MARAKO 16
16
1KANDI Sabiti obuyamazire okuhinguraho Malyamu Magadalene ana Malyamu nyina Yakobo, na Salome, bagura ebirukuboya, baije bamusige. 2Kandi nyenkya omu rukyakya ha kiro kyokubanza omu biro lirugireyo. 3Bakaba nibagambirangana bonka ngu Noha aratukumbisa ibale, okuliiha ha kanwa kekituro? 4kandi obubarozire, babona ibale likumbisibwe ha rubaju: baitu likaba liri likoto muno. 5Bataha omu kituro, barora omusigazi aikalire ha rubaju orwobulyo, ajwaire orugoye orurukwera; bahuni’ra. 6Yabagambira ati Mutahuni’ra: nimuse’ra Yesu, Omunyanazalesi, ayabambirwe ha muti: ahumbukire: tali hanu: dora, ekiikaro nambere bamutaire. 7Batui mugende, mutebeze abegeswabe na Petero ngu Nabebembera okugenda Galiraya: nuho mulimurora, nkokuyabagambire. 8Baturuka, bairuka ekituro; baitu okutukumira nokuhuni’ra kukaba kubakwasire: kandi batagambioreho muntu wena; baitu bakatina.
9Kandi obuyahumbukire omu rukyakya ha kiro kyokubanza omu biro musanju, yabanza okurorwa Malyamu Magadalene ouyabingireho emizimu musanju. 10Uwe yagenda yatebeza abaikaraga ohamu nauwe, bakaba nibaganya niba’ra. 11Kandi abo obubahulire ngu ayomire, kandi arozirwe ogu, bataikirize.
12Kandi hanyuma yebi akolekwa hali abatahi babu babiri omu kisisani ekindi, obubakaba nibagenda, nibagya omu maka. 13Kandi abo bagenda, bakatebeza abandi: nabo batabaikirize. 14Kandi hanyuma akolekwa hali ikumi nomu, baikalire ha byokulya: yabagambi’ra obwobutaikiriza bwabu, nokugumangana okwemitima yabu, okutaikiriza abo abamurozire obuyamazire okuhumbuka. 15Yanabatizibwa ati Mugende omu nsi zona, mutebeze enjiri abahangire bona. 16Anyakuikiriza nabatizibwa nuwe alijunwa; baitu ataikiriza omusango gulimusinga. 17Kandi obwokuro’raho bunu buligenda nabo abaliikiriza: omu ibara lyange numwo balibinga emizimu; balibaza omu ngambo empyaka: 18balikwata enjoka, kandi obubaliba nibanywa ekirukuita kyona, tikiribarwaza na kake; balitaho emikono yabu ha barwaire, nabo balikira.
19Kandi Mukama Yesu obuyamazire okubanza nabo, yatwarwa okugenda omu Iguru, yaika’ra ha Mukono ogwobulyo ogwa Ruhanga. 20Nabo baturuka nibatebeza hona hona, Mukama nako’ra hamu nabo, nagumya ekigambo omu byokuro’raho ebyahonderaga. Amina
Выбрано:
MARAKO 16: BRR64
Выделить
Поделиться
Копировать
Хотите, чтобы то, что вы выделили, сохранялось на всех ваших устройствах? Зарегистрируйтесь или авторизуйтесь
Bible in Runyoro-Rutooro 1964 Version © Bible Society of Uganda, 1964.
