<div class="version vid1127 iso6393rar" data-vid="1127" data-iso6393="rar">
   <div class="book bkMAT">
      <div class="chapter chINTRO1" data-usfm="MAT.INTRO1">
         <div class="imt"><span class="content">N&#333; runga i t&#275;ia puka</span></div><div class="ip"><span class="content">Ko ng&#257; tumu manako mama'ata t&#275;ia i roto i t&#275;ia puka nei: te ako'anga i runga i te maunga (5.1&#8212;7.28), te pure a te 'Atu (6.9-13), &#275; te ture meitaki rava (7.12): &#8220;&#274; te au mea katoa t&#257; k&#333;tou e 'inangaro i te tangata kia rave ki&#160;a k&#333;tou, ka 'akap&#275;r&#257; katoa atu k&#333;tou ki&#160;a r&#257;tou.&#8221; Ko te puka rongonui roa atu pa'a t&#275;ia &#275; te t&#257;'iku putuputu'ia i roto i te au puka k&#257;toatoa tei t&#257;t&#257;'ia n&#333; runga i&#160;a I&#275;s&#363;. Ko t&#275;ta'i tumu 'oki ia i tukuna'ia&#8239;ai a&#160;M&#257;taio n&#257; mua i ng&#257; puka e&#160;'&#257; tei t&#257;t&#257;'ia n&#333; I&#275;s&#363; tei karanga'ia &#275;, ko te au '&#275;vangelia.</span></div><div class="ip"><span class="content">Ko t&#275;ta'i manako pu'apinga rava atu tei kitea'ia mai i roto i t&#275;ia puka nei, koia 'oki, te anoano o te Atua i te 'iti tangata kia kauraro atu r&#257;tou i&#160;aia, &#275; ko te '&#257;ite'anga t&#275;ia o te kupu Eleni e puta mai ana i roto i te au 'akataka'anga tuatua 'e m&#257;nganui &#275;, 'e tuatua&#8239;tika. Mei te 'itu taime i te t&#257;'iku'anga'ia e M&#257;taio, 'okota'i r&#257;i taime o Luka, &#275;&#160;k&#257;re rava a&#160;M&#257;reko i t&#257;'iku ana. &#274; n&#333; reira, 'e mea pu'apinga ma'ata t&#275;ia t&#257; M&#257;taio e 'inangaro&#160;ra i t&#333;na aronga tatau kia m&#257;rama r&#257;tou n&#333; runga i te '&#257;pi'i'anga a&#160;I&#275;s&#363;. Kua tuatua i mua atu ana a&#160;I&#275;s&#363; i t&#275;ia kupu nei, i k&#333; r&#257;i i t&#333;na b&#257;pet&#299;to'anga, i t&#333;na karanga'anga atu ki&#160;a Ioane B&#257;pet&#299;to &#275;, &#8220;'E mea tau 'oki kia p&#275;r&#257; t&#257;ua kia tupu te au tuatua&#8239;tika k&#257;toatoa&#8221; (3.15). &#274;, i roto i t&#257;na ako'anga i runga i te maunga, kua tuatua 'aka'ou aia mei te rima taime n&#333; t&#257; te 'iti tangata o te Atua kia rave n&#333; te kauraro atu i&#160;aia (5.6,10, 20; 6.1,33). &#274; te t&#257;'openga, kua 'akama'ara atu aia i te kau ta'unga nunui &#275; te au arataki o te 'iti tangata &#275;, &#8220;I 'aere mai 'oki a&#160;Ioane ki&#160;a k&#333;tou nei ma te tuatua&#8239;tika, &#275;&#160;k&#257;re ake nei k&#333;tou i 'irinaki atu i&#160;aia.&#8221; (21.32).</span></div><div class="ip"><span class="content">Kua 'inangaro 'oki a&#160;M&#257;taio i te '&#333;ronga atu ki te 'iti tangata o t&#333;na tu&#257;tau i t&#275;ta'i 'akapapa'anga n&#333; te karere &#275; te 'anga'anga '&#275;vangelia a&#160;I&#275;s&#363;. T&#275; m&#257;ramarama 'ua&#160;ra &#275;, 'e pu'apinga ma'ata t&#333; tei t&#257;t&#257;'ia&#160;ra i roto i te k&#333;reromotu ta'ito ki t&#275;ia 'iti tangata. &#274; k&#257;re rava a&#160;M&#257;taio e kore ana i te 'aka&#257;ri mai, m&#275; t&#257;'iku anake te tuatua ki te 'aere'anga mai o I&#275;s&#363; &#275;, ko&#160;ia te Mesia tei tonokia mai mei k&#333; mai i te Atua. Kua t&#257;t&#257; 'oki a&#160;M&#257;taio i t&#275;ia puka nei kia p&#257;p&#363; meitaki &#275; kia kite te au Keretiti&#257;no &#275;, ko t&#333; r&#257;tou 'irinaki'anga i&#160;a I&#275;s&#363; &#275;, ko&#160;ia te Mesia kua 'akatumu'ia te&#160;reira i roto i te k&#333;reromotu ta'ito i t&#257;t&#257;'ia&#160;ra kia tauturu'ia t&#333; r&#257;tou 'irinaki'anga kia tupu&#160;'ua&#8239;atu r&#257;i.</span></div><div class="ip"><span class="content">Kua 'akaoti a&#160;M&#257;taio i t&#257;na tua ki te tuatua p&#333;rokiroki a&#160;I&#275;s&#363; ki t&#257;na au pipi, tei 'akakite ki&#160;a r&#257;tou &#275;, 'e a'a t&#257; r&#257;tou ka rave i muri ake i t&#333;na 'akaruke'anga mai i&#160;a r&#257;tou:</span></div><div class="ip"><span class="content">&#8220;Kua tuku'ia mai ki&#160;&#257;ku te mana katoa o t&#333; te rangi &#275; t&#333; te 'enua nei. N&#333; reira, e 'aere k&#333;tou e 'akariro i te au 'iti tangata rava r&#257;i 'ei pipi n&#257;ku, i te b&#257;pet&#299;to'anga i&#160;a r&#257;tou i te ingoa o te Metua, &#275; n&#333; te Tamaiti, &#275; n&#333; te Vaerua Tapu; &#275; i te '&#257;pi'i'anga atu i&#160;a r&#257;tou kia '&#257;kono r&#257;tou i te au mea k&#257;toatoa t&#257;ku i 'akaue atu ki&#160;a k&#333;tou. &#274;&#160;in&#257;, tei&#160;a k&#333;tou nei au i te au r&#257; katoa e&#160;tae&#160;'ua&#8239;atu ki te 'openga o t&#275;ianei ao.&#8221; (28.18-20).</span></div><div class="iot"><span class="content">Te 'akano'ono'o'anga o t&#275;ia puka</span></div><div class="io1"><span class="content">1. Te 'ui tupuna &#275; te '&#257;nau'anga o I&#275;s&#363; 1.1&#8212;2.23</span></div><div class="io1"><span class="content">2. Te karere a&#160;Ioane B&#257;pet&#299;to 3.1-12</span></div><div class="io1"><span class="content">3. Te b&#257;pet&#299;to'anga'ia &#275; te t&#299;mata'anga'ia a&#160;I&#275;s&#363; 3.13&#8212;4.11</span></div><div class="io1"><span class="content">4. Ko I&#275;s&#363; i Galilea 4.12&#8212;18.35</span></div><div class="io1"><span class="content">5. T&#275; 'aere nei a&#160;I&#275;s&#363; mei Galilea atu ki I&#275;r&#363;sal&#275;ma 19.1&#8212;20.34</span></div><div class="io1"><span class="content">6. T&#333; I&#275;s&#363; 'akav&#257;'anga'ia &#275; t&#333;na mate'anga 21.1&#8212;27.66</span></div><div class="io1"><span class="content">7. T&#275; ora nei r&#257;i a&#160;I&#275;s&#363; 28.1-20</span></div>
      </div>
   </div>
</div>

Cook Island Maori Revised New Testament © Bible Society of the South Pacific, 2021.

Nō runga i tēia puka
Ko ngā tumu manako mama'ata tēia i roto i tēia puka nei: te ako'anga i runga i te maunga (5.1—7.28), te pure a te 'Atu (6.9-13), ē te ture meitaki rava (7.12): “Ē te au mea katoa tā kōtou e 'inangaro i te tangata kia rave ki a kōtou, ka 'akapērā katoa atu kōtou ki a rātou.” Ko te puka rongonui roa atu pa'a tēia ē te tā'iku putuputu'ia i roto i te au puka kātoatoa tei tātā'ia nō runga i a Iēsū. Ko tēta'i tumu 'oki ia i tukuna'ia ai a Mātaio nā mua i ngā puka e 'ā tei tātā'ia nō Iēsū tei karanga'ia ē, ko te au 'ēvangelia.
Ko tēta'i manako pu'apinga rava atu tei kitea'ia mai i roto i tēia puka nei, koia 'oki, te anoano o te Atua i te 'iti tangata kia kauraro atu rātou i aia, ē ko te 'āite'anga tēia o te kupu Eleni e puta mai ana i roto i te au 'akataka'anga tuatua 'e mānganui ē, 'e tuatua tika. Mei te 'itu taime i te tā'iku'anga'ia e Mātaio, 'okota'i rāi taime o Luka, ē kāre rava a Māreko i tā'iku ana. Ē nō reira, 'e mea pu'apinga ma'ata tēia tā Mātaio e 'inangaro ra i tōna aronga tatau kia mārama rātou nō runga i te 'āpi'i'anga a Iēsū. Kua tuatua i mua atu ana a Iēsū i tēia kupu nei, i kō rāi i tōna bāpetīto'anga, i tōna karanga'anga atu ki a Ioane Bāpetīto ē, “'E mea tau 'oki kia pērā tāua kia tupu te au tuatua tika kātoatoa” (3.15). Ē, i roto i tāna ako'anga i runga i te maunga, kua tuatua 'aka'ou aia mei te rima taime nō tā te 'iti tangata o te Atua kia rave nō te kauraro atu i aia (5.6,10, 20; 6.1,33). Ē te tā'openga, kua 'akama'ara atu aia i te kau ta'unga nunui ē te au arataki o te 'iti tangata ē, “I 'aere mai 'oki a Ioane ki a kōtou nei ma te tuatua tika, ē kāre ake nei kōtou i 'irinaki atu i aia.” (21.32).
Kua 'inangaro 'oki a Mātaio i te 'ōronga atu ki te 'iti tangata o tōna tuātau i tēta'i 'akapapa'anga nō te karere ē te 'anga'anga 'ēvangelia a Iēsū. Tē māramarama 'ua ra ē, 'e pu'apinga ma'ata tō tei tātā'ia ra i roto i te kōreromotu ta'ito ki tēia 'iti tangata. Ē kāre rava a Mātaio e kore ana i te 'akaāri mai, mē tā'iku anake te tuatua ki te 'aere'anga mai o Iēsū ē, ko ia te Mesia tei tonokia mai mei kō mai i te Atua. Kua tātā 'oki a Mātaio i tēia puka nei kia pāpū meitaki ē kia kite te au Keretitiāno ē, ko tō rātou 'irinaki'anga i a Iēsū ē, ko ia te Mesia kua 'akatumu'ia te reira i roto i te kōreromotu ta'ito i tātā'ia ra kia tauturu'ia tō rātou 'irinaki'anga kia tupu 'ua atu rāi.
Kua 'akaoti a Mātaio i tāna tua ki te tuatua pōrokiroki a Iēsū ki tāna au pipi, tei 'akakite ki a rātou ē, 'e a'a tā rātou ka rave i muri ake i tōna 'akaruke'anga mai i a rātou:
“Kua tuku'ia mai ki āku te mana katoa o tō te rangi ē tō te 'enua nei. Nō reira, e 'aere kōtou e 'akariro i te au 'iti tangata rava rāi 'ei pipi nāku, i te bāpetīto'anga i a rātou i te ingoa o te Metua, ē nō te Tamaiti, ē nō te Vaerua Tapu; ē i te 'āpi'i'anga atu i a rātou kia 'ākono rātou i te au mea kātoatoa tāku i 'akaue atu ki a kōtou. Ē inā, tei a kōtou nei au i te au rā katoa e tae 'ua atu ki te 'openga o tēianei ao.” (28.18-20).
Te 'akano'ono'o'anga o tēia puka
1. Te 'ui tupuna ē te 'ānau'anga o Iēsū 1.1—2.23
2. Te karere a Ioane Bāpetīto 3.1-12
3. Te bāpetīto'anga'ia ē te tīmata'anga'ia a Iēsū 3.13—4.11
4. Ko Iēsū i Galilea 4.12—18.35
5. Tē 'aere nei a Iēsū mei Galilea atu ki Iērūsalēma 19.1—20.34
6. Tō Iēsū 'akavā'anga'ia ē tōna mate'anga 21.1—27.66
7. Tē ora nei rāi a Iēsū 28.1-20

සවන් දෙන්න Mātaio Nō runga i tēia puka