔnɔ. Kojugukɛla laban ye jalaki le ye, nga, Ala be cogo ɲini tuma bɛɛ ka adamaden gwɛrɛ a yɛrɛ la.
Kitabu nin tilannin lo yɔrɔ fila: Yɔrɔ fɔlɔ kɔnɔ (1—11), Ala ye diɲɛ ni sogow ani adamadenw dan. Ala tun ye fɛɛn minw bɛɛ dan, o bɛɛ tun ka ɲi. Nga, Adama ni Awa, adamaden fɔlɔw, minw kɔnna ka dan, olu ma Ala ka fɔta bato. K'a ta o waati ma, adamadenw tora ka juguya ka taga. O le y'a to, Ala y'a latigɛ ka diɲɛ halaki ni jiba ye. O cɛnniba nin seen fɛ, dugukolo kan mɔgɔw bɛɛ sara k'a tɔɔ to Nuhun n'a ka denbaya dama ye. O kɔ, adamadenw nana buguya tugu ka dugukolo fa, nga u caaman tun te Ala bato.
Yɔrɔ filanan kɔnɔ (12—50), Isirayɛlidenw bɛmaw le koo fɔra yen. U bɛma fɔlɔ ye Ibrayima ye. A lara Ala la kosɔbɛ, k'a ka fɔta bato. Ala y'ale woloma ka layidu ta a ye k'a kɛ a ka jama faa ye. Ala y'a daa di ko dugukolo kan mɔgɔw bɛɛ bena duba sɔrɔ Ibrayima kɔmɔgɔ barika la. Ibrayima ka koo fɔnin kɔ, a deen Isiyaka koo be fɔ, o kɔ, ale mamaden tan ni fila koo be fɔ olu minw facɛ tɔgɔ ko Yakuba n'o yɛlɛmana ka kɛ Isirayɛli ye.
Yakuba deenw, minw be wele fana ko Isirayɛlidenw, u tagara to Ezipiti jamana na kɔngɔ kama. K'u t'o yɔrɔ la, Yusufu nana kɛ o jamana nin mɔgɔbaba dɔ ye. U ye lafiya sɔrɔ o seen fɛ. Yakuba nana kɔrɔ ka sa. Yusufu fana kɔrɔla, a y'a fɔ a ka somɔgɔw ye ko:
«Ne satuma surunyana. Nga siga t'a la, Ala bena na aw dɛmɛ. A ye layidugwɛlɛn ta Ibrayima ni Isiyaka ani Yakuba ye, ko a bena jamana min di u ma, a bena taga n'aw ye o yɔrɔ la.» (50.24)
Kitabu nin tilancogo
Ala ye diɲɛ ni adamadenw dan 1.1—2.25
Kojugu ni tɔɔrɔ donna diɲɛ kɔnɔ 3.1-24
Adama ka koo, fɔɔ ka n'a bila Nuhun ka koo la 4.1—5.32
Nuhun ni jiba jigiko 6.1—9.28
Adamadenw cayara, u ye sangaso lɔ Babɛli 10.1—11.32
Isirayɛlidenw bɛmaw: Ibrayima, Isiyaka, Yakuba 12.1—35.29
Ezawu kɔmɔgɔw 36.1-43
Yusufu n'a balimaw 37.1—50.26

සවන් දෙන්න Kod Kunnafoni