<div class="version vid1554 iso6393txq" data-vid="1554" data-iso6393="txq">
 <div class="book bkGEN">
 <div class="chapter ch9" data-usfm="GEN.9">
 <div class="label">9</div><div class="s1">Manetualain ndara fangga hehelu-bartaak no Noh</div><div class="p"> 1Manetualain fee baba&#42892;e-babatik neu Noh no anan nara, ma kokolak nae, &#8220;Ei bonggi mala no&#42892;un seli, fo tao masofe falik dae-bafok ia. 2Neu ko basa banda fuir, mbuik ma i&#42892;ak kara ramata&#42892;u ei. Ei ndia muste lopo-linu sara. 3Ei bole mi&#42892;a basa bandar raa mbaan, sama leo ei oo bole mi&#42892;a sele-tandek kara buna-boan boe. Basa iar, Au fee sara reu ei.</div><div class="p"> 4Kada ei ta bole mi&#42892;a mbaa bei kadaak, nahuu banda samanen nai daan dale. 5-6Au adu hatahori dae-bafok tungga Au mata-aong. Huu naa de ta bole hala misa hatahori dae-bafok. Mete ma hambu hatahori do banda, fo tao nisa hatahori dae-bafok, na, muste makanisa sara boe. Hohoro-lalanek ia numa Au mai. 7Ei muste bonggi no&#42892;un seli, fo tao masofe dae-bafok ia bali.&#8221;</div><div class="p"> 8Manetualain tuti seluk kokolan nae, 9&#8220;Hatematak ia Au nau ndara fangga Au hehelu-bartaang ua ei, losa ei tititi-nonosim mara boe. 10Hehelu-bartaak ia oo soa-neu basa hata fo horis boe, ndia banda nekeboik, banda fuir, ma mbuik kara. Keke&#42892;un, soa-neu basa hata fo ei sama-sama mia sara, kalua numa ofak naa dale mai. 11Au hehelu-bartaang naa, talo ia: Au ta haitua faa mo&#42892;ok bali, fo tao nisa basa hata fo horis lala&#42892;en, ma akalulutu basa dae-bafok ia.</div><div class="p"> 12-13Au tao Au elus neu lalai, fo dadi tanda nesenedak neu Au hehelu-bartaang ta mana ketuk ua ei, no basa hata fo horis lala&#42892;en, ma dae-bafok ia. 14-17Mete ma hambu soso&#42892;ak nai lalai, boe ma elus dadi, na, neu ko ana fee nesenedak mai Au soa-neu hehelu-bartaak naa, nae: neu ko faa mo&#42892;ok ta nakalulutu basa hata fo horis lala&#42892;en bali. No dalak naa, Au hehelu-bartaang ta mana basak naa, neni ndara fanggak ena no ei, ma no basa hata fo horis lala&#42892;en.&#8221;</div><div class="s1">Noh mafu</div><div class="p"> 18Noh anan nara mana kalua numa ofak naa mai, ndia Sem, Yafet ma Ham (Ham naa, Kana&#42892;an aman). 19Basa hatahorir marai dae-bafok ia, tititi-nonosin nara konda numa Noh ana katelun nara mai.</div><div class="p"> 20Noh naa, hatahori mana ue daek. Ana ndia makasososan tao osi anggor. 21La&#42892;e esa, ana ninu anggor losa mafu nalan seli. Boe ma ana lufa heni bualo&#42892;a-papaken, de ana sunggu lololi tao folik numa laan dale. 22Neu Ham mete-nita aman makaholan naa, boe ma ana nalai dea neu, fo neu nafada ka&#42892;an Sem no Yafet. 23Boe ma dua sara ha&#42892;i rala lafa esa, de rakambembelan neu sira dua sara arun nara. Basa boe ma ara la&#42892;ok rakadedeak reni laak naa dale reu, fo rakambambalu rala sira aman. No dalak naa, ara ta mete-rita sira aman nekeholan naa. Basa boe ma ara kalua dea reu.</div><div class="p"> 24Neu Noh mamafun mulai lende, boe ma ana bubuluk ndia ana muri anan tatao-nono&#42892;in. 25Boe ma ana kokolak nae, &#8220;Weeh! Kana&#42892;an amanee! Au akatoo o! Neu ko o dadi muu o ka&#42892;am mara ata-daton!</div><div class="q1"> 26Kokoa-kikiok neu MANETUALAIN! Naa fo Ana fee baba&#42892;e-babatik neu Sem!</div><div class="q2">Tehuu naa fo Kana&#42892;an dadi neu Sem ata-daton.</div><div class="q1"> 27Elan fo Manetualain tao nambaloa Yafet dae oen;</div><div class="q2">Ma tititi-nonosin leo-la&#42892;o mole-dame ro Sem tititi-nonosin.</div><div class="q3">Tehuu elan fo Kana&#42892;an dadi neu Yafet kulin.&#8221;</div><div class="p"> 28Mulai numa faa mo&#42892;ok naa basa neu, Noh bei nasoda teuk 350 bali. 29Teun nara 950, boe ma ana mate.</div>
 </div>
 </div>
</div>

Manetualain fee babaꞌe-babatik neu Noh no anan nara, ma kokolak nae, “Ei bonggi mala noꞌun seli, fo tao masofe falik dae-bafok ia. Neu ko basa banda fuir, mbuik ma iꞌak kara ramataꞌu ei. Ei ndia muste lopo-linu sara. Ei bole miꞌa basa bandar raa mbaan, sama leo ei oo bole miꞌa sele-tandek kara buna-boan boe. Basa iar, Au fee sara reu ei.
Kada ei ta bole miꞌa mbaa bei kadaak, nahuu banda samanen nai daan dale. Au adu hatahori dae-bafok tungga Au mata-aong. Huu naa de ta bole hala misa hatahori dae-bafok. Mete ma hambu hatahori do banda, fo tao nisa hatahori dae-bafok, na, muste makanisa sara boe. Hohoro-lalanek ia numa Au mai. Ei muste bonggi noꞌun seli, fo tao masofe dae-bafok ia bali.”
Manetualain tuti seluk kokolan nae, “Hatematak ia Au nau ndara fangga Au hehelu-bartaang ua ei, losa ei tititi-nonosim mara boe. Hehelu-bartaak ia oo soa-neu basa hata fo horis boe, ndia banda nekeboik, banda fuir, ma mbuik kara. Kekeꞌun, soa-neu basa hata fo ei sama-sama mia sara, kalua numa ofak naa dale mai. Au hehelu-bartaang naa, talo ia: Au ta haitua faa moꞌok bali, fo tao nisa basa hata fo horis lalaꞌen, ma akalulutu basa dae-bafok ia.
Au tao Au elus neu lalai, fo dadi tanda nesenedak neu Au hehelu-bartaang ta mana ketuk ua ei, no basa hata fo horis lalaꞌen, ma dae-bafok ia. Mete ma hambu sosoꞌak nai lalai, boe ma elus dadi, na, neu ko ana fee nesenedak mai Au soa-neu hehelu-bartaak naa, nae: neu ko faa moꞌok ta nakalulutu basa hata fo horis lalaꞌen bali. No dalak naa, Au hehelu-bartaang ta mana basak naa, neni ndara fanggak ena no ei, ma no basa hata fo horis lalaꞌen.”

Noh anan nara mana kalua numa ofak naa mai, ndia Sem, Yafet ma Ham (Ham naa, Kanaꞌan aman). Basa hatahorir marai dae-bafok ia, tititi-nonosin nara konda numa Noh ana katelun nara mai.
Noh naa, hatahori mana ue daek. Ana ndia makasososan tao osi anggor. Laꞌe esa, ana ninu anggor losa mafu nalan seli. Boe ma ana lufa heni bualoꞌa-papaken, de ana sunggu lololi tao folik numa laan dale. Neu Ham mete-nita aman makaholan naa, boe ma ana nalai dea neu, fo neu nafada kaꞌan Sem no Yafet. Boe ma dua sara haꞌi rala lafa esa, de rakambembelan neu sira dua sara arun nara. Basa boe ma ara laꞌok rakadedeak reni laak naa dale reu, fo rakambambalu rala sira aman. No dalak naa, ara ta mete-rita sira aman nekeholan naa. Basa boe ma ara kalua dea reu.
Neu Noh mamafun mulai lende, boe ma ana bubuluk ndia ana muri anan tatao-nonoꞌin. Boe ma ana kokolak nae, “Weeh! Kanaꞌan amanee! Au akatoo o! Neu ko o dadi muu o kaꞌam mara ata-daton!
Kokoa-kikiok neu MANETUALAIN! Naa fo Ana fee babaꞌe-babatik neu Sem!
Tehuu naa fo Kanaꞌan dadi neu Sem ata-daton.
Elan fo Manetualain tao nambaloa Yafet dae oen;
Ma tititi-nonosin leo-laꞌo mole-dame ro Sem tititi-nonosin.
Tehuu elan fo Kanaꞌan dadi neu Yafet kulin.”
Mulai numa faa moꞌok naa basa neu, Noh bei nasoda teuk 350 bali. Teun nara 950, boe ma ana mate.

සවන් දෙන්න Tutui Makasososak 9