<div class="version vid1402 iso6393nfa" data-vid="1402" data-iso6393="nfa">
   <div class="book bkGEN">
      <div class="chapter ch3" data-usfm="GEN.3">
         <div class="label">3</div><div class="s1"><span class="heading">Dh&#232;u ro&#42892;o boe madhutu lii Ama Lamatua</span></div><div class="p"><span class="content">  </span><span class="verse v1" data-usfm="GEN.3.1"><span class="label">1</span><span class="content">N&#232;ti badha aa&#42892;i-aa&#42892;i dhu Ama LAMATUA paj&#42892;aj&#42892;i &#232;tu rai-haha ne, mege ka dhu m&#232;u risi kapod&#42892;e-kab&#232;li. Ca lod&#42892;o, mege kar&#232;i bh&#232;ni na, aku n&#232;ngu na, &#8220;Tare&#42892;a, do? Ama Lamatua kai miu baku mi&#42892;a hua aaj&#42892;u aa&#42892;i-aa&#42892;i &#232;tu d&#42892;ara oka ne&#42892;e.&#8221;</span></span></div><div class="p"><span class="verse v1" data-usfm="GEN.3.1"><span class="content">  </span></span><span class="verse v2 v3" data-usfm="GEN.3.2+GEN.3.3"><span class="label">2-3</span><span class="content">Ka bh&#232;ni na b&#42892;ala, &#8220;Aad&#42892;o! Ji&#42892;i bisa nga&#42892;a! Dhodhoka aj&#42892;u ca kapua &#232;tu talora oka ne, Ama Lamatua kai, baku nga&#42892;a hua na. Na peka na, ji&#42892;i baku nga&#42892;a, aa baku g&#42892;ag&#42892;e hua &#232;&#232;na kah&#232;i, te aad&#42892;o na, ji&#42892;i madhe!&#8221;</span></span></div><div class="p"><span class="verse v2 v3" data-usfm="GEN.3.2+GEN.3.3"><span class="content">  </span></span><span class="verse v4" data-usfm="GEN.3.4"><span class="label">4</span><span class="content">Te ngaa mege na dhaa, aku n&#232;ngu na, &#8220;Waa! S&#232;mi boe &#232;&#232;na! Miu se madhe boe! </span></span><span class="verse v5" data-usfm="GEN.3.5"><span class="label">5</span><span class="content">Ama Lamatua mema kai tare&#42892;a s&#232;mi &#232;&#232;na, lula dhu ne&#42892;a le, ladhe mi&#42892;e hua aaj&#42892;u &#232;&#232;na, miu j&#42892;aj&#42892;i d&#42892;&#232;lu-m&#232;u s&#232;mi N&#232;ngu. Ho &#232;&#232;na na me&#42892;a mia dhu be&#42892;a, aa mia dhu karehe.&#8221;</span></span></div><div class="p"><span class="verse v5" data-usfm="GEN.3.5"><span class="content">  </span></span><span class="verse v6" data-usfm="GEN.3.6"><span class="label">6</span><span class="content">Aa bh&#232;ni ne ladhe na aj&#42892;u ne be&#42892;a titu k&#232;na, d&#232;nge hua na ele boe kee. Na ngee, &#8220;Ladhe ja&#42892;a ku&#42892;a hua aj&#42892;u ne&#42892;e, ja&#42892;a d&#42892;&#232;lu-m&#232;u.&#8221; H&#232;ia puu nare ka hua aj&#42892;u &#232;&#232;na, ka na&#42892;e. Na&#42892;e nare, n&#232;ti hia dh&#232;u &#232;mu na, ka na&#42892;a kah&#232;i. </span></span><span class="verse v7" data-usfm="GEN.3.7"><span class="label">7</span><span class="content">Ra&#42892;a rare ka, heka re&#42892;a na r&#232;ngu dhu pake boe m&#232;dha dhu hutu ua r&#232;ngu. N&#232;ti &#232;&#232;na ka, ra lui r&#232;u aj&#42892;u ho pa&#42892;abhe era makae r&#232;ngu.</span></span></div><div class="p"><span class="verse v7" data-usfm="GEN.3.7"><span class="content">  </span></span><span class="verse v8" data-usfm="GEN.3.8"><span class="label">8</span><span class="content">D&#42892;ai lod&#42892;o nihia, dua ra tad&#232;ngi lii core haga Ama LAMATUA &#232;tu d&#42892;ara oka &#232;&#232;na. Ka dua ra rai lasi lu&#42892;u asa ca b&#232;ka aj&#42892;u, s&#232;na ka LAMATUA baku n&#232;dhi si. </span></span><span class="verse v9" data-usfm="GEN.3.9"><span class="label">9</span><span class="content">Te ngaa Ama LAMATUA paroa mi dh&#232;u mone &#232;&#232;na, aku N&#232;ngu na, &#8220;Adam! &#200;u &#232;tu mia?&#8221;</span></span></div><div class="p"><span class="verse v9" data-usfm="GEN.3.9"><span class="content">  </span></span><span class="verse v10" data-usfm="GEN.3.10"><span class="label">10</span><span class="content">H&#232;ia mone na dhaa, &#8220;Ja&#42892;a tad&#232;ngi lii Lamatua &#232;tu ne&#42892;e. Te ngaa ja&#42892;a makae, lula ja&#42892;a pake boe m&#232;dha &#232;tu ua. N&#232;ti &#232;&#232;na ka, ja&#42892;a rai pahuni iisi.&#8221;</span></span></div><div class="p"><span class="verse v10" data-usfm="GEN.3.10"><span class="content">  </span></span><span class="verse v11" data-usfm="GEN.3.11"><span class="label">11</span><span class="content">Ka Lamatua peka na, &#8220;Cee ka dhu peka, na &#232;u dhu pake boe m&#232;dha-papake? De tasamia? Tatu &#232;u mu&#42892;a le hua aj&#42892;u dhu Ja&#42892;a kai na, sina ma?&#8221;</span></span></div><div class="p"><span class="verse v11" data-usfm="GEN.3.11"><span class="content">  </span></span><span class="verse v12" data-usfm="GEN.3.12"><span class="label">12</span><span class="content">Ka na b&#42892;ala, peka na, &#8220;Bh&#232;ni dhu &#200;u hia ho pa&#42892;anga d&#232;nge ja&#42892;a &#232;&#232;na, ka dhu hia ja&#42892;a ku&#42892;a!&#8221;</span></span></div><div class="p"><span class="verse v12" data-usfm="GEN.3.12"><span class="content">  </span></span><span class="verse v13" data-usfm="GEN.3.13"><span class="label">13</span><span class="content">H&#232;ia Ama LAMATUA peka d&#232;nge bh&#232;ni na, aku N&#232;ngu na, &#8220;Nga tao ka, &#232;u ad&#42892;u madha j&#42892;ara &#232;&#232;na?&#8221;</span></span></div><div class="p"><span class="verse v13" data-usfm="GEN.3.13"><span class="content">Ka bh&#232;ni ne dhaa, peka na, &#8220;Te mege ne ka dhu ag&#42892;o ja&#42892;a! N&#232;ti &#232;&#232;na ka, ja&#42892;a ku&#42892;a.&#8221;</span></span></div><div class="s1"><span class="heading">Ama Lamatua dhoo si</span></div><div class="p"><span class="verse v13" data-usfm="GEN.3.13"><span class="content">  </span></span><span class="verse v14" data-usfm="GEN.3.14"><span class="label">14</span><span class="content">&#200;le &#232;&#232;na ka, Ama LAMATUA dhoo mege &#232;&#232;na, aku N&#232;ngu na,</span></span></div><div class="m"><span class="verse v14" data-usfm="GEN.3.14"><span class="content">&#8220;Ja&#42892;a huku &#232;u, lula tatao &#232;u. N&#232;ti badha aa&#42892;i-aa&#42892;i, dhoka &#232;u di dhu abhu huku s&#232;mi ne&#42892;e. Mulai n&#232;ti deo ne&#42892;e toke &#232;u madhe, &#232;u dhoka rod&#42892;o d&#232;nge kakara, aa mu&#42892;a &#232;tu rai di. </span></span><span class="verse v15" data-usfm="GEN.3.15"><span class="label">15</span><span class="content">Ja&#42892;a tao s&#232;na ka, &#232;u loe boe pamusu d&#232;nge bh&#232;ni ne. Aa ana-&#232;pu miu dua mi s&#232;mi &#232;&#232;na kah&#232;i. Ana-&#232;pu &#232;u, &#232;&#232;na na kadhi hui t&#232;dhu dh&#232;u. Te ngaa ca dh&#232;u n&#232;ti ana-&#232;pu bh&#232;ni ne, &#232;&#232;na na dhedhe palaho k&#232;tu &#232;u.&#8221;</span></span></div><div class="p"><span class="verse v15" data-usfm="GEN.3.15"><span class="content">  </span></span><span class="verse v16" data-usfm="GEN.3.16"><span class="label">16</span><span class="content">&#200;le &#232;&#232;na ka, Ama Lamatua peka d&#232;nge bh&#232;ni ne,</span></span></div><div class="m"><span class="verse v16" data-usfm="GEN.3.16"><span class="content">&#8220;&#200;&#232;na na, Ja&#42892;a pasusa tabha &#232;u, ropa &#232;u d&#232;nge babia; lod&#42892;o mora iisi, &#232;u asa tabha j&#42892;&#232;ra. Masi ka s&#232;mi &#232;&#232;na, d&#42892;ara &#232;u d&#42892;&#232;i taruu dh&#232;u &#232;mu &#232;u, aa n&#232;ngu ka dhu ator &#232;u.&#8221;</span></span></div><div class="p"><span class="verse v16" data-usfm="GEN.3.16"><span class="content">  </span></span><span class="verse v17" data-usfm="GEN.3.17"><span class="label">17</span><span class="content">Ka Ama Lamatua peka d&#232;nge mone ne,</span></span></div><div class="m"><span class="verse v17" data-usfm="GEN.3.17"><span class="content">&#8220;&#200;u madhutu boe lii paredha Ja&#42892;a, te ngaa &#232;u nanene dhoka lii dh&#232;u &#232;mu &#232;u di, ka &#232;u mu&#42892;a hua aj&#42892;u dhu Ja&#42892;a kai &#232;&#232;na. N&#232;ti &#232;&#232;na ka, &#232;u abhu huku kah&#232;i. Aa rai l&#232;ke huku kah&#232;i. N&#232;ti deo ne&#42892;e, toke d&#42892;ai &#232;u madhe, hud&#42892;i &#232;u kab&#232;li rai, heka &#232;u abhu nganga&#42892;a k&#232;na. D&#232;nge sab&#42892;a bia s&#232;mi ne&#42892;e ka, &#232;u heka mamuri k&#232;na. </span></span><span class="verse v18" data-usfm="GEN.3.18"><span class="label">18</span><span class="content">Masi ka &#232;u s&#232;le rupa-rupa hini &#232;&#232;na ka, te ngaa dhu muri mai dhodhoka dhudhu-sete di. </span></span><span class="verse v19" data-usfm="GEN.3.19"><span class="label">19</span><span class="content">Hud&#42892;i &#232;u &#232;i kabh&#232;su haa ku, heka rai hia &#232;u nganga&#42892;a k&#232;na. &#200;u hud&#42892;i sab&#42892;a bia s&#232;mi &#232;&#232;na ku, toke d&#42892;ai lod&#42892;o &#232;u madhe. &#200;u ne, Ja&#42892;a paj&#42892;aj&#42892;i n&#232;ti rai. De ladhe &#232;u madhe, &#232;u j&#42892;aj&#42892;i hari rai.&#8221;</span></span></div><div class="p"><span class="verse v19" data-usfm="GEN.3.19"><span class="content">  </span></span><span class="verse v20" data-usfm="GEN.3.20"><span class="label">20</span><span class="content">&#200;le &#232;&#232;na ka, Adam pangare dh&#232;u &#232;mu na &#8216;Hawa&#8217; (dhu sasoa na &#8216;dhu mamuri&#8217;), te n&#232;ngu ka j&#42892;aj&#42892;i ina n&#232;ti dh&#232;u dhu mamuri aa&#42892;i-aa&#42892;i.</span><span class="note f"><span class="label">#</span><span class=" body"><span class="fr">3:20</span><span class="ft">Madhutu lii Ibrani, &#8216;</span><span class="it">adam</span><span class="ft">&#8217; sasoa na &#8216;dh&#232;u rai-haha&#8217;.</span></span></span></span></div><div class="p"><span class="verse v20" data-usfm="GEN.3.20"><span class="content">  </span></span><span class="verse v21" data-usfm="GEN.3.21"><span class="label">21</span><span class="content">H&#232;ia Ama LAMATUA tao m&#232;dha-papake n&#232;ti ka&#42892;uri badha, ka papake dua ra.</span></span></div><div class="s1"><span class="heading">Ama Lamatua bab&#232;ge eele Adam d&#232;nge Hawa</span></div><div class="p"><span class="verse v21" data-usfm="GEN.3.21"><span class="content">  </span></span><span class="verse v22" data-usfm="GEN.3.22"><span class="label">22</span><span class="content">Ka Ama LAMATUA peka, &#8220;Limuri ne, dh&#232;u re&#42892;a le, mia dhu be&#42892;a d&#232;nge mia dhu karehe, s&#232;mi &#200;dhi kah&#232;i. De mage dhoka, r&#232;ngu ra&#42892;a hua aj&#42892;u dhu &#232;ci hari na, dhu hia mamuri taa-taa.&#8221; </span></span><span class="verse v23" data-usfm="GEN.3.23"><span class="label">23</span><span class="content">&#200;le &#232;&#232;na ka, Na bab&#232;ga eele si n&#232;ti d&#42892;ara oka Eden &#232;&#232;na, ho lasi asa era leo, s&#232;na ka ra mamuri d&#232;nge sab&#42892;e oka-tedhe. Lula dh&#232;u j&#42892;aj&#42892;i n&#232;ti rai, de mamuri kah&#232;i n&#232;ti rai. </span></span><span class="verse v24" data-usfm="GEN.3.24"><span class="label">24</span><span class="content">Bab&#232;ge nare si, ka Lamatua paredha ana pajuu Na n&#232;ti sorga, dhu d&#232;nge &#232;la,</span><span class="note f"><span class="label">#</span><span class=" body"><span class="fr">3:24</span><span class="ft">Madhutu lii Ibrani, peka na, ana pajuu Lamatua n&#232;ti sorga s&#232;ra &#232;tu ne&#42892;e, ngara ra &#8216;</span><span class="it">kerubim</span><span class="ft">&#8217;.</span></span></span><span class="content"> ho lasi j&#42892;aga oka &#232;&#232;na re ca b&#232;ka dhimu. R&#232;ngu d&#232;nge samala dhu heo ha&#42892;a-ha&#42892;a, dhu seru la&#42892;e-mai. Lamatua pua si b&#232;dho eele j&#42892;ara la&#42892;e sa d&#42892;ara, te N&#232;ngu d&#42892;&#232;i boe dh&#232;u puu rare hua aj&#42892;u dhu hia ra mamuri taa-taa &#232;&#232;na.</span></span></div>
      </div>
   </div>
</div>

Nèti badha aaꞌi-aaꞌi dhu Ama LAMATUA pajꞌajꞌi ètu rai-haha ne, mege ka dhu mèu risi kapodꞌe-kabèli. Ca lodꞌo, mege karèi bhèni na, aku nèngu na, “Tareꞌa, do? Ama Lamatua kai miu baku miꞌa hua aajꞌu aaꞌi-aaꞌi ètu dꞌara oka neꞌe.”
Ka bhèni na bꞌala, “Aadꞌo! Jiꞌi bisa ngaꞌa! Dhodhoka ajꞌu ca kapua ètu talora oka ne, Ama Lamatua kai, baku ngaꞌa hua na. Na peka na, jiꞌi baku ngaꞌa, aa baku gꞌagꞌe hua èèna kahèi, te aadꞌo na, jiꞌi madhe!”
Te ngaa mege na dhaa, aku nèngu na, “Waa! Sèmi boe èèna! Miu se madhe boe! Ama Lamatua mema kai tareꞌa sèmi èèna, lula dhu neꞌa le, ladhe miꞌe hua aajꞌu èèna, miu jꞌajꞌi dꞌèlu-mèu sèmi Nèngu. Ho èèna na meꞌa mia dhu beꞌa, aa mia dhu karehe.”
Aa bhèni ne ladhe na ajꞌu ne beꞌa titu kèna, dènge hua na ele boe kee. Na ngee, “Ladhe jaꞌa kuꞌa hua ajꞌu neꞌe, jaꞌa dꞌèlu-mèu.” Hèia puu nare ka hua ajꞌu èèna, ka naꞌe. Naꞌe nare, nèti hia dhèu èmu na, ka naꞌa kahèi. Raꞌa rare ka, heka reꞌa na rèngu dhu pake boe mèdha dhu hutu ua rèngu. Nèti èèna ka, ra lui rèu ajꞌu ho paꞌabhe era makae rèngu.
Dꞌai lodꞌo nihia, dua ra tadèngi lii core haga Ama LAMATUA ètu dꞌara oka èèna. Ka dua ra rai lasi luꞌu asa ca bèka ajꞌu, sèna ka LAMATUA baku nèdhi si. Te ngaa Ama LAMATUA paroa mi dhèu mone èèna, aku Nèngu na, “Adam! Èu ètu mia?”
Hèia mone na dhaa, “Jaꞌa tadèngi lii Lamatua ètu neꞌe. Te ngaa jaꞌa makae, lula jaꞌa pake boe mèdha ètu ua. Nèti èèna ka, jaꞌa rai pahuni iisi.”
Ka Lamatua peka na, “Cee ka dhu peka, na èu dhu pake boe mèdha-papake? De tasamia? Tatu èu muꞌa le hua ajꞌu dhu Jaꞌa kai na, sina ma?”
Ka na bꞌala, peka na, “Bhèni dhu Èu hia ho paꞌanga dènge jaꞌa èèna, ka dhu hia jaꞌa kuꞌa!”
Hèia Ama LAMATUA peka dènge bhèni na, aku Nèngu na, “Nga tao ka, èu adꞌu madha jꞌara èèna?”
Ka bhèni ne dhaa, peka na, “Te mege ne ka dhu agꞌo jaꞌa! Nèti èèna ka, jaꞌa kuꞌa.”

Èle èèna ka, Ama LAMATUA dhoo mege èèna, aku Nèngu na,
“Jaꞌa huku èu, lula tatao èu. Nèti badha aaꞌi-aaꞌi, dhoka èu di dhu abhu huku sèmi neꞌe. Mulai nèti deo neꞌe toke èu madhe, èu dhoka rodꞌo dènge kakara, aa muꞌa ètu rai di. Jaꞌa tao sèna ka, èu loe boe pamusu dènge bhèni ne. Aa ana-èpu miu dua mi sèmi èèna kahèi. Ana-èpu èu, èèna na kadhi hui tèdhu dhèu. Te ngaa ca dhèu nèti ana-èpu bhèni ne, èèna na dhedhe palaho kètu èu.”
Èle èèna ka, Ama Lamatua peka dènge bhèni ne,
“Èèna na, Jaꞌa pasusa tabha èu, ropa èu dènge babia; lodꞌo mora iisi, èu asa tabha jꞌèra. Masi ka sèmi èèna, dꞌara èu dꞌèi taruu dhèu èmu èu, aa nèngu ka dhu ator èu.”
Ka Ama Lamatua peka dènge mone ne,
“Èu madhutu boe lii paredha Jaꞌa, te ngaa èu nanene dhoka lii dhèu èmu èu di, ka èu muꞌa hua ajꞌu dhu Jaꞌa kai èèna. Nèti èèna ka, èu abhu huku kahèi. Aa rai lèke huku kahèi. Nèti deo neꞌe, toke dꞌai èu madhe, hudꞌi èu kabèli rai, heka èu abhu ngangaꞌa kèna. Dènge sabꞌa bia sèmi neꞌe ka, èu heka mamuri kèna. Masi ka èu sèle rupa-rupa hini èèna ka, te ngaa dhu muri mai dhodhoka dhudhu-sete di. Hudꞌi èu èi kabhèsu haa ku, heka rai hia èu ngangaꞌa kèna. Èu hudꞌi sabꞌa bia sèmi èèna ku, toke dꞌai lodꞌo èu madhe. Èu ne, Jaꞌa pajꞌajꞌi nèti rai. De ladhe èu madhe, èu jꞌajꞌi hari rai.”
Èle èèna ka, Adam pangare dhèu èmu na ‘Hawa’ (dhu sasoa na ‘dhu mamuri’), te nèngu ka jꞌajꞌi ina nèti dhèu dhu mamuri aaꞌi-aaꞌi.
Hèia Ama LAMATUA tao mèdha-papake nèti kaꞌuri badha, ka papake dua ra.

Ka Ama LAMATUA peka, “Limuri ne, dhèu reꞌa le, mia dhu beꞌa dènge mia dhu karehe, sèmi Èdhi kahèi. De mage dhoka, rèngu raꞌa hua ajꞌu dhu èci hari na, dhu hia mamuri taa-taa.” Èle èèna ka, Na babèga eele si nèti dꞌara oka Eden èèna, ho lasi asa era leo, sèna ka ra mamuri dènge sabꞌe oka-tedhe. Lula dhèu jꞌajꞌi nèti rai, de mamuri kahèi nèti rai. Babège nare si, ka Lamatua paredha ana pajuu Na nèti sorga, dhu dènge èla, ho lasi jꞌaga oka èèna re ca bèka dhimu. Rèngu dènge samala dhu heo haꞌa-haꞌa, dhu seru laꞌe-mai. Lamatua pua si bèdho eele jꞌara laꞌe sa dꞌara, te Nèngu dꞌèi boe dhèu puu rare hua ajꞌu dhu hia ra mamuri taa-taa èèna.

සවන් දෙන්න Lii Lolo dhu Uru Tèka 3