Seemthawhnak 4
4
Kain ni Abel parah Lai a Nawng
1Mipa ni a nupi Eve cu a metpi, #4:1 Metpi Hebru ah Tiah a ii. cun Eve cu nau a pai ih Kain a hring. “Atu cu Bawipa ih bonnak in mi pakhat ka suahsak#4:1 Suahsak ti hi Hebru awsuah Kain rum an sakhat. rom, tiah a ti. 2A sontu ah a naupa Abel a hring. Abel cu tuu a vul hngai, Kain cu lothlo a ii. 3Caan a liam tikah khur in a suakmi vuangpawl Kain ni Bawipa hemah ahlu a pia, 4cun Abel ni khaw a turun sungih keeu peitlengle sungin a thautleng a pia ve. Culeh Bawipa ni Abel leh a thilhlu cu a lung a hmui, 5Kain leh a thilhlu zong cu a lung a hmui lo. Curuangah Kain cu a heh a har vuai ih a mithmai a sia. 6Bawipa ni Kain cu, “Ituruangah maw na heh cu a har ih na hmai cu a siat? 7Ṭhate’n thil ti la cosan i thok e tu hmen ci? Cun thil na ti ṭhat lo a’cun sualnak ni sangka in a tan bawh ziikziik; a tan hiar lianglo; na uk a ṭul henakhawh,” tiah a ti.
8Kain ni a nau Abel cu, “Lo tat le he!” tiah a ti. Culeh loih an om lioah Kain ni a nau Abel cu ralvuatia in a that. 9Cutikah Bawipa ni Kain cu, “Na nau Abel khaw’h a he?” tiah a ti. Kain ni, “Ka tiah lo; ka nau kiltu ka i hmen maw?” tiah a ti. 10Culeh Bawipa ni, “Itu ti ci maw? Ngai hman; na nau ih thisan ni khur parin ka hemah a au rero hi! 11Atu cu na kut in na suah mi na naupa ih thisan han dongla dingah a kaa a angmi khur parin camkhaat na ii. 12Khurram na ṭuan tikah itukhaw a tan suah piak duh ti thok lo; vulei parah mirol leh mivakvai na i thok,” tiah a ti. 13Kain ni Bawipa cu, “Ka dantatnak cu ka phurh khawh hlei a ii kovawh! 14Nihinni hi vulei parin a ma ṭhawl rom, na hmaika in ka thuptia thok; vulei parah mirol leh mivakvai ka i thok ih a ma tuak tu ahupoh ni a ma that thok,” tiah a ti. 15Cutikah Bawipa ni a hemah, “Cuti cu a i thok lo. Kain a that tupoh a let sarih phuleisamnak a tuar thok,” tiah a ti. Culeh a hmu tutu ni Kain that lo dingah Bawipa ni Kain parah minhlinnak a vua. 16Cuhnukah Kain cu Bawipa ih hmaika in a tat mianmiih Eden nisuahnakla Nod ram ah khua a sa.
Diinhmun Ṭhanso Thawhnak
17Kain ni a nupi a metpi, cun nau a pai ih Enok a hring; cun khuapi a toh, culeh a tiapa Enok min suangin Enok a vawh. 18Enok ni Irad a hring; culeh Irad cu Mehujael ih pa a ii, cun Mehujael cu Methushael ih pa, cun Methushael cu Lamek ih pa a ii. 19Lamek ni nupi pahnih a ngei hngai; pakhat ih min cu Adah a ii ih, a pace ih min cu Zillah a ii. 20Adah ni Jabal a hring; amah cu puanthlaampawl ah omin cawpe khaalle ih pupa a ii. 21A naupa ih min cu Jubal a ii; amah cu tingriset leh tilawvau tumtule ih pupa a ii. 22Zillah ni Tubal-kain timi a hring ih acu pa cu dar leh thir hmanthil zate vua hngai tu a ii. Tubal-kain ih tarnu cu Naamah a ii.
23Lamek ni a nupile hemah:
“Adah leh Zillah, ka aw ngai hman uh;
Nangmi Lamek ih nupile,
ka simmi hi ngai hman uh:
Pakhat pa cu maa a ma baih ruangah ka that,
tlangval pakhat cu
a ma thawi ruangah.
24Kain cu let sarih in phulei sam piak a ik a’cun, Lamek cu let sawmsarih let sarih in phulei sam piak a i thok,” tiah a ti hngai. 25Adam ni a nupi a metpi sei, culeh tiapa a hring ih a min ah Seth a vawh. “Kain ih thah mi Abel canah Pathian ni tiapa a ma pia rom,” tiah a ti. 26Seth ni tiapa a hring ve ih a min ah Enosh a vawh. Acui caan ahcun mipawl ni Bawipa ih min koin biak hram an thawh.
Выбрано:
Seemthawhnak 4: KHBF
Выделить
Поделиться
Копировать
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
Khualsim Holy Bible © Bible Society of Myanmar, 2021.
