<div class="version vid1046 iso6393nmo" data-vid="1046" data-iso6393="nmo">
 <div class="book bkMAT">
 <div class="chapter ch14" data-usfm="MAT.14">
 <div class="label">14</div><div class="s">Baptis Johon Entheh</div><div class="r">(Mk 6.14-29; Luk 9.7-9)</div><div class="p"> 1Apha ichiinache Jesu ajae isi khaena Galili aapuh Herot iruwng ing asiipa. 2Amana Herot ing ameenae ningna ariir, &#8220;Havi atatak ing Baptis Johon chuva; ama ithii tanii hangringsa, chutahnache ama ing laetho nong havi atuchehva.&#8221; 3#Luk 3.19,20Herot ing amaensana Johon chu suwrka kaeshum ting asiih. Havi akhaechuve Herot ing anaepa rumee Herodias chu aadik khaenava. 4Akhaechuve Johon ing Herot ningna ariir, &#8220;Nang ing nanaepa rumee buwhkata nachii i vajeer kiina.&#8221; 5Chukhaenache Herot ing Johon chu thehningka takhang nakho, Jehudi mee aanem aenche Johon chu jaephar yngkhehva ichii ing emanden khaenache ynchikka itheh chehmahsa.</div><div class="p"> 6Changvakonchu Herot atak apuhnii inii nache Herodias sanuw rupanuwti inche mee vakhae maensokna ahung-laam tahnache Herot pendehka 7ama ing rupanuwti ningnache chongreep atu, &#8220;Ki ing chongreep katunah, nang ing ynchiiva ynniih chiichu pivakachii!&#8221; 8Amnuw ing chong atah inuwzii ing havane Baptis Johon rusae pakaan nache ipira taka aniihpa. 9Amana iruwng abarungriir inempak jaasa, changvakonchu ama ing aarang ae kaarna chongreep atudoh vakhaka, Johon rusaechu rupanuwti ningnache ipeehnii khaena arupa. 10Chutahnache iruwng inche amee vechiirka kaeshumna Johon rusaechu entenpa. 11Arusae chu pakaanna henchiaeka rupanuwti ningnache empeehpa, amana henchika ama ing amnuw ningting apeehpa. 12Johon sebok aenche vak aeka ithiichu idom aeka endimpa; aanuwnache enuw ing Jesu ningting vak aeka entongpa.</div><div class="s">Jesu ing Mee Lishing Runga Thaemin Apeeh</div><div class="r">(Mk 6.30-40; Luk 9.10-17; Jhn 6.1-14)</div><div class="p"> 13Jesu ing Johon khaena chongchu asiitah nache, ama ing ruwkuwng ongniika asiksii apham yngkhehting ympeensa. Changvakonchu mee aenche ensiitah nache, ama ama akhuwruung tanii hungsuwh aeka enjejiipa. 14Jesu ing ruwkuwng tanii jungchumka chifhuw aruvaenache ahungsirae mee inempak ongchu amutah nache ama ing aning amanchuwhpae, amana ina vakhae chukho amandam chirpa. 15Atii khuri ajungvitah nache sebok aeng Jesu ningna ariirpae, &#8220;Hava min i michuwr daena vokhehkho ithirkho thirsa. Mee vakhae i khuw khuw ting ensahfhuw thaemin ynrii sisa aerasiing.&#8221; 16&#8220;Enuw simah aerasiing, ensahfhuwchu nenuw ing piaeruw,&#8221; taka Jesu inche eningna abasang. 17Kenuw ing havane tar asae runga re nga asae ynniipang kenchitahsa enchii. 18Amachu kaningting henchiruw taka Jesu ing ariirpa.</div><div class="p"> 19Amana Jesu ing mee vakhaechu fuwr kaarna ongruw taka ariirpa; Ama ing tar runga re nga asae ynniimehchu averi nuwna thangbaen ting hengenka bor apeehpa vokhehkho tarchu bakhiika asebok ae ningting jepika, sebok aenche mee aechu empeehpa. 20Amana mee vakhae inche enven ynva ing ensahpa. Amana abariichu buruk suum ariinii emangkong. 21Asah mee vakhaechu rupanuw naepang ynvaeru ing mee lising runga vakhaeva.</div><div class="s">Jesu ing Chii taklina Isi</div><div class="r">(Mk 6.45-52; Jhn 6.15-21)</div><div class="p"> 22Jesu ing mee vakhae amang-kaepha raenche asebok aechu maen ing ruwkuwngna ahemansipa. 23Mee vakhaechu amangkae aanuwna ama ing reen ting ithamnii khaena hangkarsa. Amanache khuri ipha ing asanaen inche ongsa. 24Changlaenche khuwsii ynleh ing chifhuwchu manohka ruwkuwngchu chifhuw rikting omsa, akhaechuve asiiraangchu asiksiisii ing raangsa.</div><div class="p"> 25Jesu ing ziing apha ynthum re kuruk ruwrakna chii taklina asebok ae ningting akhi ing vasisa. 26Jesu ivasichu sebok aenche emutah nache ngik aeka havive lae varae ta aeka vokhehkho engaanchik inche uungsae.</div><div class="p"> 27Changvakonchu aphachak nache Jesu ing eningna vachongka ariir, &#8220;Nenuw nenbarungriir mangamruw, kiping ynchik mahruw.&#8221;</div><div class="p"> 28Amana Pitar ing Aafhuw, nang va-taniive chii takline naningting ivaknii khaena ibasohsar taka Jesu ningna averiir. 29Jesu ing vakla taka abasang. Chutahnache Pitar ing ruwkuwng tanii hangiirka chii taklinache sika Jesu ningting vaksa. 30Changvakonchu siiraang ipirchu amutah nache ynchiksa, vokhehkho chii inche arup ynthong tahnache Aafhuw akarsar taka uungsa. 31Changlaenche Jesu ing abaen ajejamthoh jebachuwka ariir, &#8220;Nathacha aajaehmeh isiingva! Ynchii khaena nachingniiva?&#8221; 32Enuw ing ruwkuwng ting enghangong chakthoh siiraangkho daesa. 33Amana ruwkuwngna ong sebok aenche Jesu chu rum aeka enriir, &#8220;Atatak ing nang i Thangnang sapa chuvachii.&#8221;</div><div class="s">Genesaret Paamna ina mee Amandam</div><div class="r">(Mk 6.53-56)</div><div class="p"> 34Enuw ing chifhuwchu iraen aeka Genesaret ichii paam nache hungtungsae, 35changlae amanache heong mee aenche achuwva ichii emanghuw vasahva. Chukhaenache ama paamna ong mee ae ningnache manthang aeka ina aangkheng aningting enveruwpa. 36Enuw ing Jesu peendiir abasuwrpang chukho ina aeng iparnii khaena aningna thamsa aeka apar mee vakhae aechu idamkiir aphasahpae.</div>
 </div>
 </div>
</div>

Apha ichiinache Jesu ajae isi khaena Galili aapuh Herot iruwng ing asiipa. Amana Herot ing ameenae ningna ariir, “Havi atatak ing Baptis Johon chuva; ama ithii tanii hangringsa, chutahnache ama ing laetho nong havi atuchehva.” Herot ing amaensana Johon chu suwrka kaeshum ting asiih. Havi akhaechuve Herot ing anaepa rumee Herodias chu aadik khaenava. Akhaechuve Johon ing Herot ningna ariir, “Nang ing nanaepa rumee buwhkata nachii i vajeer kiina.” Chukhaenache Herot ing Johon chu thehningka takhang nakho, Jehudi mee aanem aenche Johon chu jaephar yngkhehva ichii ing emanden khaenache ynchikka itheh chehmahsa.
Changvakonchu Herot atak apuhnii inii nache Herodias sanuw rupanuwti inche mee vakhae maensokna ahung-laam tahnache Herot pendehka ama ing rupanuwti ningnache chongreep atu, “Ki ing chongreep katunah, nang ing ynchiiva ynniih chiichu pivakachii!” Amnuw ing chong atah inuwzii ing havane Baptis Johon rusae pakaan nache ipira taka aniihpa. Amana iruwng abarungriir inempak jaasa, changvakonchu ama ing aarang ae kaarna chongreep atudoh vakhaka, Johon rusaechu rupanuwti ningnache ipeehnii khaena arupa. Chutahnache iruwng inche amee vechiirka kaeshumna Johon rusaechu entenpa. Arusae chu pakaanna henchiaeka rupanuwti ningnache empeehpa, amana henchika ama ing amnuw ningting apeehpa. Johon sebok aenche vak aeka ithiichu idom aeka endimpa; aanuwnache enuw ing Jesu ningting vak aeka entongpa.


Jesu ing Johon khaena chongchu asiitah nache, ama ing ruwkuwng ongniika asiksii apham yngkhehting ympeensa. Changvakonchu mee aenche ensiitah nache, ama ama akhuwruung tanii hungsuwh aeka enjejiipa. Jesu ing ruwkuwng tanii jungchumka chifhuw aruvaenache ahungsirae mee inempak ongchu amutah nache ama ing aning amanchuwhpae, amana ina vakhae chukho amandam chirpa. Atii khuri ajungvitah nache sebok aeng Jesu ningna ariirpae, “Hava min i michuwr daena vokhehkho ithirkho thirsa. Mee vakhae i khuw khuw ting ensahfhuw thaemin ynrii sisa aerasiing.” “Enuw simah aerasiing, ensahfhuwchu nenuw ing piaeruw,” taka Jesu inche eningna abasang. Kenuw ing havane tar asae runga re nga asae ynniipang kenchitahsa enchii. Amachu kaningting henchiruw taka Jesu ing ariirpa.
Amana Jesu ing mee vakhaechu fuwr kaarna ongruw taka ariirpa; Ama ing tar runga re nga asae ynniimehchu averi nuwna thangbaen ting hengenka bor apeehpa vokhehkho tarchu bakhiika asebok ae ningting jepika, sebok aenche mee aechu empeehpa. Amana mee vakhae inche enven ynva ing ensahpa. Amana abariichu buruk suum ariinii emangkong. Asah mee vakhaechu rupanuw naepang ynvaeru ing mee lising runga vakhaeva.


Jesu ing mee vakhae amang-kaepha raenche asebok aechu maen ing ruwkuwngna ahemansipa. Mee vakhaechu amangkae aanuwna ama ing reen ting ithamnii khaena hangkarsa. Amanache khuri ipha ing asanaen inche ongsa. Changlaenche khuwsii ynleh ing chifhuwchu manohka ruwkuwngchu chifhuw rikting omsa, akhaechuve asiiraangchu asiksiisii ing raangsa.
Jesu ing ziing apha ynthum re kuruk ruwrakna chii taklina asebok ae ningting akhi ing vasisa. Jesu ivasichu sebok aenche emutah nache ngik aeka havive lae varae ta aeka vokhehkho engaanchik inche uungsae.
Changvakonchu aphachak nache Jesu ing eningna vachongka ariir, “Nenuw nenbarungriir mangamruw, kiping ynchik mahruw.”
Amana Pitar ing Aafhuw, nang va-taniive chii takline naningting ivaknii khaena ibasohsar taka Jesu ningna averiir. Jesu ing vakla taka abasang. Chutahnache Pitar ing ruwkuwng tanii hangiirka chii taklinache sika Jesu ningting vaksa. Changvakonchu siiraang ipirchu amutah nache ynchiksa, vokhehkho chii inche arup ynthong tahnache Aafhuw akarsar taka uungsa. Changlaenche Jesu ing abaen ajejamthoh jebachuwka ariir, “Nathacha aajaehmeh isiingva! Ynchii khaena nachingniiva?” Enuw ing ruwkuwng ting enghangong chakthoh siiraangkho daesa. Amana ruwkuwngna ong sebok aenche Jesu chu rum aeka enriir, “Atatak ing nang i Thangnang sapa chuvachii.”


Enuw ing chifhuwchu iraen aeka Genesaret ichii paam nache hungtungsae, changlae amanache heong mee aenche achuwva ichii emanghuw vasahva. Chukhaenache ama paamna ong mee ae ningnache manthang aeka ina aangkheng aningting enveruwpa. Enuw ing Jesu peendiir abasuwrpang chukho ina aeng iparnii khaena aningna thamsa aeka apar mee vakhae aechu idamkiir aphasahpae.

සවන් දෙන්න METHIU 14