GÉNESIS 5
5
Adán runamanda miraicuna
(1 Crón. 1:1-4)
1Cai quilcapica, Adanmanda miraicunatami villajun: Taita Diosca, runata rurashpaca, Paiman rijchajtami rurarca. 2Jaritapash, huarmitapash rurashpami paicunataca bendiciarca. Paicunata rurai punllapillatami, Adán#5:2 Cai versiculopica, Adán nishpaca, tucui gentecunatami nijun nishpa shutichirca.
3Adanga, patsaj quimsa chunga huatata causajushpami, paishnalla rijchaj shuj churita charirca. Paitaca, Set shutitami shutichirca. 4Adanga, Set shuti churita charishca jipapash, pusaj patsaj huatata causajushpami, shuj churicunata, ushicunata charircara. 5Adanga tucuimandaca, iscun patsaj quimsa chunga huatata causashpami huañurca.
6Set shuti runaca, patsaj picha huatata causashpami, Enós shuti churita charirca. 7Set shuti runaca, Enós shuti churita charishca jipapash, pusaj patsaj canchis huatata causashpami, shuj churicunata, ushicunata charircara. 8Set runaca, tucuimandaca, iscun patsaj chunga ishcai huatata causashpami huañurca.
9Enós runaca, iscun chunga huatata causashpami, Cainán shuti churita charirca. 10Enós runaca, Cainán shuti churita charishca jipapash, pusaj patsaj chunga picha huatata causashpami, shuj churicunata ushicunata charircara. 11Enós runaca, tucuimandaca, iscun patsaj picha huatata causashpami huañurca.
12Cainán shuti runaca, canchis chunga huatata causashpami, Mahalaleel shuti churita charirca. 13Cainán shuti runaca, Mahalaleel shuti churita charishca jipapash, pusaj patsaj chuscu chunga huatata causashpami, shuj churicunata, ushicunata charircara. 14Cainán shuti runaca, tucuimandaca, iscun patsaj chunga huatata causashpami huañurca.
15Mahalaleel shuti runaca, sucta chunga picha huatata causajushpami, Jared shuti churita charirca. 16Mahalaleel runaca, Jared shuti churita charishca jipapash, pusaj patsaj quimsa chunga huatata causashpami, shuj churicunata, ushicunata charircara. 17Mahalaleel runaca, tucuimandaca, pusaj patsaj iscun chunga picha huatata causashpami huañurca.
18Jared shuti runaca, patsaj sucta chunga ishcai huatata causashpami, Enoc shuti churita charirca. 19Jared shuti runaca, Enoc shuti churita charishca jipapash, pusaj patsaj huatata causashpami, shuj churicunata, ushicunata charircara. 20Jared shuti runaca, tucuimandaca, iscun patsaj sucta chunga ishcai huatata causashpami huañurca.
21Enoc shuti runaca, sucta chunga picha huatata causashpami, Matusalén shuti churita charirca. 22Enoc runaca, Taita Diosta aligutapacha cazushpami causajurca. Enoc runaca, Matusalén shuti churita charishca jipapash, quimsa patsaj huatata causashpami, shuj churicunata, ushicunata charircara. 23Enoc runaca, tucuimandaca, quimsa patsaj sucta chunga picha huatatami causarca. 24Enoc runaca, Taita Diosta aligutapacha cazushpami causajurca. Chaimandami paitaca, Taita Dios apajpi, cutinga na ricurirca.
25Matusalén runaca, patsaj pusaj chunga canchis huatata causashpami, Lamec shuti churita charirca. 26Matusalén runaca, Lamec shuti churita charishca jipapash, canchis patsaj pusaj chunga ishcai huatata causashpami, shuj churicunata, ushicunata charircara. 27Matusalén runaca, tucuimandaca, iscun patsaj sucta chunga iscun huatata causashpami huañurca.
28Lamec shuti runaca, patsaj pusaj chunga ishcai huatata causashpami, shuj churita charirca. 29Chai churitaca, Noé shutitami shutichirca: “Mandaj Diosca, cai pachata ninanda na alicachijpi, ñucanchi imatapash ninanda rurashpa, llaquita apashpa causanamandami, cai churiguca samachinga” nishpami chashna shutichirca.
30Lamec shuti runaca, Noé shuti churita charishca jipapash, picha patsaj iscun chunga picha huatata causashpami, shuj churicunata, ushicunata charircara. 31Lamec shuti runaca, tucuimandaca, canchis patsaj canchis chunga canchis huatata causashpami huañurca.
32Noé runaca, picha patsaj huatata charishpami, Sem, Cam, Jafet shuti churicunata charirca.
Выбрано:
GÉNESIS 5: QVI16
Выделить
Поделиться
Копировать
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
Biblia en Quichua de Imbambura: Diospaj Shimi © Sociedades Biblicas Unidas, 1994, 2023.
