<div class="version vid1131 iso6393att" data-vid="1131" data-iso6393="att">
 <div class="book bkMAT">
 <div class="chapter ch22" data-usfm="MAT.22">
 <div class="label">22</div><div class="s">Y&#249; &#193;ngngarig&#225;n nga Meyannung s&#249; Bod&#225;</div><div class="r"> Lukas 14:15-24</div><div class="p"> 1&#193; nag&#225;ngngarig&#225;n paga si Apu Kesu. &#193; kinagi na, 2&#8220;&#193; kunniaw y&#249; keyarig&#225;n nay&#249; &#225;ngngisip&#224; ni Namar&#242; ta tatolay s&#249; pammagure na. Ajjan y&#249; patul nga namar&#225;n ta bod&#225; nay&#249; an&#226; na nga lal&#225;ki. 3&#193; kabalid da namar&#225;n, jinok nay&#249; patul y&#249; ira aripan na nga umay mag&#225;g&#225;l s&#249; ira tatolay nga inap&#224; na. Ngam nanak&#236; y&#249; ira inap&#224; na nga umay makibod&#225;. 4&#193; y&#225;y&#249; nga jinok na laguk nay&#249; patul y&#249; ira tanaku&#225;n nga aripan na. &#193; kinagi na nira, &#8216;Kagian naw b&#236; s&#249; ira inap&#224; ku ta umay l&#226; ira nga umay, ta d&#225;n nga napar&#225;n y&#249; ipabbod&#225; mi. Nap&#225;rtingin y&#249; ira b&#225;ka &#225;nna y&#249; ira matab&#225; nga k&#237;gaw, &#225; napar&#225;nin ng&#225;min y&#249; m&#225;w&#225;k tam,&#8217; kun na. 5Ngam pinagur&#225;y&#225;d da y&#249; pang&#225;g&#225;l nay&#249; patul nira, &#225; inup&#249; da y&#249; akka-akku&#225;d da. Ajjan y&#249; ira nga minay ta &#225;kkoman&#225;d da &#225;nna y&#249; ira minay nall&#225;ku. 6&#193; y&#249; ira k&#225;ru&#225;n, gin&#225;p&#249; da y&#249; ira k&#225;ru&#225;n nga aripan nay&#249; patul, &#225; inipasapasir&#225;n&#225;d da ira, &#225;nna pinap&#225;te ra y&#249; ira k&#225;ru&#225;n.</div><div class="p"> 7&#8220;&#193; pakar&#225;mak nay&#249; patul karannian, nepall&#224; y&#249; pore na, &#225; jinok na y&#249; ira sudd&#225;lu na, ta ed da papat&#225;yan y&#249; ira namap&#225;tay. &#193; sinuggi ra y&#249; ili ra. 8&#193; kinagi na laguk nay&#249; patul s&#249; ira aripan na, &#8216;D&#225;n nga napar&#225;nin ng&#225;min y&#249; ipabbod&#226;, ngam ari mep&#225;ngng&#224; y&#249; ira olu nga inag&#225;l&#225;k ku. 9E kayu ta d&#225;pun, &#225; apatan naw nga umay makibod&#225; y&#249; ira ng&#225;min nga masingan naw,&#8217; kun na. 10&#193; minay laguk y&#249; ira aripan nay&#249; patul, &#225; inag&#225;l&#225;d da ng&#225;min y&#249; ira nar&#225;ngngan&#225;d da ta d&#225;lan, nga tatolay nga napi&#225; onu nar&#225;k&#232;. &#193; y&#225;y&#249; nga napannu y&#249; bale nay&#249; patul s&#249; ira makibod&#225;.</div><div class="p"> 11&#8220;&#193; minay laguk y&#249; patul nga nakiubobuk s&#249; ira &#225;lliuk na, &#225; nasingan na y&#249; t&#225;dday nga ari nappabbisti ta &#225;kkibod&#225;. 12&#193; iniyabb&#251; nay&#249; patul kuna, &#8216;Kopuk ku, ngatt&#225;, ta simillung ka saw nga ari nappabbisti ta &#225;kkibod&#225;?&#8217; kun nay&#249; patul. &#193; ari nakatabb&#225;k y&#249; tolay. 13&#193; kinagi na laguk nay&#249; patul s&#249; ira masserbi kuna, &#8216;Gaputan naw ta baluran naw, &#225; ilapp&#225;k naw ta law&#225;n s&#249; kakallat&#225;n, nga gi&#225;n nay&#249; ira gikulukulet&#225;n, nga mangngarangngaringng&#236; megapu s&#249; jig&#226; da.&#8217; &#8221; 14&#193; kinagi na laguk ni Apu Kesu, &#8220;Aru y&#249; ira nga ag&#225;l&#225;n ni Namar&#242; nga tumuttul kuna, ngam badd&#236; l&#226; y&#249; ira nap&#237;li na nga mesip&#224; kuna.&#8221;</div><div class="s">Y&#249; Pangiyabb&#251; da ta Meyannung s&#249; Pappag&#225; ra ta Buw&#236; s&#249; Patul</div><div class="r"> Markus 12:13-17; Lukas 20:20-26</div><div class="p"> 15&#193; ta kabalin na yaw, n&#225;naw laguk y&#249; ira Parisio t&#225;n, &#225; minay ira nakkak&#225;-ubu-ubobuk nu kunnasi y&#249; &#225;nnukuk da k&#226; Apu Kesu ta meyannung s&#249; ubobuk na. 16&#193; y&#225;y&#249; nga jinok da laguk k&#226; Apu Kesu y&#249; ira k&#225;bulud da nga Parisio, nga nepappup&#250;l&#249; s&#249; ira k&#225;bulun ni Patul Erodo. &#193; labb&#232; da s&#249; gi&#225;n ni Apu Kesu, kinagi ra kuna, &#8220;Apu, ammu mi nga aw&#225;n ta &#225;ngngilog&#242; mu &#225;nna kuruk y&#249; ituddum nga bilin ni Namar&#242; nga ipaku&#225; na ta tatolay. &#193; aw&#225;n ta irumurum&#225;m nga tatolay, gapu ta aw&#225;n ta ikaburung mu nu anni y&#249; kagiad da, m&#225;ssiki nu mak&#225;wayy&#225; ira. 17Kagiam mu b&#236; laguk y&#249; non&#242; mu nga meyannung karanniaw. Ar&#225;n na pan&#242; ipugik nay&#249; tunung tam y&#249; pappag&#225; tam ta buw&#236; k&#226; Sisar, nga patul nga mammaguray ta Roma?&#8221; kud da. 18Ngam natagen&#224; ni Apu Kesu y&#249; nar&#225;k&#232; nga non&#242; da. &#193; y&#225;y&#249; nga kinagi na nira, &#8220;Sikayu, nga agipp&#237;pi&#225;! Ngatt&#225;, ta paraparub&#225;n naw&#224; nga tukub&#225;n? 19Ipasingan naw b&#236; nik&#225;n y&#249; ku&#225;rtu nga ipappag&#225; naw ta buw&#236;,&#8221; kun na. &#193; iniyaw&#226; da kuna y&#249; pir&#226;. 20&#193; iniyabb&#251; ni Apu Kesu nira, &#8220;Asinni y&#249; mak&#225;-alinu &#225;nna mak&#225;ngng&#225;gan nga nem&#225;rk&#225; sawe pir&#226;?&#8221; kun na. 21&#8220;Si Patul Sisar,&#8221; kud da. &#193; kun na laguk ni Apu Kesu, &#8220;&#193; kuku&#225; ni Patul Sisar laguk y&#249; pir&#226; nga nam&#225;rk&#225;n ta k&#225;gapp&#224; nay&#249; mammang na &#225;nna y&#249; ng&#225;gan na. &#193; y&#225;y&#249; nga pag&#225;n naw y&#249; buw&#236; nga meyannung s&#249; pak&#225;wayy&#225; na. &#193; tupp&#225;lan naw gapay y&#249; ipaku&#225; ni Namar&#242; nikayu, nga meyannung s&#249; pak&#225;wayy&#225; na gapay,&#8221; kun ni Apu Kesu. 22&#193; pakaginn&#225; nay&#249; ira k&#225;bulun ni Patul Erodo &#225;nna y&#249; ira Parisio s&#249; kinagi ni Apu Kesu, nepall&#224; y&#249; kap&#225;ll&#226; da s&#249; kas&#237;rik nay&#249; itabb&#225;k na. &#193; n&#225;naw&#225;d da.</div><div class="s">Y&#249; Meyannung s&#249; Paginnanole nay&#249; ira N&#225;mmatay</div><div class="r"> Markus 12:18-27; Lukas 20:27-40</div><div class="p"> 23&#193; t&#225;n nga &#225;ggaw gal&#226;, minay gapay y&#249; ira k&#225;ru&#225;n nga Sadusio. Aggira y&#249; makkagi ta ari maginnanolay y&#249; ira n&#225;mmatay. &#193; jiminikk&#236; ira nga nagiyabb&#251; k&#226; Apu Kesu. 24&#193; kinagi ra, &#8220;Mesturu, ajjan y&#249; net&#250;r&#226; nga inituddu na ngaw ni Moyses. &#8216;Nu matay y&#249; lal&#225;ki nga natay&#225;n na y&#249; at&#225;wa na nga aw&#225;n ta an&#226; da, m&#225;w&#225;k nay&#249; wagi nay&#249; natay nga ataw&#225;n na y&#249; b&#225;lu, tap&#232; magan&#226; ira, &#225; mebil&#225;ng y&#249; an&#226; da ta an&#226; nay&#249; wagi na nga natay.&#8217; 25&#193; g&#225;ri, ajjan sawe gi&#225;m mi y&#249; ira pitu nga mawwaw&#225;gi nga l&#225;ll&#225;ki. &#193; nangat&#225;wa y&#249; kak&#225;, &#225; natay nga aw&#225;n ta an&#226; na. &#193; y&#225;y&#249; nga inat&#225;wa nay&#249; uri&#225;n na y&#249; b&#225;lu, nga as&#237;p&#225;k na. 26&#193; natay laguk y&#249; mekaru&#225; nga lal&#225;ki gapay nga aw&#225;n ta an&#226; na. &#193; kunnian gapay y&#249; nesimmu s&#249; mekatallu nga lal&#225;ki &#225;nna y&#249; ira dumadd&#225;dd&#225;n nga w&#225;wwagi na &#225;dd&#232; s&#249; mekapitu. Aggira ng&#225;min, nattutubb&#225;t&#225;d da nga inat&#225;wa y&#249; babay nga b&#225;lu nay&#249; kak&#225; ra, &#225; natay ng&#225;min y&#249; ira mawwaw&#225;gi nga aw&#225;n ta an&#226; da. 27&#193; napori&#225;n nga natay gapay y&#249; babay. 28&#193; yawe b&#236; y&#249; iyabb&#251; mi nikaw. Noka nu dutt&#225;l y&#249; &#225;ggaw na paginnanolay nay&#249; ira n&#225;mmatay, asinni laguk s&#249; ira ngaw pitu nga l&#225;ll&#225;ki y&#249; at&#225;wa nay&#249; babay? Nepatalug&#225;ring ta inat&#225;wa ra ng&#225;min nga pitu,&#8221; kud da.</div><div class="p"> 29&#193; simibb&#225;k si Apu Kesu nira, &#225; kinagi na, &#8220;Nakaliw&#226; kayu ta pannonon&#242; naw, gapu ta ar&#225;n naw gar&#232; m&#225;nn&#225;mmu&#225;n y&#249; d&#225;n nga net&#250;r&#226; nga Ubobuk ni Namar&#242;, &#225;nna ar&#225;n naw gapay m&#225;nn&#225;mmu&#225;n y&#249; pak&#225;wayy&#225; ni Namar&#242;. 30Sangaw nu maginnanolay y&#249; ira n&#225;mmatay, mapatali&#225;nin y&#249; &#225;ggi&#225;n na tatolay, &#225; kunnay ira s&#249; ira daroban ni Namar&#242; ta l&#225;ng&#236;, nga ari makiat&#225;wa &#225;nna mangat&#225;wa. 31&#193; ta meyannung s&#249; paginnanolay nay&#249; ira n&#225;mmatay, ar&#225;n naw paga pan&#242; nabibbik y&#249; kinagi ni Namar&#242; nikayu? Net&#250;r&#226; yaw nga kinagi na, 32&#8216;Sik&#225;n si Namar&#242;, nga pakimoray&#225;d di Abrakam k&#225;ri Isak k&#226; Akup,&#8217; kun ni Namar&#242;. &#193; si Namar&#242;, ari gemma y&#249; pakimoray&#225;n nay&#249; ira n&#225;mmatay, nu ari gal&#226; y&#249; pakimoray&#225;n nay&#249; ira matolay,&#8221;#22:32 Exodo 3:6 kun ni Apu Kesu nira. 33&#193; ta pakaginn&#225; nay&#249; ira magaru nga tatolay karannian nga kinagi ni Apu Kesu, nap&#225;ll&#226; ira s&#249; pangituddu na. Ta n&#225;nn&#225;mmu&#225;d da ta mepattolay l&#226; paga y&#249; ira ngaw naggak&#225; nira, di Abrakam k&#225;ri Isak k&#226; Akup, m&#225;ssiki nu natay y&#249; baggi ra ngaw nga nabay&#225;gin lage na nakkagi ni Namar&#242; ta aggina y&#249; pakimoray&#225;d da.</div><div class="s">Y&#249; Kapolu&#225;n nay&#249; ira Tadd&#225;n ni Namar&#242; nga M&#225;w&#225;k na Tolay nga Tupp&#225;lan</div><div class="r"> Markus 12:28-34; Lukas 10:25-28</div><div class="p"> 34&#193; pakaginn&#225; nay&#249; ira Parisio ta ari nakatabb&#225;k y&#249; ira Sadusio k&#226; Apu Kesu, naggagammung ira, &#225; jiminikk&#236; ira kuna. 35&#193; ajjan nira y&#249; abug&#225;du nga mak&#225;wayy&#225; ta meyannung s&#249; tunung nay&#249; rilisiod da. Nagiyabb&#251; k&#226; Apu Kesu, ta parub&#225;n na tukub&#225;n, &#225; kinagi na, 36&#8220;Mesturu, anni y&#249; kapolu&#225;n nay&#249; ira ng&#225;min nga tadd&#225;n ni Namar&#242; nga m&#225;w&#225;k na tolay nga tupp&#225;lan?&#8221; kun na. 37&#193; kinagi ni Apu Kesu kuna, &#8220; &#8216;Iddi-iddukam mu y&#249; Y&#225;pum nga namar&#242; nikaw megapu s&#249; ng&#225;min nga ay&#226; nay&#249; putum, megapu s&#249; ng&#225;min nga urem, &#225;nna megapu s&#249; ng&#225;min nga non&#242; mu.&#8217;#22:37 Deuteronomio 6:5 38Yane y&#249; napolu nga tunung nga m&#225;w&#225;k na tolay nga tupp&#225;lan. 39&#193; negitt&#225; s&#249; kapolu&#225;n y&#249; mekaru&#225; nga tunung ni Namar&#242;, nga kunniaw: &#8216;Iddi-iddukam mu y&#249; ira ik&#225;ttolem gapay nga kunnay s&#249; pangidd&#249; mu s&#249; baggim.&#8217;#22:39 Libitiko 19:18 40&#193; yawe ira du&#225; nga tunung ni Namar&#242; y&#249; nabbatay&#225;n nay&#249; ira ng&#225;min nga tunung nga inikatal&#224; ni Namar&#242; k&#226; Moyses &#225;nna y&#249; ng&#225;min nga inituddu nay&#249; ira &#225;bbilin&#225;n ni Namar&#242; &#225;dd&#232; ngaw.&#8221;</div><div class="s">Y&#249; &#193;ngngiyabb&#251; nay&#249; Tolay nga Meyannung s&#249; Mangiy&#237;g&#249; nga Mangng&#225;gan ta Kiristu</div><div class="r"> Markus 12:35-37; Lukas 20:41-44</div><div class="p"> 41&#193; gapu ta ajjanin y&#249; ira Parisio nga naggagammung, &#225; lage ra n&#225;naw, nagiyabb&#251; si Apu Kesu nira, nga kun na, 42&#8220;Anni laguk y&#249; kagian naw nga meyannung s&#249; Mangiy&#237;g&#249; nga mangng&#225;gan ta Kiristu, nga umay mammaguray? Asinni y&#249; naggak&#225; kuna?&#8221; kun na. &#193; simibb&#225;k ira, &#225; kinagi ra, &#8220;Aggina y&#249; ginak&#225; nay&#249; ngaw Patul Dabid,&#8221; kud da. 43&#193; iniyabb&#251; na laguk ni Apu Kesu nira, &#8220;&#193; nu kuruk nga ginak&#225; nay&#249; ngaw Patul Dabid, ngatt&#225; laguk ta kinagi ni Patul Dabid ta aggina y&#249; Y&#225;pu na? Ta y&#225;y&#249; inipeyubobuk na ngaw nay&#249; Ikararu&#225; ni Namar&#242; k&#226; Dabid, nga kunniaw:</div><div class="q1"> 44&#8216;Si Apu Namar&#242;, kinagi na s&#249; Y&#225;p&#249;: E ka b&#236; magitubang ta jiwan&#225;k ku,</div><div class="q2">s&#249; &#225;ggitubang&#225;n nay&#249; mepar&#225;yaw, &#225;dd&#232; ta ar&#225;k ku app&#250;tan y&#249; ira malussaw nikaw.&#8217;#22:44 Salmo 110:1</div><div class="m"> 45&#193; gapu ta pakkagi ni Dabid ta aggina y&#249; Y&#225;pu na, ngatt&#225; laguk ta kagian naw ta ginak&#225; na gal&#226; ni Dabid?&#8221; kun ni Apu Kesu nira. 46&#193; aw&#225;n bulubug&#225; ta makatabb&#225;k k&#226; Apu Kesu. &#193; y&#225;y&#249; nga namegapu t&#225;n nga &#225;ggaw, aw&#225;n bulubug&#225; ta makeyangng&#224; nga magiyabb&#251; kuna.</div>
 </div>
 </div>
</div>

Á nagángngarigán paga si Apu Kesu. Á kinagi na, “Á kunniaw yù keyarigán nayù ángngisipà ni Namarò ta tatolay sù pammagure na. Ajjan yù patul nga namarán ta bodá nayù anâ na nga laláki. Á kabalid da namarán, jinok nayù patul yù ira aripan na nga umay magágál sù ira tatolay nga inapà na. Ngam nanakì yù ira inapà na nga umay makibodá. Á yáyù nga jinok na laguk nayù patul yù ira tanakuán nga aripan na. Á kinagi na nira, ‘Kagian naw bì sù ira inapà ku ta umay lâ ira nga umay, ta dán nga naparán yù ipabbodá mi. Napártingin yù ira báka ánna yù ira matabá nga kígaw, á naparánin ngámin yù máwák tam,’ kun na. Ngam pinaguráyád da yù pangágál nayù patul nira, á inupù da yù akka-akkuád da. Ajjan yù ira nga minay ta ákkomanád da ánna yù ira minay nalláku. Á yù ira káruán, ginápù da yù ira káruán nga aripan nayù patul, á inipasapasiránád da ira, ánna pinapáte ra yù ira káruán.
“Á pakarámak nayù patul karannian, nepallà yù pore na, á jinok na yù ira suddálu na, ta ed da papatáyan yù ira namapátay. Á sinuggi ra yù ili ra. Á kinagi na laguk nayù patul sù ira aripan na, ‘Dán nga naparánin ngámin yù ipabbodâ, ngam ari mepángngà yù ira olu nga inagálák ku. E kayu ta dápun, á apatan naw nga umay makibodá yù ira ngámin nga masingan naw,’ kun na. Á minay laguk yù ira aripan nayù patul, á inagálád da ngámin yù ira narángnganád da ta dálan, nga tatolay nga napiá onu narákè. Á yáyù nga napannu yù bale nayù patul sù ira makibodá.
“Á minay laguk yù patul nga nakiubobuk sù ira álliuk na, á nasingan na yù tádday nga ari nappabbisti ta ákkibodá. Á iniyabbû nayù patul kuna, ‘Kopuk ku, ngattá, ta simillung ka saw nga ari nappabbisti ta ákkibodá?’ kun nayù patul. Á ari nakatabbák yù tolay. Á kinagi na laguk nayù patul sù ira masserbi kuna, ‘Gaputan naw ta baluran naw, á ilappák naw ta lawán sù kakallatán, nga gián nayù ira gikulukuletán, nga mangngarangngaringngì megapu sù jigâ da.’ ” Á kinagi na laguk ni Apu Kesu, “Aru yù ira nga agálán ni Namarò nga tumuttul kuna, ngam baddì lâ yù ira napíli na nga mesipà kuna.”


Á ta kabalin na yaw, nánaw laguk yù ira Parisio tán, á minay ira nakkaká-ubu-ubobuk nu kunnasi yù ánnukuk da kâ Apu Kesu ta meyannung sù ubobuk na. Á yáyù nga jinok da laguk kâ Apu Kesu yù ira kábulud da nga Parisio, nga nepappupúlù sù ira kábulun ni Patul Erodo. Á labbè da sù gián ni Apu Kesu, kinagi ra kuna, “Apu, ammu mi nga awán ta ángngilogò mu ánna kuruk yù ituddum nga bilin ni Namarò nga ipakuá na ta tatolay. Á awán ta irumurumám nga tatolay, gapu ta awán ta ikaburung mu nu anni yù kagiad da, mássiki nu makáwayyá ira. Kagiam mu bì laguk yù nonò mu nga meyannung karanniaw. Arán na panò ipugik nayù tunung tam yù pappagá tam ta buwì kâ Sisar, nga patul nga mammaguray ta Roma?” kud da. Ngam natagenà ni Apu Kesu yù narákè nga nonò da. Á yáyù nga kinagi na nira, “Sikayu, nga agippípiá! Ngattá, ta paraparubán nawà nga tukubán? Ipasingan naw bì nikán yù kuártu nga ipappagá naw ta buwì,” kun na. Á iniyawâ da kuna yù pirâ. Á iniyabbû ni Apu Kesu nira, “Asinni yù maká-alinu ánna makángngágan nga nemárká sawe pirâ?” kun na. “Si Patul Sisar,” kud da. Á kun na laguk ni Apu Kesu, “Á kukuá ni Patul Sisar laguk yù pirâ nga namárkán ta kágappà nayù mammang na ánna yù ngágan na. Á yáyù nga pagán naw yù buwì nga meyannung sù pakáwayyá na. Á tuppálan naw gapay yù ipakuá ni Namarò nikayu, nga meyannung sù pakáwayyá na gapay,” kun ni Apu Kesu. Á pakaginná nayù ira kábulun ni Patul Erodo ánna yù ira Parisio sù kinagi ni Apu Kesu, nepallà yù kapállâ da sù kasírik nayù itabbák na. Á nánawád da.


Á tán nga ággaw galâ, minay gapay yù ira káruán nga Sadusio. Aggira yù makkagi ta ari maginnanolay yù ira námmatay. Á jiminikkì ira nga nagiyabbû kâ Apu Kesu. Á kinagi ra, “Mesturu, ajjan yù netúrâ nga inituddu na ngaw ni Moyses. ‘Nu matay yù laláki nga natayán na yù atáwa na nga awán ta anâ da, máwák nayù wagi nayù natay nga atawán na yù bálu, tapè maganâ ira, á mebiláng yù anâ da ta anâ nayù wagi na nga natay.’ Á gári, ajjan sawe giám mi yù ira pitu nga mawwawági nga lálláki. Á nangatáwa yù kaká, á natay nga awán ta anâ na. Á yáyù nga inatáwa nayù urián na yù bálu, nga asípák na. Á natay laguk yù mekaruá nga laláki gapay nga awán ta anâ na. Á kunnian gapay yù nesimmu sù mekatallu nga laláki ánna yù ira dumaddáddán nga wáwwagi na áddè sù mekapitu. Aggira ngámin, nattutubbátád da nga inatáwa yù babay nga bálu nayù kaká ra, á natay ngámin yù ira mawwawági nga awán ta anâ da. Á naporián nga natay gapay yù babay. Á yawe bì yù iyabbû mi nikaw. Noka nu duttál yù ággaw na paginnanolay nayù ira námmatay, asinni laguk sù ira ngaw pitu nga lálláki yù atáwa nayù babay? Nepatalugáring ta inatáwa ra ngámin nga pitu,” kud da.
Á simibbák si Apu Kesu nira, á kinagi na, “Nakaliwâ kayu ta pannononò naw, gapu ta arán naw garè mánnámmuán yù dán nga netúrâ nga Ubobuk ni Namarò, ánna arán naw gapay mánnámmuán yù pakáwayyá ni Namarò. Sangaw nu maginnanolay yù ira námmatay, mapataliánin yù ággián na tatolay, á kunnay ira sù ira daroban ni Namarò ta lángì, nga ari makiatáwa ánna mangatáwa. Á ta meyannung sù paginnanolay nayù ira námmatay, arán naw paga panò nabibbik yù kinagi ni Namarò nikayu? Netúrâ yaw nga kinagi na, ‘Sikán si Namarò, nga pakimorayád di Abrakam kári Isak kâ Akup,’ kun ni Namarò. Á si Namarò, ari gemma yù pakimorayán nayù ira námmatay, nu ari galâ yù pakimorayán nayù ira matolay,” kun ni Apu Kesu nira. Á ta pakaginná nayù ira magaru nga tatolay karannian nga kinagi ni Apu Kesu, napállâ ira sù pangituddu na. Ta nánnámmuád da ta mepattolay lâ paga yù ira ngaw naggaká nira, di Abrakam kári Isak kâ Akup, mássiki nu natay yù baggi ra ngaw nga nabayágin lage na nakkagi ni Namarò ta aggina yù pakimorayád da.


Á pakaginná nayù ira Parisio ta ari nakatabbák yù ira Sadusio kâ Apu Kesu, naggagammung ira, á jiminikkì ira kuna. Á ajjan nira yù abugádu nga makáwayyá ta meyannung sù tunung nayù rilisiod da. Nagiyabbû kâ Apu Kesu, ta parubán na tukubán, á kinagi na, “Mesturu, anni yù kapoluán nayù ira ngámin nga taddán ni Namarò nga máwák na tolay nga tuppálan?” kun na. Á kinagi ni Apu Kesu kuna, “ ‘Iddi-iddukam mu yù Yápum nga namarò nikaw megapu sù ngámin nga ayâ nayù putum, megapu sù ngámin nga urem, ánna megapu sù ngámin nga nonò mu.’ Yane yù napolu nga tunung nga máwák na tolay nga tuppálan. Á negittá sù kapoluán yù mekaruá nga tunung ni Namarò, nga kunniaw: ‘Iddi-iddukam mu yù ira ikáttolem gapay nga kunnay sù pangiddù mu sù baggim.’ Á yawe ira duá nga tunung ni Namarò yù nabbatayán nayù ira ngámin nga tunung nga inikatalà ni Namarò kâ Moyses ánna yù ngámin nga inituddu nayù ira ábbilinán ni Namarò áddè ngaw.”


Á gapu ta ajjanin yù ira Parisio nga naggagammung, á lage ra nánaw, nagiyabbû si Apu Kesu nira, nga kun na, “Anni laguk yù kagian naw nga meyannung sù Mangiyígù nga mangngágan ta Kiristu, nga umay mammaguray? Asinni yù naggaká kuna?” kun na. Á simibbák ira, á kinagi ra, “Aggina yù ginaká nayù ngaw Patul Dabid,” kud da. Á iniyabbû na laguk ni Apu Kesu nira, “Á nu kuruk nga ginaká nayù ngaw Patul Dabid, ngattá laguk ta kinagi ni Patul Dabid ta aggina yù Yápu na? Ta yáyù inipeyubobuk na ngaw nayù Ikararuá ni Namarò kâ Dabid, nga kunniaw:
‘Si Apu Namarò, kinagi na sù Yápù: E ka bì magitubang ta jiwanák ku,
sù ággitubangán nayù meparáyaw, áddè ta arák ku appútan yù ira malussaw nikaw.’
Á gapu ta pakkagi ni Dabid ta aggina yù Yápu na, ngattá laguk ta kagian naw ta ginaká na galâ ni Dabid?” kun ni Apu Kesu nira. Á awán bulubugá ta makatabbák kâ Apu Kesu. Á yáyù nga namegapu tán nga ággaw, awán bulubugá ta makeyangngà nga magiyabbû kuna.

සවන් දෙන්න Mattiu 22