<div class="version vid1287 iso6393mkn" data-vid="1287" data-iso6393="mkn">
   <div class="book bkGEN">
      <div class="chapter ch16" data-usfm="GEN.16">
         <div class="label">16</div><div class="s1"><span class="heading">Hagar deng dia pung ana Ismael</span></div><div class="p"><span class="content">  </span><span class="verse v1 v2 v3" data-usfm="GEN.16.1+GEN.16.2+GEN.16.3"><span class="label">1-3</span><span class="content">Itu waktu, Abram su kambali dari Masir, ko su tenga sapulu taon di Kana&#42892;an. Dia pung bini, Sarai, bal&#243;m dapa ana. Sarai ada pung hamba parampuan orang Masir, nama Hagar.</span></span></div><div class="p"><span class="verse v1 v2 v3" data-usfm="GEN.16.1+GEN.16.2+GEN.16.3"><span class="content">Satu kali, Sarai ba&#42892;omong deng Abram bilang, &#8220;Bapa! TUHAN su pele beta pung tampa ana. Ada lebe bae bapa pi tidor deng beta pung hamba Hagar, ko biar dia barana kasi beta.&#8221;</span></span></div><div class="p"><span class="verse v1 v2 v3" data-usfm="GEN.16.1+GEN.16.2+GEN.16.3"><span class="content">Ju Abram iko dia pung bini pung omong. Ais Sarai kasi Hagar ko jadi Abram pung bini muda. </span></span><span class="verse v4" data-usfm="GEN.16.4"><span class="label">4</span><span class="content">Ais ju Abram pi tidor deng Hagar, ju itu parampuan dudu par&#250;. Ma waktu Hagar tau dia su dudu par&#250;, dia jadi sombong, ju dia pandang enteng sang Sarai. </span></span></div><div class="p"><span class="verse v4" data-usfm="GEN.16.4"><span class="content">  </span></span><span class="verse v5" data-usfm="GEN.16.5"><span class="label">5</span><span class="content">Ais Sarai omong deng Abram bilang, &#8220;Beta yang kasi itu hamba ko jadi lu pung bini muda. Ma waktu itu parampuan tau dia bunting, ju dia pandang enteng sang beta. Itu lu pung sala samua! Kasi tenga ko TUHAN putus kotong dua pung parkara. Baru lu tau!&#8221;</span></span></div><div class="p"><span class="verse v5" data-usfm="GEN.16.5"><span class="content">  </span></span><span class="verse v6" data-usfm="GEN.16.6"><span class="label">6</span><span class="content">Ais ju Abram manyao bilang, &#8220;Bagini! Lu ni, bini tua. Ma dia tu, cuma bini muda sa. Jadi lu yang ada pung kuasa sang dia. Lu mau bekin apa sang dia, dari lu sa!&#8221; Ais ju Sarai bekin kasar-kasar sang Hagar sampe dia bangun lari.</span></span></div><div class="p"><span class="verse v6" data-usfm="GEN.16.6"><span class="content">  </span></span><span class="verse v7" data-usfm="GEN.16.7"><span class="label">7</span><span class="content">Dia lari sampe di padang pasir. Ju TUHAN pung ana bua satu dari sorga dapa sang dia deka deng mata aer di jalan pi Sur. </span></span><span class="verse v8" data-usfm="GEN.16.8"><span class="label">8</span><span class="content">Ais dia bilang, &#8220;We! Hagar, Sarai pung hamba! Akurang ko lu ada di sini? Lu dari mana, deng mau pi mana?&#8221;</span></span></div><div class="p"><span class="verse v8" data-usfm="GEN.16.8"><span class="content">Ju Hagar manyao bilang, &#8220;Beta lari kasi tenga beta pung nyonya.&#8221;</span></span></div><div class="p"><span class="verse v8" data-usfm="GEN.16.8"><span class="content">  </span></span><span class="verse v9" data-usfm="GEN.16.9"><span class="label">9</span><span class="content">Ju TUHAN pung ana bua kokoe sang dia bilang, &#8220;Bagini! Lebe bae lu pulang pi lu pung nyonya. Dia bekin karmana sang lu, na, tarima sa. </span></span><span class="verse v10" data-usfm="GEN.16.10"><span class="label">10</span><span class="content">Lu jang taku. Nanti beta bekin lu pung turunan bam-banya, sampe orang sonde bisa itong ontong sang dong. </span></span><span class="verse v11" data-usfm="GEN.16.11"><span class="label">11</span><span class="content">Sakarang lu ada dudu par&#250;. Sonde lama lai, lu barana satu ana laki-laki. Lu musti kasi nama sang dia, </span><span class="it"><span class="content">Ismael</span></span><span class="content"> (yang amper sama ke satu kata laen yang pung arti bilang, &#8216;Tuhan dengar&#8217;), tagal TUHAN su dengar lu pung manangis. </span></span><span class="verse v12" data-usfm="GEN.16.12"><span class="label">12</span><span class="content">Ma itu ana b&#233;sar datang, dia idop jao dari dia pung sodara dong. Tagal dia sama ke kuda liar yang sonde tau dengar parenta. Sapa sa, dia lawan. Deng samua orang lawan bale sang dia.&#8221;</span></span></div><div class="p"><span class="verse v12" data-usfm="GEN.16.12"><span class="content">  </span></span><span class="verse v13" data-usfm="GEN.16.13"><span class="label">13</span><span class="content">Dengar abis bagitu, ju Hagar omong dalam hati bilang, &#8220;Beta su lia TUHAN, yang ada lia deng jaga sang beta.&#8221; Ais dia mulai pange sang Tuhan pake nama &#8220;Tuhan yang paduli sang beta.&#8221; </span></span><span class="verse v14" data-usfm="GEN.16.14"><span class="label">14</span><span class="content">Andia ko orang kasi nama itu mata aer, </span><span class="it"><span class="content">Beer Lahai Roi</span></span><span class="content">, yang dia pung arti, &#8220;Mata aer dari Dia yang idop, yang paduli sang beta.&#8221; Dia pung tampa di kampong Kades deng kampong Beret pung teng-tenga. Itu mata aer masi ada sampe sakarang.</span></span></div><div class="p"><span class="verse v14" data-usfm="GEN.16.14"><span class="content">  </span></span><span class="verse v15" data-usfm="GEN.16.15"><span class="label">15</span><span class="content">Ais itu, Hagar pulang. Ju dia barana ame satu ana laki-laki. Abram kasi nama sang dia </span><span class="it"><span class="content">Ismael</span></span><span class="content">. </span></span><span class="verse v16" data-usfm="GEN.16.16"><span class="label">16</span><span class="content">Waktu Hagar barana sang Ismael, Abram pung umur su 86 taon.</span></span></div>
      </div>
   </div>
</div>

Itu waktu, Abram su kambali dari Masir, ko su tenga sapulu taon di Kanaꞌan. Dia pung bini, Sarai, balóm dapa ana. Sarai ada pung hamba parampuan orang Masir, nama Hagar.
Satu kali, Sarai baꞌomong deng Abram bilang, “Bapa! TUHAN su pele beta pung tampa ana. Ada lebe bae bapa pi tidor deng beta pung hamba Hagar, ko biar dia barana kasi beta.”
Ju Abram iko dia pung bini pung omong. Ais Sarai kasi Hagar ko jadi Abram pung bini muda. Ais ju Abram pi tidor deng Hagar, ju itu parampuan dudu parú. Ma waktu Hagar tau dia su dudu parú, dia jadi sombong, ju dia pandang enteng sang Sarai.
Ais Sarai omong deng Abram bilang, “Beta yang kasi itu hamba ko jadi lu pung bini muda. Ma waktu itu parampuan tau dia bunting, ju dia pandang enteng sang beta. Itu lu pung sala samua! Kasi tenga ko TUHAN putus kotong dua pung parkara. Baru lu tau!”
Ais ju Abram manyao bilang, “Bagini! Lu ni, bini tua. Ma dia tu, cuma bini muda sa. Jadi lu yang ada pung kuasa sang dia. Lu mau bekin apa sang dia, dari lu sa!” Ais ju Sarai bekin kasar-kasar sang Hagar sampe dia bangun lari.
Dia lari sampe di padang pasir. Ju TUHAN pung ana bua satu dari sorga dapa sang dia deka deng mata aer di jalan pi Sur. Ais dia bilang, “We! Hagar, Sarai pung hamba! Akurang ko lu ada di sini? Lu dari mana, deng mau pi mana?”
Ju Hagar manyao bilang, “Beta lari kasi tenga beta pung nyonya.”
Ju TUHAN pung ana bua kokoe sang dia bilang, “Bagini! Lebe bae lu pulang pi lu pung nyonya. Dia bekin karmana sang lu, na, tarima sa. Lu jang taku. Nanti beta bekin lu pung turunan bam-banya, sampe orang sonde bisa itong ontong sang dong. Sakarang lu ada dudu parú. Sonde lama lai, lu barana satu ana laki-laki. Lu musti kasi nama sang dia, Ismael (yang amper sama ke satu kata laen yang pung arti bilang, ‘Tuhan dengar’), tagal TUHAN su dengar lu pung manangis. Ma itu ana bésar datang, dia idop jao dari dia pung sodara dong. Tagal dia sama ke kuda liar yang sonde tau dengar parenta. Sapa sa, dia lawan. Deng samua orang lawan bale sang dia.”
Dengar abis bagitu, ju Hagar omong dalam hati bilang, “Beta su lia TUHAN, yang ada lia deng jaga sang beta.” Ais dia mulai pange sang Tuhan pake nama “Tuhan yang paduli sang beta.” Andia ko orang kasi nama itu mata aer, Beer Lahai Roi, yang dia pung arti, “Mata aer dari Dia yang idop, yang paduli sang beta.” Dia pung tampa di kampong Kades deng kampong Beret pung teng-tenga. Itu mata aer masi ada sampe sakarang.
Ais itu, Hagar pulang. Ju dia barana ame satu ana laki-laki. Abram kasi nama sang dia Ismael. Waktu Hagar barana sang Ismael, Abram pung umur su 86 taon.

සවන් දෙන්න Carita Mula-mula 16