Lagano da Sambi kwa Wanhu Wose

<div class="version vid1125 iso6393cwe" data-vid="1125" data-iso6393="cwe">
 <div class="book bkJHN">
 <div class="chapter ch4" data-usfm="JHN.4">
 <div class="label">4</div><div class="s">Yesu na mwanamke Msamaliya</div><div class="p"> 1Kwa ivo Mndewa viyahulike Mafalisayo wahulika kuwa Yesu kopata wanahina wengi na kubatiza kumfosa Yohana. 2Hata ivo Yesu mwenyewo habatize wanhu bule mbali wanahina wake muhala. 3Yesu viyahulike ivo, kasegela Yudeya na kabwela kaidi Galilaya. 4Muna umwanza wake kalondeka yafosele Samaliya.</div><div class="p"> 5Kafika muna dibululu da Samaliya, hanhu hatangigwe Sikali, habehi na mgunda wa Yakobo uyamwing'hile Yosefu mwanage. 6Hanhu haja hakala na chisima cha Yakobo. Ivo Yesu kakala hasi habehi na chisima icho kwaviya kakala kalegela kwa umwanza. Lusita uwo ikala saa sita imisi.</div><div class="p"> 7Mwanamke imwe wa Chisamaliya keza kudeha mazi. Yesu kamulongela, &#8220;Uning'he mazi ning'we!&#8221; 8Wanahina wake wakala wahita kudibululu kugula ndiya.</div><div class="p"> 9Mwanamke ija kamwidika, &#8220;Weye kwa Muyahudi na niye na Msamaliya. Vilihi konipula mazi ya kung'wa?&#8221; Kwaviya Wayahudi hawaihanganya hamwe bule na Wasamaliya.</div><div class="p"> 10Yesu kamwidika, &#8220;One uvimanyile chinhu choyolava Mulungu, na one iviya uvimanyile yelihi yokupula mazi ya kung'wa, uhampulile yeye, nayo yahakwing'hile mazi ya Ugima.&#8221;</div><div class="p"> 11Mwanamke ija kalonga, &#8220;Mwenevale, weye kwabule doo da kudehela, na chisima chingila. Lelo kulihi kondaupate mazi ya Ugima? 12Vino weye kwa mkulu kufosa tati yetu Yakobo? Yeye mwenyewo na wanage hamwe na wanyama wake wang'wa mazi ya chisima chino!&#8221;</div><div class="p"> 13Yesu kamwidika, &#8220;Munhu yoyose yong'wa mazi yano kezawona ng'hilu kaidi. 14Mbali munhu yoyose yonda yang'we mazi yonimwing'ha niye, hezawona ng'hilu kaidi bule. Kwaviya mazi yonimwing'ha niye yezakuwa nzasa yoilava mazi ya Ugima mgati mmwake, na yezamwing'ha ugima wa siku zose.&#8221;</div><div class="p"> 15Mwanamke ija kamulongela, &#8220;Mwenevale, ning'he mazi yayo muladi sekeniwone ng'hilu na wala sekenize hano kudeha mazi.&#8221;</div><div class="p"> 16Yesu kamulongela, &#8220;Hita kamtange mulumako wize nayo hano.&#8221;</div><div class="p"> 17Mwanamke ija kamwidika, &#8220;Nabule mulume.&#8221;</div><div class="p">Yesu kamulongela, &#8220;Kulonga goya viulongile kwabule mulume. 18Kwaviya kusoligwa na walume watano, na mulume yuuli nayo sambi si mulumako bule. Kunilongela kweli.&#8221;</div><div class="p"> 19Mwanamke ija kamulongela, &#8220;Mwenevale, nowona weye kwa mulotezi wa Mulungu. 20Wasaho zetu wamtosela Mulungu muna ulugongo luno, mbali mweye Wayahudi mwolonga chilondeka kumtosela Mulungu uko Yelusalemu.&#8221;</div><div class="p"> 21Yesu kamulongela, &#8220;Mama nitogole, lusita lwokwiza wanhu hawezamtosela Tata muna ulugongo luno wala uko Yelusalemu. 22Mweye Wasamaliya mwotosela chiya hamchimanyile, mbali cheye Wayahudi chomtosela Mulungu yochimmanyile, na kwa cheye Wayahudi, Mulungu kawakombola wanhu wose muna iisi. 23Mbali chipindi chokwiza, na sambi chifika wanhu wowotosa muna ikweli wezamtosela Tata muna Umuhe na kweli, kwaviya wanhu wawo niiyo wawo Tata yoowazahila. 24Mulungu ni Muhe, wanhu wake wowomtosela wolondeka kumtosela kwa Muhe na kweli.&#8221;</div><div class="p"> 25Mwanamke ija kamulongela, &#8220;Novimanya Chilisito Mulopozi kokwiza, na vondayeze kezachilongela chila chinhu.&#8221;</div><div class="p"> 26Yesu kamulongela, &#8220;Niye yonilonga na weye niiyo.&#8221;</div><div class="p"> 27Wanahina wake wabwela na wazanywa ng'hani kumfika Yesu kolonga na mwanamke. Mbali habule munhu yamuuzile kuwa mwanamke ija kolonda choni, hebu kumuuza Yesu habali kolonga na mwanamke.</div><div class="p"> 28Maabaho mwanamke kaileka nongo yake ya mazi, kabwela kudibululu, kawalongela wanhu, 29&#8220;Izoni mumuwone munhu yoyanilongele vinhu vose vinitendile. Vino ino kodaha kuwa Chilisito?&#8221; 30Ivo wanhu walawa kudibululu, wamuhitila Yesu.</div><div class="p"> 31Lusita luja luja wanahina wake wamulamba Yesu, &#8220;Mfundiza, teng'hu diya!&#8221;</div><div class="p"> 32Mbali Yesu kawedika, &#8220;Niye ninayo ndiya yohamuimanyile bule.&#8221;</div><div class="p"> 33Maabaho wanahina wake wandusa kwiiuzagiza wenyewo, &#8220;Vino kuna munhu wowose yoyamgalile ndiya?&#8221;</div><div class="p"> 34Yesu kawalongela, &#8220;Ndiya yangu iyo ino, kutenda viyolonda Mulungu na kukomeleza sang'hano yake yoyaning'hile kuitenda. 35Vino mweye hamulonga, &#8216;Ing'hali miyezi mine mbaka chipindi cha kugobola chifike?&#8217; Nowalongela, inuleni yameso yenu mulole migunda! Ndiya zikangala na zolondeka kugoboligwa. 36Munhu yogobola ndiya kumgunda kezalihigwa, na kokwika hamwe ndiya kwa ugima wa siku zose. Maabaho munhu yohanda na munhu yogobola wezadeng'helela hamwe. 37Ivo ulonzi ulonga kweli, &#8216;Imwe kohanda mbeyu, na imwenga kogobola ndiya.&#8217; 38Nimtumani kugobola ndiya hamuzihandile bule. Wanhu wamwenga wasang'hana, na mweye momweda kwa sang'hano yawo.&#8221;</div><div class="p"> 39Wasamaliya wengi wa dibululu diya wamuhuwila Yesu kwaviya mwanamke ija kalonga, &#8220;Kanilongela vinhu vose vonitendile.&#8221; 40Ivo Wasamaliya viwamuhitile Yesu wamulamba yakale nawo, Yesu kakala nawo siku mbili.</div><div class="p"> 41Wanhu wengi wamuhuwila Yesu kwa ichimu cha mbuli yake. 42Wamulongela mwanamke ija, &#8220;Sambi chohuwila, si kwa chila chiulongile weye. Cheye wenyewo chimtegeleza, na chovimanya munhu ino kweli ni Mulopozi wa isi.&#8221;</div><div class="s">Yesu komuhonya mwana wa mkulu</div><div class="p"> 43Vizifosile siku mbili, Yesu kahita Galilaya. 44Kwaviya Yesu mwenyewo kalonga mulotezi wa Mulungu hatogoligwa bule muna iisi yake. 45Wanhu wa Galilaya wakala wahita mudidugila da Pasaka uko Yelusalemu, na wawona yose yatendigwe na Yesu muna didugila ijo. Ivo Yesu viyafikile Galilaya, wanhu wa Galilaya wamuhokela.</div><div class="p"> 46Maabaho Yesu kahita kaidi Kana muna isi ya Galilaya, hanhu hayagaluse mazi kuwa divai. Baho hakala mkulu imwe yeli na mwana mtamu uko Kapelinaumu. 47Mkulu iyo viyahulike Yesu kafika muna iisi ya Galilaya kulawa Yudeya, kamulamba Yesu yahite Kapelinaumu yakamuhonye mwanage yoyakalile habehi kudanganika. 48Yesu kamulongela, &#8220;Kumwenu habule munhu yoyodaha kutogola mbaka yawone vilaguso na mauzauza.&#8221;</div><div class="p"> 49Mkulu ija kamwidika, &#8220;Mwenevale, chihite sambi mwanangu yang'hali hanadanganika.&#8221;</div><div class="p"> 50Yesu kamulongela, &#8220;Hita, mwanago kezahona.&#8221;</div><div class="p">Mkulu ija kahuwila mbuli za Yesu, ivo kahita. 51Viyakalile mwiinzila, kaiting'hana na watumwa wake, wamulongela, &#8220;Mwanago kahona!&#8221;</div><div class="p"> 52Nayo kawauza lusita luyahonile mwanage, watumigwa wamwidika, &#8220;Utamu umulawa igolo ifosile saa saba imisi.&#8221; 53Maabaho tata iyo kakumbuka lukala lusita luja luja Yesu viyamulongele, &#8220;Mwanago kezahona.&#8221; Ivo yeye hamwe na kaye yake yose wamuhuwila Yesu.</div><div class="p"> 54Chino chikala chilaguso cha mauzauza chekaidi chiyatendile Yesu viyalawile Yudeya kuhita Galilaya.</div>
 </div>
 </div>
</div>

Kwa ivo Mndewa viyahulike Mafalisayo wahulika kuwa Yesu kopata wanahina wengi na kubatiza kumfosa Yohana. Hata ivo Yesu mwenyewo habatize wanhu bule mbali wanahina wake muhala. Yesu viyahulike ivo, kasegela Yudeya na kabwela kaidi Galilaya. Muna umwanza wake kalondeka yafosele Samaliya.
Kafika muna dibululu da Samaliya, hanhu hatangigwe Sikali, habehi na mgunda wa Yakobo uyamwing'hile Yosefu mwanage. Hanhu haja hakala na chisima cha Yakobo. Ivo Yesu kakala hasi habehi na chisima icho kwaviya kakala kalegela kwa umwanza. Lusita uwo ikala saa sita imisi.
Mwanamke imwe wa Chisamaliya keza kudeha mazi. Yesu kamulongela, “Uning'he mazi ning'we!” Wanahina wake wakala wahita kudibululu kugula ndiya.
Mwanamke ija kamwidika, “Weye kwa Muyahudi na niye na Msamaliya. Vilihi konipula mazi ya kung'wa?” Kwaviya Wayahudi hawaihanganya hamwe bule na Wasamaliya.
Yesu kamwidika, “One uvimanyile chinhu choyolava Mulungu, na one iviya uvimanyile yelihi yokupula mazi ya kung'wa, uhampulile yeye, nayo yahakwing'hile mazi ya Ugima.”
Mwanamke ija kalonga, “Mwenevale, weye kwabule doo da kudehela, na chisima chingila. Lelo kulihi kondaupate mazi ya Ugima? Vino weye kwa mkulu kufosa tati yetu Yakobo? Yeye mwenyewo na wanage hamwe na wanyama wake wang'wa mazi ya chisima chino!”
Yesu kamwidika, “Munhu yoyose yong'wa mazi yano kezawona ng'hilu kaidi. Mbali munhu yoyose yonda yang'we mazi yonimwing'ha niye, hezawona ng'hilu kaidi bule. Kwaviya mazi yonimwing'ha niye yezakuwa nzasa yoilava mazi ya Ugima mgati mmwake, na yezamwing'ha ugima wa siku zose.”
Mwanamke ija kamulongela, “Mwenevale, ning'he mazi yayo muladi sekeniwone ng'hilu na wala sekenize hano kudeha mazi.”
Yesu kamulongela, “Hita kamtange mulumako wize nayo hano.”
Mwanamke ija kamwidika, “Nabule mulume.”
Yesu kamulongela, “Kulonga goya viulongile kwabule mulume. Kwaviya kusoligwa na walume watano, na mulume yuuli nayo sambi si mulumako bule. Kunilongela kweli.”
Mwanamke ija kamulongela, “Mwenevale, nowona weye kwa mulotezi wa Mulungu. Wasaho zetu wamtosela Mulungu muna ulugongo luno, mbali mweye Wayahudi mwolonga chilondeka kumtosela Mulungu uko Yelusalemu.”
Yesu kamulongela, “Mama nitogole, lusita lwokwiza wanhu hawezamtosela Tata muna ulugongo luno wala uko Yelusalemu. Mweye Wasamaliya mwotosela chiya hamchimanyile, mbali cheye Wayahudi chomtosela Mulungu yochimmanyile, na kwa cheye Wayahudi, Mulungu kawakombola wanhu wose muna iisi. Mbali chipindi chokwiza, na sambi chifika wanhu wowotosa muna ikweli wezamtosela Tata muna Umuhe na kweli, kwaviya wanhu wawo niiyo wawo Tata yoowazahila. Mulungu ni Muhe, wanhu wake wowomtosela wolondeka kumtosela kwa Muhe na kweli.”
Mwanamke ija kamulongela, “Novimanya Chilisito Mulopozi kokwiza, na vondayeze kezachilongela chila chinhu.”
Yesu kamulongela, “Niye yonilonga na weye niiyo.”
Wanahina wake wabwela na wazanywa ng'hani kumfika Yesu kolonga na mwanamke. Mbali habule munhu yamuuzile kuwa mwanamke ija kolonda choni, hebu kumuuza Yesu habali kolonga na mwanamke.
Maabaho mwanamke kaileka nongo yake ya mazi, kabwela kudibululu, kawalongela wanhu, “Izoni mumuwone munhu yoyanilongele vinhu vose vinitendile. Vino ino kodaha kuwa Chilisito?” Ivo wanhu walawa kudibululu, wamuhitila Yesu.
Lusita luja luja wanahina wake wamulamba Yesu, “Mfundiza, teng'hu diya!”
Mbali Yesu kawedika, “Niye ninayo ndiya yohamuimanyile bule.”
Maabaho wanahina wake wandusa kwiiuzagiza wenyewo, “Vino kuna munhu wowose yoyamgalile ndiya?”
Yesu kawalongela, “Ndiya yangu iyo ino, kutenda viyolonda Mulungu na kukomeleza sang'hano yake yoyaning'hile kuitenda. Vino mweye hamulonga, ‘Ing'hali miyezi mine mbaka chipindi cha kugobola chifike?’ Nowalongela, inuleni yameso yenu mulole migunda! Ndiya zikangala na zolondeka kugoboligwa. Munhu yogobola ndiya kumgunda kezalihigwa, na kokwika hamwe ndiya kwa ugima wa siku zose. Maabaho munhu yohanda na munhu yogobola wezadeng'helela hamwe. Ivo ulonzi ulonga kweli, ‘Imwe kohanda mbeyu, na imwenga kogobola ndiya.’ Nimtumani kugobola ndiya hamuzihandile bule. Wanhu wamwenga wasang'hana, na mweye momweda kwa sang'hano yawo.”
Wasamaliya wengi wa dibululu diya wamuhuwila Yesu kwaviya mwanamke ija kalonga, “Kanilongela vinhu vose vonitendile.” Ivo Wasamaliya viwamuhitile Yesu wamulamba yakale nawo, Yesu kakala nawo siku mbili.
Wanhu wengi wamuhuwila Yesu kwa ichimu cha mbuli yake. Wamulongela mwanamke ija, “Sambi chohuwila, si kwa chila chiulongile weye. Cheye wenyewo chimtegeleza, na chovimanya munhu ino kweli ni Mulopozi wa isi.”

Vizifosile siku mbili, Yesu kahita Galilaya. Kwaviya Yesu mwenyewo kalonga mulotezi wa Mulungu hatogoligwa bule muna iisi yake. Wanhu wa Galilaya wakala wahita mudidugila da Pasaka uko Yelusalemu, na wawona yose yatendigwe na Yesu muna didugila ijo. Ivo Yesu viyafikile Galilaya, wanhu wa Galilaya wamuhokela.
Maabaho Yesu kahita kaidi Kana muna isi ya Galilaya, hanhu hayagaluse mazi kuwa divai. Baho hakala mkulu imwe yeli na mwana mtamu uko Kapelinaumu. Mkulu iyo viyahulike Yesu kafika muna iisi ya Galilaya kulawa Yudeya, kamulamba Yesu yahite Kapelinaumu yakamuhonye mwanage yoyakalile habehi kudanganika. Yesu kamulongela, “Kumwenu habule munhu yoyodaha kutogola mbaka yawone vilaguso na mauzauza.”
Mkulu ija kamwidika, “Mwenevale, chihite sambi mwanangu yang'hali hanadanganika.”
Yesu kamulongela, “Hita, mwanago kezahona.”
Mkulu ija kahuwila mbuli za Yesu, ivo kahita. Viyakalile mwiinzila, kaiting'hana na watumwa wake, wamulongela, “Mwanago kahona!”
Nayo kawauza lusita luyahonile mwanage, watumigwa wamwidika, “Utamu umulawa igolo ifosile saa saba imisi.” Maabaho tata iyo kakumbuka lukala lusita luja luja Yesu viyamulongele, “Mwanago kezahona.” Ivo yeye hamwe na kaye yake yose wamuhuwila Yesu.
Chino chikala chilaguso cha mauzauza chekaidi chiyatendile Yesu viyalawile Yudeya kuhita Galilaya.

සවන් දෙන්න Yohana 4