<div class="version vid1001 iso6393agg" data-vid="1001" data-iso6393="agg">
 <div class="book bkLUK">
 <div class="chapter ch15" data-usfm="LUK.15">
 <div class="label">15</div><div class="s">Sisas ai sipsip mam&#616; mafar&#616;hoayo kafoefe hoaf&#616; hoaf&#616;mayu</div><div class="r">(Matyu 18:12-14)</div><div class="p"> 1Takis kak&#616; sowand&#252;mo-rundeimb&#616;-yomo asu nindou ai ranahamumbo moaruwai-anemo asei ran&#616;yomo ai mu&#331;guambo s&#616;n&#616;mo Sisas&#616;nd&#616; hoaf&#616; h&#616;mbor&#616;-memo. 2Ran&#616;yomo Farisi asu ah&#616;n&#252;mb&#616; hohoan&#616;mo yamundu-rundeimb&#616; ai momor&#616; hoaf&#616;yomond&#252;h&#616; yahomoya, &#8220;Hoeiru, nindou ndanai moaruwai hohoan&#616;moyomondeimb&#616; sepur&#616;m&#252;nd&#252; h&#616;n&#616;&#331;g&#616;reapur&#616; mbura asu n&#616;mar&#252; aibab&#616;d&#616; ses&#616; sowas&#252;mo arund&#616;,&#8221; mehomo</div><div class="p"> 3-4Ran&#616;yu Sisas ai ran&#616; kafoefe hoaf&#616; ra hoaf&#616;yupur&#252;h&#616; yahuya, &#8220;Nindou mam&#616; ai ahand&#616; 100 sipsip moa&#331;gui fandandeimb&#616;-h&#252;nd&#616; asu mam&#616; ai afar&#616;hoayo ra n&#252;&#331;gumand&#252;fia? Ai amur&#616; 99 ranaheimbo rande h&#616;n&#616;&#331;g&#616;ndeiran&#616; wafuwam&#616; woh&#616; dag&#252;di wak&#616;nd&#616;hindan&#616; an&#616;mbo asu &#331;gor&#252; mafar&#616;hoayo ranahambo kokonda wak&#616;ndeambui. 5-6Nindou ranai sipsip mafar&#616;hoayo-mayo ra kokora hoeiareand&#616; ana nindou ranai ahand&#616; sipsip ranahambo af&#616;nd&#616; ham&#616;nd&#616; h&#616;h&#616;f&#616; h&#616;h&#616;f&#616;nd&#252;h&#616; warambuh&#616;wam&#616; nande ndem&#252;nd&#252; haya &#331;goaf&#616;na &#331;gumbui. Ranan&#616;mbo ahand&#616; &#331;gunind&#616; asu wor&#616;yimbu-r&#616;neandeimb&#616; ranaheimbo hoaf&#616;yuh&#616;ya, &#8216;Se robab&#616;d&#616; h&#616;h&#616;f&#616;-h&#616;h&#616;f&#616;ndei, &#331;ga ro wand&#616; sipsip mafar&#616;hoayo ra as&#252;kai hoeir&#616;heamboanah&#616;,&#8217; mehu. 7Ro hoafehand&#252;r&#616;, mare yahurai-an&#616;mbo nindou d&#252;di ai moaruwai hohoan&#616;mo h&#616;n&#616;&#331;g&#616;re haya aboed&#616; hohoan&#616;moayu ana, s&#252;nambe af&#616;nd&#616; ham&#616;nd&#616; h&#616;h&#616;f&#616;-h&#616;h&#616;f&#616; an&#616;mbo t&#252;k&#252;nd&#616;femboe. &#330;ga asu nindou 99 aboed&#616; hohoan&#616;moyeimb&#616; aheimbo ana &#331;g&#616;r&#616; yahurai ham&#616;nd&#616; h&#616;h&#616;f&#616;-h&#616;h&#616;f&#616; t&#252;k&#252;nd&#616;feyo,&#8221; mehu.</div><div class="s">Kak&#616; mafar&#616;hoayo kafoefe hoaf&#616;</div><div class="p"> 8&#8220;N&#616;moreh&#616; mam&#616; ai 10 kak&#616; ambeimb&#616; sepur&#616;m&#616;ndoane asu mam&#616; p&#616;mayu. Ranan&#616;mbo asu ram yimunde mbunda y&#616;hoar&#616;ndo wak&#616;ndeand&#252;h&#616; kokonda hoeindeamboe. 9Ai kokora hoeireand&#252;h&#616; ahand&#616; &#331;gunind&#616; asu wor&#616;yimbu-r&#616;neandeimb&#616; ranaheimbo hoaf&#616;yowoh&#252; yahoya, &#8216;Se robab&#616;d&#616; h&#616;h&#616;f&#616;-h&#616;h&#616;f&#616;ndei, &#331;ga ro wand&#616; kak&#616; mafar&#616;hoayo ra hoeir&#616;heamboanah&#616;,&#8217; meho. 10Mare yahurai an&#616;mbo, nindou moaruwai hohoan&#616;moyumb&#252; ai moaruwai hohoan&#616;mo h&#616;n&#616;&#331;g&#616;re haya aboed&#616; hohoan&#616;moayu ana, God&#616;nd&#616; s&#252;nambeah&#616;nd&#616; nend&#616; ai h&#616;h&#616;f&#616;-h&#616;h&#616;f&#616;-nd&#616;mboemo,&#8221; mehu.</div><div class="s">Nindowenih&#616; n&#616;mor&#616; &#331;goaf&#616; h&#616;n&#616;&#331;g&#616;re a&#331;gun&#616; mahu kafoefe hoaf&#616;</div><div class="p"> 11Ran&#616;yu Sisas ai hoaf&#616;yuh&#616;ya, &#8220;Nindou mam&#616; ai nindowenih&#616; n&#616;mor&#616; yimbumarap&#616;r&#616;. 12Asu ak&#616;d&#616; n&#616;mor&#616; ai af&#616;ndambo hoaf&#616;yuh&#616;ya, &#8216;Napo sapo wambombuimb&#616;-mayo ra ndawand&#616;r&#616;,&#8217; mehu. Ran&#616;yo asu af&#616;nd&#616; ai napo ra n&#616;mor&#616; yimbumbo y&#616;bobomareap&#616;r&#616;.</div><div class="p"> 13Ran&#616;yu asu moai am&#616;tata ak&#616;d&#616; ai ahand&#616; napo ra sagad&#252;r&#616; mbura ran&#616;fih&#616;nd&#616; kak&#616; ra sem&#252;nd&#252; mbura a&#331;gun&#616; &#331;gor&#252; h&#616;f&#616;na mahu. Ran&#252;h&#616; ahand&#616; mu&#331;guambo kak&#616; mam&#616;kare mbir&#616;mafoareand&#616;. 14Ahand&#616; mu&#331;guambo kak&#616; ra mbir&#616;foare hayamboyuane asu ran&#616; h&#616;f&#616;h&#252; ses&#616; wan&#616;yowoh&#252; asu n&#616;mor&#616; ranai worambe n&#616;n&#616; k&#616;kefoefekoate-yuh&#252; wembombomayu. 15Ran&#616;yu ai hu nindou mam&#616; &#331;goaf&#616; ahar&#616;h&#252;nd&#616; ahand&#616; rat&#252;pur&#616;yu randeimb&#616;mbo-mefiyuwa asu n&#252;mb&#252;r&#616;na koamar&#616;heira moatei gin&#616;r&#616;nambo moa&#331;guimbo mahu. 16Asu n&#616;mor&#616; ranahambo nindou &#331;gor&#252; ai-amboan&#616; moai ses&#616; sagado ran&#616;yo wembomboyuh&#252; n&#616;m&#616; h&#616;s&#616; h&#616;p&#616;r&#616; moatei masah&#252;si ra ses&#616;mbo hohoan&#616;momayu.</div><div class="p"> 17Asu s&#252;&#331;gunambo ndore hohoan&#616;moyuwa mayowamboyu, &#8216;Wand&#616; apend&#616; rat&#252;pur&#616;yomo-rundeimb&#616; aiana ses&#616; af&#616;nd&#616; mbas&#616;hoemo. &#330;ga ndan&#616;h&#252; an&#616;mboah&#616; nda ro wembombo y&#616;f&#616;mbo ya&#331;g&#616;r-ayah&#616;. 18Ambe-hoa&#331;go, &#331;ga nd&#252;h&#616; h&#616;n&#616;&#331;g&#616;nd&#616;he hehea &#331;ga apembo hoaf&#616;ndahandowoh&#252; an&#616;mboya, &#8220;Ape, ro s&#616;hambo asu God&#616;mbo moaruwai hohoan&#616;mo-yahap&#616;r&#616;mboanah&#616;. 19Hapondan&#616; ana ro nindou aboed&#616;yah&#616;poan&#616;, &#331;ga &#331;g&#616;r&#616; se wambo wand&#616; n&#616;mor&#616; mb&#616;saf&#616;nd&#616;r&#616;. &#330;ga moan&#616; se rando h&#616;n&#616;&#331;g&#616;ndowand&#616;ra s&#616;haf&#616; rat&#252;pur&#616;ya r&#616;handeimb&#616; nahurai t&#252;k&#252;ndaheamboane,&#8221; mb&#616;samboyah&#616;,&#8217; mehu. 20Ran&#616;yu asu n&#616;mor&#616; ranai ran&#616;h&#252; h&#616;n&#616;&#331;g&#616;re haya ahand&#616; af&#616;nd&#616; sowana ndamefiyu. Ai a&#331;gun&#616; &#331;gah&#616; s&#252;nuambe af&#616;nd&#616; ai hoeirir&#252;h&#616; ahand&#616; n&#616;mor&#616; ranahambo h&#616;poambomarir&#616;. Ran&#616;yu asu af&#616;nd&#616; ai p&#616;p&#616;yu h&#252;fu war&#616; kafoarir&#616; haya wak&#616;k&#616;h&#616;-mar&#252;r&#616;.</div><div class="p"> 21N&#616;mor&#616; ai hoaf&#616;yuh&#616;ya, &#8216;Ape, ro moaruwai hohoan&#616;mo-yamboanah&#616; s&#616;hambo asu God&#616;mbo amboan&#616;. &#330;ga hapondan&#616; ana ro nindou aboed&#616;yah&#616;poan&#616;, &#331;ga &#331;g&#616;r&#616; se wambo wand&#616; n&#616;mor&#616; mb&#616;saf&#616;nd&#616;r&#616;,&#8217; mehuamboyu. 22Asu af&#616;nd&#616; ai ahand&#616; rat&#252;pur&#616;yomo-rundeimb&#616;mbo hoaf&#616;yuh&#616; yahuya, &#8216;N&#616;meh&#252;nou hoear&#616; aboed&#616; sowand&#252;mo s&#616;fomo yihuruwur&#616;. Asu warambeah&#616;nd&#616; moat&#252;kun&#616; k&#616;k&#616;foar&#252;wur&#616;, yir&#616; hoear&#616; g&#252;d&#252;ndo. 23Asu burmakau n&#616;mor&#616; safeimb&#616; man&#616;&#331;go ra h&#616;fokoandu mandu houmbo an&#616;mbo dagudif&#616;h&#252;mbo h&#616;h&#616;f&#616;-h&#616;h&#616;f&#616;-ndefomboane. 24Wand&#616; n&#616;mor&#616; nda y&#616;f&#616;mbomayuyos&#616;, &#331;ga asu ya&#331;g&#616;r&#616; haponda an&#252;&#331;gu! Ai mafar&#616;hoayuyos&#616;, &#331;ga haponda hoeiar&#616;hur&#616;,&#8217; mehu. Ran&#616;yo ai seses&#616;-yomond&#252;h&#616; h&#616;h&#616;f&#616;-h&#616;h&#616;f&#616;memo.</div><div class="p"> 25Asu amo&#331;go n&#616;mor&#616; ai n&#252;mb&#252;rambe n&#252;&#331;gu mbura wor&#616;k&#616;m&#616; huane gita hoaf&#616;yowoh&#252; heir&#252;memo ra h&#616;mbor&#616;mayu. 26Ran&#616;yo asu rat&#252;pur&#616;yu-randeimb&#616; mam&#616;mbo d&#252;durir&#252;h&#616; yahuya, &#8216;N&#616;n&#616;mboe ndana?&#8217; mehuamboyo. 27Asu rat&#252;pur&#616;yu-randeimb&#616; ai hoaf&#616;yundowoh&#252;ya, &#8216;S&#616;haf&#616; amond-ai aboed&#616; t&#252;k&#252;mefiyu, &#331;ga ran&#616;mboyo ape ai burmakau n&#616;mor&#616; mam&#616; safeimb&#616; h&#616;fokoare mande hayambo sahusif&#252;h&#616; h&#616;h&#616;f&#616;-h&#616;h&#616;fayef&#616;,&#8217; mehu. 28Ran&#616;yo asu amo&#331;go ai &#331;g&#616;n&#616;nd&#616;r&#252;r&#252;h&#616; moai seses&#616;-mayei ranambo hu, &#331;ga wan&#616;. Ran&#616;yo af&#616;nd&#616; ai hu seses&#616; ranambe hombo h&#252;tih&#252;ti-mar&#252;r&#616;. 29Asu amo&#331;go n&#616;mor&#616; ai af&#616;ndambo yare hoaf&#616;yundowoh&#252;ya, &#8216;Ro s&#616;hambo af&#616;nd&#616; h&#616;mban&#616; moan&#616; rat&#252;pur&#616;ya r&#616;handeimb&#616; nahurai hoaf&#616; h&#616;mbor&#616;yah&#252;h&#616; far&#616;hehean&#616;n&#616; mar&#616;hand&#616;. &#330;ga se moai wambo wand&#616; wandaf&#616; bab&#616;d&#616;mbo h&#616;h&#616;f&#616;-h&#616;h&#616;f&#616;yoh&#252; seses&#616;mboh&#252;nda meme n&#616;mor&#616; amboan&#616; sawand&#616;. 30&#330;ga s&#616;haf&#616; n&#616;mor&#616; ranana, s&#616;haf&#616;-mayo kak&#616; ra n&#616;moreh&#616; wos&#616;hoafor&#616; hohoan&#616;moyei r&#616;h&#252;ndeimb&#616;yei-fih&#616; moend&#616;re haya t&#252;k&#252;mefiyu-ane asu ahambo burmakau n&#616;mor&#616; safeimb&#616; ra h&#616;fokoaro mamandowando,&#8217; mehu.</div><div class="p"> 31Asu af&#616;nd&#616; ai hoaf&#616;yundowoh&#252; yahuya, &#8216;N&#616;moak&#616;dou, se ro-d&#616;bo man&#616;mbafanes&#616;, &#331;ga mu&#331;guambo moat&#252;kun&#616; wand&#616;-mayo ra s&#616;hafane. 32S&#616;h&#616;r&#616; h&#616;h&#616;f&#616;-h&#616;h&#616;f&#616;-ndefomboane n&#616;mboe sapo s&#616;haf&#616; amond-ai y&#616;f&#616;mbo-mbuimb&#616;yus&#616;, &#331;ga asu haponda ya&#331;g&#616;r&#616; t&#252;k&#252;fi an&#252;&#331;gu. Asu ai mafar&#616;hoayuyos&#616;, &#331;ga haponda hoeiar&#616;hur&#616;,&#8217; mehu,&#8221; Sisas mehu.</div>
 </div>
 </div>
</div>

Takis kakɨ sowandümo-rundeimbɨ-yomo asu nindou ai ranahamumbo moaruwai-anemo asei ranɨyomo ai muŋguambo sɨnɨmo Sisasɨndɨ hoafɨ hɨmborɨ-memo. Ranɨyomo Farisi asu ahɨnümbɨ hohoanɨmo yamundu-rundeimbɨ ai momorɨ hoafɨyomondühɨ yahomoya, “Hoeiru, nindou ndanai moaruwai hohoanɨmoyomondeimbɨ sepurɨmündü hɨnɨŋgɨreapurɨ mbura asu nɨmarü aibabɨdɨ sesɨ sowasümo arundɨ,” mehomo
Ranɨyu Sisas ai ranɨ kafoefe hoafɨ ra hoafɨyupurühɨ yahuya, “Nindou mamɨ ai ahandɨ 100 sipsip moaŋgui fandandeimbɨ-hündɨ asu mamɨ ai afarɨhoayo ra nüŋgumandüfia? Ai amurɨ 99 ranaheimbo rande hɨnɨŋgɨndeiranɨ wafuwamɨ wohɨ dagüdi wakɨndɨhindanɨ anɨmbo asu ŋgorü mafarɨhoayo ranahambo kokonda wakɨndeambui. Nindou ranai sipsip mafarɨhoayo-mayo ra kokora hoeiareandɨ ana nindou ranai ahandɨ sipsip ranahambo afɨndɨ hamɨndɨ hɨhɨfɨ hɨhɨfɨndühɨ warambuhɨwamɨ nande ndemündü haya ŋgoafɨna ŋgumbui. Rananɨmbo ahandɨ ŋgunindɨ asu worɨyimbu-rɨneandeimbɨ ranaheimbo hoafɨyuhɨya, ‘Se robabɨdɨ hɨhɨfɨ-hɨhɨfɨndei, ŋga ro wandɨ sipsip mafarɨhoayo ra asükai hoeirɨheamboanahɨ,’ mehu. Ro hoafehandürɨ, mare yahurai-anɨmbo nindou düdi ai moaruwai hohoanɨmo hɨnɨŋgɨre haya aboedɨ hohoanɨmoayu ana, sünambe afɨndɨ hamɨndɨ hɨhɨfɨ-hɨhɨfɨ anɨmbo tükündɨfemboe. Ŋga asu nindou 99 aboedɨ hohoanɨmoyeimbɨ aheimbo ana ŋgɨrɨ yahurai hamɨndɨ hɨhɨfɨ-hɨhɨfɨ tükündɨfeyo,” mehu.

“Nɨmorehɨ mamɨ ai 10 kakɨ ambeimbɨ sepurɨmɨndoane asu mamɨ pɨmayu. Rananɨmbo asu ram yimunde mbunda yɨhoarɨndo wakɨndeandühɨ kokonda hoeindeamboe. Ai kokora hoeireandühɨ ahandɨ ŋgunindɨ asu worɨyimbu-rɨneandeimbɨ ranaheimbo hoafɨyowohü yahoya, ‘Se robabɨdɨ hɨhɨfɨ-hɨhɨfɨndei, ŋga ro wandɨ kakɨ mafarɨhoayo ra hoeirɨheamboanahɨ,’ meho. Mare yahurai anɨmbo, nindou moaruwai hohoanɨmoyumbü ai moaruwai hohoanɨmo hɨnɨŋgɨre haya aboedɨ hohoanɨmoayu ana, Godɨndɨ sünambeahɨndɨ nendɨ ai hɨhɨfɨ-hɨhɨfɨ-ndɨmboemo,” mehu.

Ranɨyu Sisas ai hoafɨyuhɨya, “Nindou mamɨ ai nindowenihɨ nɨmorɨ yimbumarapɨrɨ. Asu akɨdɨ nɨmorɨ ai afɨndambo hoafɨyuhɨya, ‘Napo sapo wambombuimbɨ-mayo ra ndawandɨrɨ,’ mehu. Ranɨyo asu afɨndɨ ai napo ra nɨmorɨ yimbumbo yɨbobomareapɨrɨ.
Ranɨyu asu moai amɨtata akɨdɨ ai ahandɨ napo ra sagadürɨ mbura ranɨfihɨndɨ kakɨ ra semündü mbura aŋgunɨ ŋgorü hɨfɨna mahu. Ranühɨ ahandɨ muŋguambo kakɨ mamɨkare mbirɨmafoareandɨ. Ahandɨ muŋguambo kakɨ ra mbirɨfoare hayamboyuane asu ranɨ hɨfɨhü sesɨ wanɨyowohü asu nɨmorɨ ranai worambe nɨnɨ kɨkefoefekoate-yuhü wembombomayu. Ranɨyu ai hu nindou mamɨ ŋgoafɨ aharɨhündɨ ahandɨ ratüpurɨyu randeimbɨmbo-mefiyuwa asu nümbürɨna koamarɨheira moatei ginɨrɨnambo moaŋguimbo mahu. Asu nɨmorɨ ranahambo nindou ŋgorü ai-amboanɨ moai sesɨ sagado ranɨyo wembomboyuhü nɨmɨ hɨsɨ hɨpɨrɨ moatei masahüsi ra sesɨmbo hohoanɨmomayu.
Asu süŋgunambo ndore hohoanɨmoyuwa mayowamboyu, ‘Wandɨ apendɨ ratüpurɨyomo-rundeimbɨ aiana sesɨ afɨndɨ mbasɨhoemo. Ŋga ndanɨhü anɨmboahɨ nda ro wembombo yɨfɨmbo yaŋgɨr-ayahɨ. Ambe-hoaŋgo, ŋga ndühɨ hɨnɨŋgɨndɨhe hehea ŋga apembo hoafɨndahandowohü anɨmboya, “Ape, ro sɨhambo asu Godɨmbo moaruwai hohoanɨmo-yahapɨrɨmboanahɨ. Hapondanɨ ana ro nindou aboedɨyahɨpoanɨ, ŋga ŋgɨrɨ se wambo wandɨ nɨmorɨ mbɨsafɨndɨrɨ. Ŋga moanɨ se rando hɨnɨŋgɨndowandɨra sɨhafɨ ratüpurɨya rɨhandeimbɨ nahurai tükündaheamboane,” mbɨsamboyahɨ,’ mehu. Ranɨyu asu nɨmorɨ ranai ranɨhü hɨnɨŋgɨre haya ahandɨ afɨndɨ sowana ndamefiyu. Ai aŋgunɨ ŋgahɨ sünuambe afɨndɨ ai hoeirirühɨ ahandɨ nɨmorɨ ranahambo hɨpoambomarirɨ. Ranɨyu asu afɨndɨ ai pɨpɨyu hüfu warɨ kafoarirɨ haya wakɨkɨhɨ-marürɨ.
Nɨmorɨ ai hoafɨyuhɨya, ‘Ape, ro moaruwai hohoanɨmo-yamboanahɨ sɨhambo asu Godɨmbo amboanɨ. Ŋga hapondanɨ ana ro nindou aboedɨyahɨpoanɨ, ŋga ŋgɨrɨ se wambo wandɨ nɨmorɨ mbɨsafɨndɨrɨ,’ mehuamboyu. Asu afɨndɨ ai ahandɨ ratüpurɨyomo-rundeimbɨmbo hoafɨyuhɨ yahuya, ‘Nɨmehünou hoearɨ aboedɨ sowandümo sɨfomo yihuruwurɨ. Asu warambeahɨndɨ moatükunɨ kɨkɨfoarüwurɨ, yirɨ hoearɨ güdündo. Asu burmakau nɨmorɨ safeimbɨ manɨŋgo ra hɨfokoandu mandu houmbo anɨmbo dagudifɨhümbo hɨhɨfɨ-hɨhɨfɨ-ndefomboane. Wandɨ nɨmorɨ nda yɨfɨmbomayuyosɨ, ŋga asu yaŋgɨrɨ haponda anüŋgu! Ai mafarɨhoayuyosɨ, ŋga haponda hoeiarɨhurɨ,’ mehu. Ranɨyo ai sesesɨ-yomondühɨ hɨhɨfɨ-hɨhɨfɨmemo.
Asu amoŋgo nɨmorɨ ai nümbürambe nüŋgu mbura worɨkɨmɨ huane gita hoafɨyowohü heirümemo ra hɨmborɨmayu. Ranɨyo asu ratüpurɨyu-randeimbɨ mamɨmbo düdurirühɨ yahuya, ‘Nɨnɨmboe ndana?’ mehuamboyo. Asu ratüpurɨyu-randeimbɨ ai hoafɨyundowohüya, ‘Sɨhafɨ amond-ai aboedɨ tükümefiyu, ŋga ranɨmboyo ape ai burmakau nɨmorɨ mamɨ safeimbɨ hɨfokoare mande hayambo sahusifühɨ hɨhɨfɨ-hɨhɨfayefɨ,’ mehu. Ranɨyo asu amoŋgo ai ŋgɨnɨndɨrürühɨ moai sesesɨ-mayei ranambo hu, ŋga wanɨ. Ranɨyo afɨndɨ ai hu sesesɨ ranambe hombo hütihüti-marürɨ. Asu amoŋgo nɨmorɨ ai afɨndambo yare hoafɨyundowohüya, ‘Ro sɨhambo afɨndɨ hɨmbanɨ moanɨ ratüpurɨya rɨhandeimbɨ nahurai hoafɨ hɨmborɨyahühɨ farɨheheanɨnɨ marɨhandɨ. Ŋga se moai wambo wandɨ wandafɨ babɨdɨmbo hɨhɨfɨ-hɨhɨfɨyohü sesesɨmbohünda meme nɨmorɨ amboanɨ sawandɨ. Ŋga sɨhafɨ nɨmorɨ ranana, sɨhafɨ-mayo kakɨ ra nɨmorehɨ wosɨhoaforɨ hohoanɨmoyei rɨhündeimbɨyei-fihɨ moendɨre haya tükümefiyu-ane asu ahambo burmakau nɨmorɨ safeimbɨ ra hɨfokoaro mamandowando,’ mehu.
Asu afɨndɨ ai hoafɨyundowohü yahuya, ‘Nɨmoakɨdou, se ro-dɨbo manɨmbafanesɨ, ŋga muŋguambo moatükunɨ wandɨ-mayo ra sɨhafane. Sɨhɨrɨ hɨhɨfɨ-hɨhɨfɨ-ndefomboane nɨmboe sapo sɨhafɨ amond-ai yɨfɨmbo-mbuimbɨyusɨ, ŋga asu haponda yaŋgɨrɨ tüküfi anüŋgu. Asu ai mafarɨhoayuyosɨ, ŋga haponda hoeiarɨhurɨ,’ mehu,” Sisas mehu.

සවන් දෙන්න Ruk 15