<div class="version vid1401 iso6393tet" data-vid="1401" data-iso6393="tet">
 <div class="book bkGEN">
 <div class="chapter ch2" data-usfm="GEN.2">
 <div class="label">2</div><div class="p"> 1Hodi nunia, Maromak nase&#42892;i lale&#42892;an no raiklaran no sasoin hotu-hotu.</div><div class="m"> 2Awan, kona baa loron dala hitu. Baa loron nia, Maromak nanawa serwisu. 3Hodi nunia, Nia nalo loron dala hitu nia, dadi baa loron boot. Nia nalo nunia, tan hotu-hotu mak Nia nase&#42892;i nia, tetuk no nesan ti&#42892;an. Hotu Nia nanawa baa loron dala hitu. 4aLia Maromak nase&#42892;i lale&#42892;an no raiklaran, nunia.</div><div class="s1">Lia Maromak nase&#42892;i feto no mane</div><div class="r">(Mateus 19:4-6; Markus 10:4-9; 1 Korintus 6:16, 15:45,47; Efesus 5:31-33)</div><div class="p"> 4bMAROMAK foin nahuu nase&#42892;i lale&#42892;an no raiklaran, 5-6ai horis la noo dauk, tan MAROMAK la natuun udan dauk. Baa oras nia, ababun dei sa&#42892;e nosi rai, nabotes rai. Ema bodik nalo to&#42892;os moos, la noo dauk. 7Hotu MAROMAK nola rai isin oan ida, nodi nase&#42892;i ema. Nia nuu natama nawan baa ema nia inun, hotu ema nia moris.</div><div class="p"> 8Hotu MAROMAK loke to&#42892;os ida iha rai Eden lorosa&#42892;e. Nia natama ema nia nein iha to&#42892;os nia. 9Iha to&#42892;os nia laran, MAROMAK nahoris ai horis kabaas oi-oik mak ema bele naa. Nia moos nahoris ai huun rua iha to&#42892;os klaran. Kalo ema naa ai huun ida fuan, bele moris nima-nimak. Naa ai huun ida seluk fuan, bele natene saa mak di&#42892;ak no saa mak aat.</div><div class="p"> 10Noo mota ida mak suli nabotes to&#42892;os nia. Suli sai nosi to&#42892;os nia, noo sorun haat. 11Sorun ida, naran Pison. Sorun nia, suli nalik rai Hawila mak noo mean wa&#42892;in. 12Iha nia, noo mean isin, ai horis mahoo raan morin no fatuk mahoo matan leen. 13Mota sorun ida tenik, naran Gihon. Sorun nia nalik rai Kus.#2:13Uluk, rai ne&#42892;e naran &#8216;Kus&#8217;. Oras ne&#42892;e, nako&#42892;ak rai Etiopia no tama rai Sudan iha rai Afrika lorosa&#42892;e. 14Mota sorun ida tenik, naran Tigris. Sorun ne&#42892;e, dadi kladik iha rai Asyur#2:14Oras ne&#42892;e, rai Asyur tama rai Irak. lorosa&#42892;e. Mota sorun ida tenik, naran Efrat.</div><div class="p"> 15MAROMAK natama ema nia baa to&#42892;os Eden atu babilan to&#42892;os nia di&#42892;a-di&#42892;ak. 16Nia naruka na&#42892;ak, &#8220;O bele maa ai fuan hotu-hotu iha to&#42892;os ne&#42892;e laran. 17Mais noo ai fuan ida mak o la bele maa. Ai fuan nia, nosi ai huun mak foo natene saa mak di&#42892;ak no saa mak aat. Kalo o maa ai fuan nia, o nanis mate.&#8221;</div><div class="p"> 18Hotu MAROMAK katak na&#42892;ak, &#8220;La furak ema ne&#42892;e moris mesan. Di&#42892;ak liu, Ha&#42892;u kase&#42892;i foo maluk ida mak makonak no nia.&#8221;</div><div class="p"> 19-20Baa oras nia, MAROMAK ra&#42892;ut nola rai isin nalo baa osa no lotuk no manu oi-oik. Hotu, Nia nodi sia baa ema nia, nebee ema nia tau naran baa sia. Ema nia nanaran kedan osa no lotuk no manu nia sia, ida-idak no naran du&#42892;uk. Mais nia du&#42892;uk, la noo maluk makonak.</div><div class="p"> 21Hotu MAROMAK nalo ema nia toba dukur. Oras toba dukur, MAROMAK nasai nola nosen ruin ida, hotu taka nikar kanek nia. 22Nia nase&#42892;i feto ida nosi nosen ruin nia, hotu latan baa ema nia. 23Naree feto nia, ema nia dale na&#42892;ak,</div><div class="q1">&#8220;Haa! Ne&#42892;e lai! Ne&#42892;e foin kona baa ha&#42892;u!</div><div class="q2">Niakaan ruin manesak no ha&#42892;ukaan.</div><div class="q3">Niakaan isin moos manesak no ha&#42892;ukaan.</div><div class="q2">Ha&#42892;u kanaran nia &#8216;feto&#8217;, tan nia dadi nosi mane.&#8221;#2:23Iha lia Ibrani, &#8216;mane&#8217; na&#42892;ak &#8216;ish&#8217;. &#8216;Feto&#8217; na&#42892;ak &#8216;isha&#8217;. Iha ne&#42892;e, ema nakdiuk lia fuan na&#42892;ak, &#8220;iisha (feto) dadi nosi ish (mane).&#8221;</div><div class="q1"> 24Tan lia nia, mane musti la&#42892;o nela inan no aman,</div><div class="q2">nebee moris neon ida no feen,</div><div class="q3">tan sia dadi mesak ti&#42892;an.</div><div class="p"> 25Oras nia, sia rua sei nakwalan, mais sia la moe.</div>
 </div>
 </div>
</div>

Hodi nunia, Maromak naseꞌi laleꞌan no raiklaran no sasoin hotu-hotu.
Awan, kona baa loron dala hitu. Baa loron nia, Maromak nanawa serwisu. Hodi nunia, Nia nalo loron dala hitu nia, dadi baa loron boot. Nia nalo nunia, tan hotu-hotu mak Nia naseꞌi nia, tetuk no nesan tiꞌan. Hotu Nia nanawa baa loron dala hitu. Lia Maromak naseꞌi laleꞌan no raiklaran, nunia.


MAROMAK foin nahuu naseꞌi laleꞌan no raiklaran, ai horis la noo dauk, tan MAROMAK la natuun udan dauk. Baa oras nia, ababun dei saꞌe nosi rai, nabotes rai. Ema bodik nalo toꞌos moos, la noo dauk. Hotu MAROMAK nola rai isin oan ida, nodi naseꞌi ema. Nia nuu natama nawan baa ema nia inun, hotu ema nia moris.
Hotu MAROMAK loke toꞌos ida iha rai Eden lorosaꞌe. Nia natama ema nia nein iha toꞌos nia. Iha toꞌos nia laran, MAROMAK nahoris ai horis kabaas oi-oik mak ema bele naa. Nia moos nahoris ai huun rua iha toꞌos klaran. Kalo ema naa ai huun ida fuan, bele moris nima-nimak. Naa ai huun ida seluk fuan, bele natene saa mak diꞌak no saa mak aat.
Noo mota ida mak suli nabotes toꞌos nia. Suli sai nosi toꞌos nia, noo sorun haat. Sorun ida, naran Pison. Sorun nia, suli nalik rai Hawila mak noo mean waꞌin. Iha nia, noo mean isin, ai horis mahoo raan morin no fatuk mahoo matan leen. Mota sorun ida tenik, naran Gihon. Sorun nia nalik rai Kus. Mota sorun ida tenik, naran Tigris. Sorun neꞌe, dadi kladik iha rai Asyur lorosaꞌe. Mota sorun ida tenik, naran Efrat.
MAROMAK natama ema nia baa toꞌos Eden atu babilan toꞌos nia diꞌa-diꞌak. Nia naruka naꞌak, “O bele maa ai fuan hotu-hotu iha toꞌos neꞌe laran. Mais noo ai fuan ida mak o la bele maa. Ai fuan nia, nosi ai huun mak foo natene saa mak diꞌak no saa mak aat. Kalo o maa ai fuan nia, o nanis mate.”
Hotu MAROMAK katak naꞌak, “La furak ema neꞌe moris mesan. Diꞌak liu, Haꞌu kaseꞌi foo maluk ida mak makonak no nia.”
Baa oras nia, MAROMAK raꞌut nola rai isin nalo baa osa no lotuk no manu oi-oik. Hotu, Nia nodi sia baa ema nia, nebee ema nia tau naran baa sia. Ema nia nanaran kedan osa no lotuk no manu nia sia, ida-idak no naran duꞌuk. Mais nia duꞌuk, la noo maluk makonak.
Hotu MAROMAK nalo ema nia toba dukur. Oras toba dukur, MAROMAK nasai nola nosen ruin ida, hotu taka nikar kanek nia. Nia naseꞌi feto ida nosi nosen ruin nia, hotu latan baa ema nia. Naree feto nia, ema nia dale naꞌak,
“Haa! Neꞌe lai! Neꞌe foin kona baa haꞌu!
Niakaan ruin manesak no haꞌukaan.
Niakaan isin moos manesak no haꞌukaan.
Haꞌu kanaran nia ‘feto’, tan nia dadi nosi mane.”
Tan lia nia, mane musti laꞌo nela inan no aman,
nebee moris neon ida no feen,
tan sia dadi mesak tiꞌan.
Oras nia, sia rua sei nakwalan, mais sia la moe.

සවන් දෙන්න Lia Uluk Fohon 2