<div class="version vid1287 iso6393mkn" data-vid="1287" data-iso6393="mkn">
 <div class="book bkGEN">
 <div class="chapter ch22" data-usfm="GEN.22">
 <div class="label">22</div><div class="s1">Tuhan suru Abraham bekin Isak jadi korban</div><div class="r">(Mateos 3:17; 17:5; Markus 1:11; 9:7; Lukas 3:22; 9:35; 2 Petrus 1:17)</div><div class="p"> 1Sonde lama lai, ju Tuhan uji sang Abraham, ko mau lia dia dengar sang Tuhan, ko sonde. Ais Tuhan pange sang dia bilang, &#8220;Abraham!&#8221;</div><div class="p">Ju dia manyao bilang, &#8220;Ia, Tuhan.&#8221;</div><div class="p"> 2Ais Tuhan Allah suru sang dia bilang, &#8220;Dengar bae-bae! Ame lu pung ana satu biji yang lu paling sayang. Bawa sang dia pi tana Moria, ko lu bekin sang dia jadi korban bakar kasi Beta. Sampe di sana, baru Beta kasi tunju sang lu dia pung tampa di satu gunung.&#8221;</div><div class="p"> 3Dia pung beso papagi, ju Abraham potong kayu api. Ais dia ika-ika itu kayu dong, ju mua di atas binatang keledai. Tar&#250;s dia deng Isak, deng dia pung hamba dua orang, barangkat pi di tampa yang Tuhan su kasi tau sang dia. 4Dong jalan-jalan, ju dia pung lusa, Abraham dapa lia itu tampa dari jao. 5Ais dia kasi tau sang itu dua hamba bilang, &#8220;Bosong dua tenga tahan di sini deng ini keledai, &#233;! Beta deng be pung ana mau pi atas sana, ko mau s&#233;mba sang Tuhan. Abis, baru botong kambali datang sini lai.&#8221;</div><div class="p"> 6Tar&#250;s Abraham ame itu kayu api buat bakar korban, ko kasi nae di Isak pung bahu. Deng dia sandiri bawa piso deng kayu yang ada api. Waktu dong dua ada bajalan sama-sama, 7ju Isak pange sang dia pung bapa bilang, &#8220;Papa!&#8221;</div><div class="p">Ais Abraham manyao bilang, &#8220;Kanapa, Isak?&#8221;</div><div class="p">Tar&#250;s Isak tanya bilang, &#8220;Papa. Kotong mau bakar korban. Di sini su ada dia pung kayu, deng dia pung api. Ma domba ana yang kotong pake jadi korban ada di mana?&#8221;</div><div class="p"> 8Ais Abraham manyao bilang, &#8220;Ana, &#233;! Nanti Tuhan Allah sandiri yang kasi Dia pung domba ana ko pake jadi korban.&#8221; </div><div class="p">Ju dong dua jalan nae tar&#250;s. 9Waktu dong sampe di tampa yang Tuhan su kasi tau tu, ju Abraham susun batu ko bekin meja tampa bakar korban. Ais dia ator kayu api di atas meja batu. Ju dia ika dia pung ana, ko kasi tidor malenggang di atas kayu bakar. 10Tar&#250;s dia ame piso ko mau bunu dia pung ana. 11Ma takuju sa, TUHAN pung ana bua batarea dari langit bilang, &#8220;We! Bram! Tunggu dolo!&#8221;</div><div class="p">Ju dia manyao bilang, &#8220;Ada apa, Tuhan?&#8221;</div><div class="p"> 12Tar&#250;s itu suara bilang, &#8220;Lu jang bunu itu ana! Jang bekin apa-apa sang dia! Sakarang Beta su tau bilang, lu bat&#250;l-bat&#250;l iko Tuhan pung mau, tagal lu su siap kasi sang Tuhan lu pung ana satu biji tu, ko jadi korban.&#8221; </div><div class="p"> 13Ais itu, Abraham dapa lia satu domba laki yang dia pung tandok taga&#42892;e di pohon kici pung cabang dong. Ais Abraham pi ame memang itu domba, ko dia bakar jadi korban kasi sang Tuhan Allah, ganti dia pung ana. 14Jadi Abraham kasi nama itu tampa, &#8216;Tuhan nanti sadia kasi apa yang parl&#250;.&#8217;#22:14:Bahasa Ibrani bilang Yahova Yire, yang dia pung arti &#8216;Tuhan nanti sadia kasi apa yang parl&#250;.&#8217; Andia ko sampe sakarang ju orang omong bilang, &#8220;Di atas TUHAN pung gunung tu, nanti Dia sadia kasi apa yang parl&#250;.&#8221;</div><div class="p"> 15Ais ju Tuhan pung ana bua batarea ulang lai dari langit bilang, 16&#8220;TUHAN sandiri bilang, &#8216;Beta sumpa pake Beta pung nama sandiri, bagini: lu su siap kasi sang Beta lu pung ana satu biji ko jadi korban. Andia ko 17Beta nanti kasi berkat bam-banya sang lu deng lu pung turunan. Nanti dong tamba banya sampe sonde ada orang yang bisa itong ame sang dong, sama ke bintang di langit deng pasir di pante. Lu pung ana-cucu dong nanti kasi kala dong pung musu-musu. 18Dari lu pung turunan, nanti samua suku-bangsa di dunya dapa berkat, tagal lu su iko Beta pung parenta.&#8217;&#8202;&#8221;</div><div class="p"> 19Ais itu, Abraham deng Isak turun kambali pi dong pung dua hamba, ko dong pulang sama-sama pi Beer Syeba. Abraham dong tenga di sana.</div><div class="s1">Nahor pung turunan</div><div class="p"> 20Satu kali, Abraham dapa dengar bilang, dia pung adi Nahor pung bini Milka su barana ame ana-ana. 21Ana sulung, nama Us. Dia pung adi, nama Bus. Ais itu, Kemuel (yang jadi Aram pung bapa). 22Ais ada Kesed, Haso, Pildas, Yidlaf, deng Betuel. 23Betuel tu, Ribka pung bapa. 24Ma Nahor ju dapa tamba ana-ana dari dia pung bini piara, nama Reuma. Dia barana sang Teba, Gaham, Tahas, deng Maaka.</div>
 </div>
 </div>
</div>

Sonde lama lai, ju Tuhan uji sang Abraham, ko mau lia dia dengar sang Tuhan, ko sonde. Ais Tuhan pange sang dia bilang, “Abraham!”
Ju dia manyao bilang, “Ia, Tuhan.”
Ais Tuhan Allah suru sang dia bilang, “Dengar bae-bae! Ame lu pung ana satu biji yang lu paling sayang. Bawa sang dia pi tana Moria, ko lu bekin sang dia jadi korban bakar kasi Beta. Sampe di sana, baru Beta kasi tunju sang lu dia pung tampa di satu gunung.”
Dia pung beso papagi, ju Abraham potong kayu api. Ais dia ika-ika itu kayu dong, ju mua di atas binatang keledai. Tarús dia deng Isak, deng dia pung hamba dua orang, barangkat pi di tampa yang Tuhan su kasi tau sang dia. Dong jalan-jalan, ju dia pung lusa, Abraham dapa lia itu tampa dari jao. Ais dia kasi tau sang itu dua hamba bilang, “Bosong dua tenga tahan di sini deng ini keledai, é! Beta deng be pung ana mau pi atas sana, ko mau sémba sang Tuhan. Abis, baru botong kambali datang sini lai.”
Tarús Abraham ame itu kayu api buat bakar korban, ko kasi nae di Isak pung bahu. Deng dia sandiri bawa piso deng kayu yang ada api. Waktu dong dua ada bajalan sama-sama, ju Isak pange sang dia pung bapa bilang, “Papa!”
Ais Abraham manyao bilang, “Kanapa, Isak?”
Tarús Isak tanya bilang, “Papa. Kotong mau bakar korban. Di sini su ada dia pung kayu, deng dia pung api. Ma domba ana yang kotong pake jadi korban ada di mana?”
Ais Abraham manyao bilang, “Ana, é! Nanti Tuhan Allah sandiri yang kasi Dia pung domba ana ko pake jadi korban.”
Ju dong dua jalan nae tarús. Waktu dong sampe di tampa yang Tuhan su kasi tau tu, ju Abraham susun batu ko bekin meja tampa bakar korban. Ais dia ator kayu api di atas meja batu. Ju dia ika dia pung ana, ko kasi tidor malenggang di atas kayu bakar. Tarús dia ame piso ko mau bunu dia pung ana. Ma takuju sa, TUHAN pung ana bua batarea dari langit bilang, “We! Bram! Tunggu dolo!”
Ju dia manyao bilang, “Ada apa, Tuhan?”
Tarús itu suara bilang, “Lu jang bunu itu ana! Jang bekin apa-apa sang dia! Sakarang Beta su tau bilang, lu batúl-batúl iko Tuhan pung mau, tagal lu su siap kasi sang Tuhan lu pung ana satu biji tu, ko jadi korban.”
Ais itu, Abraham dapa lia satu domba laki yang dia pung tandok tagaꞌe di pohon kici pung cabang dong. Ais Abraham pi ame memang itu domba, ko dia bakar jadi korban kasi sang Tuhan Allah, ganti dia pung ana. Jadi Abraham kasi nama itu tampa, ‘Tuhan nanti sadia kasi apa yang parlú.’ Andia ko sampe sakarang ju orang omong bilang, “Di atas TUHAN pung gunung tu, nanti Dia sadia kasi apa yang parlú.”
Ais ju Tuhan pung ana bua batarea ulang lai dari langit bilang, “TUHAN sandiri bilang, ‘Beta sumpa pake Beta pung nama sandiri, bagini: lu su siap kasi sang Beta lu pung ana satu biji ko jadi korban. Andia ko Beta nanti kasi berkat bam-banya sang lu deng lu pung turunan. Nanti dong tamba banya sampe sonde ada orang yang bisa itong ame sang dong, sama ke bintang di langit deng pasir di pante. Lu pung ana-cucu dong nanti kasi kala dong pung musu-musu. Dari lu pung turunan, nanti samua suku-bangsa di dunya dapa berkat, tagal lu su iko Beta pung parenta.’ ”
Ais itu, Abraham deng Isak turun kambali pi dong pung dua hamba, ko dong pulang sama-sama pi Beer Syeba. Abraham dong tenga di sana.

Satu kali, Abraham dapa dengar bilang, dia pung adi Nahor pung bini Milka su barana ame ana-ana. Ana sulung, nama Us. Dia pung adi, nama Bus. Ais itu, Kemuel (yang jadi Aram pung bapa). Ais ada Kesed, Haso, Pildas, Yidlaf, deng Betuel. Betuel tu, Ribka pung bapa. Ma Nahor ju dapa tamba ana-ana dari dia pung bini piara, nama Reuma. Dia barana sang Teba, Gaham, Tahas, deng Maaka.

සවන් දෙන්න Carita Mula-mula 22