MARAKO 15

1KANDI nyenkaya obuire bukire, ahanoho banyakatagara abakuru hamu nabakuru nabahandiki, nabomu rukurato bona, bahanura, baboha Yesu, bamutwara, bamuhayo hali Pirato. 2Pirato yamukaguza ati Niwe mukama Wabayudaya? Yagarukamu namugambira ati Nukwo ogambira. 3Banyakatagara abakuru bakamuhambiriza bingi. 4kandi Pirato yagaruka okumukaguza ati Torukwanukuea na Kigambo? Dora ebigambo okubiri ebingi ebibarukukuhambiriza. 5Baitu Yesu atagarukemu kigambo kindi; Pirato yahuni’ra.

6Kandi ha bugenyi yabaleke’raga omunyankomo omu. Oubamusabire. 7kandi hakaba baloho omu ayetwa Baraba, aboherwe ahamu nabo abaimukirire, abakaba baisire abantu omu kuimuki’ra oku. 8kandi ekitebe kikatemba nkikibanza okumusaba akole nkokuyabako’raga. 9Pirato yabagarukamu nabagambira ati Nimwenda mbaleke’re Omukama wa Bayudaya? 10baitu akamanya ngu habwihali nikyo banyakatagara abakuru bamuherireyo. 11baitu banyakatagara abakuru batere’ra ekitebe ngu hakire abaleke’re baraba. 12Kandi Pirato Yagaruka okubagambira ati Mara kiki ekindakora ogu oumurukweta omukama wa Bayudaya? 13Bagaruka okutoka muno ngu Mubambe ha muti. 14Pirato yabagambira ati Kibi kiraha ekiyakozire. Baitu batoka muno ngu Mubambe ha muti. 15Kandi Pirato obwakaba nagonza okusemeza ekitebe, yabaleke’ra Baraba, yahayo Yesu, amazire okumutera, okubambwa ha muti.

16Kandi baserikale bamutwara omu nju, erukwetwa Peraitolio; basoroza hamu ekihanda kyona. 17Kandi bamujweka orugoye orurukugajuka, baruka ekondo eyamahwa, 18bagimutaho; babanza okumuramukya ngu Businge. Mukama wa bayudaya. 19bamuteza engoro ha mutwe, nibamucwera amacwanta, nibateza amaju nibamuramya. 20kandi obubamazire okumute’ra enaku, bamujura orugoye orurukugajuka, bamujweka ebyokujwarabye. Kandi bamuturukya okumubamba ha muti

21Kandi bakahambiriza omu akaba nahinguraho, Simoni owa Kulene, arugire omu maka, ise Alegezanda na Rufo, okugenda nabo, ayetweke omutigwe. 22Bamuleta omu kiikaro Gorogosa, ekimanyisibwa ngu Kiikaro kyoruhanga. 23Bamuletara amarwa agajwanganizibwemu omubazi: baitu uwe atagaikirize. 24Bamubamba ha Muti, babagana ebyokujwarabye, nibabitomera, omuntu wena ekyaratwara. 25kandi esaha zikaba ziri isatu, bamubamba ha muti. 26Nebaruiha yebi ebibamuhambirizeho ekahandikirwa haiguru ngu OMUKAMA WABAYUDAYA. 27Kandi ahamu nauwe bakabambira ha muti abanyagi babiri; omu ha mulonogwe ogwobulyo, nondi ha gwemoso. 28[ Kandi ekyahandikirwe kiahiki’ra ekirukugamba ngu Kandi akaba’rwa hamu nabasisi.] 29nabo abakaba nibahinguraho bakamute’ra enaku, nibatengesa emitwe yabu, nibagamba ngu Aha, iwe arukusesa yekeru nogyombekera ebiro bisatu, 30oye june wenka, oruge ha muti. 31Na banyakatagara nukwo batire enaku bati, nibagambirangana hamu nabahandiki ngu akajuna abandi, tarukusobora kwejuna wenka. 32Kristo, Omukama wa Isareri, aruge hati bunu ha Muti. Itwe turole, tuikirize.kandi ababambirwe ahamu nauwe nabo bakamujuma.

33Kandi esaha eyomukaga obuyahikire, hakabaho ekizima ha nsi yona, okuhika ha saha eyomwenda. 34Kandi omu saha eyomwenda Yesu yayamuza iraka likoto ati Eroi Eroi, rama sabakasani? Ekimanisibwa ngu Ruhanga wange Ruhanga wange, kiki ekikundekeseze/ 35Kandi abamu hali abakaba bemerire oku, obubakihulire bagamba ngu Dora, nayeta Eriya. 36Kandi omu yairuka, yaibika ekijumankuba omu marwa agasalire, yakita ha museke, yamuha okunywa, nagamba ati leka; turole Eriya obwaraija okumuhanura. 37Yesu yayamuza iraka likoto, yahayo obwomezi. 38Enyigamu eyomu yekaru yatemukamu habiri, okururga haiguru nokuhika hansi. 39Kandi omunyakihanda akaba amwemerereho ati obwomezi, yagamba ati Mananukwo omuntu onu abaire Mwana wa Ruhanga. 40Kandi hakaba haloho abakazi nibarora hara: omuli abo Malyamu Magadalene na Malyamu nyna Yakobo omuto, na Yose na Salome; 41obwakaba ali omu Galiraya nibo bamuhonderaga, nibamuherez; nabakazi abandi baingi abatembere nauwe ha Yerusalemu.

42Kandi, obuire obubukaba buizire, obwokuba kiro kya Kutekaniza, nikyo kiro ekirukubanza sabiti, 43hakaija Yusufu owa Alimasaya, omuhanuzi owokutinwa, kandi nauwe akategereza obukama bwa Ruhanga; yatahamu hali Pirato atarukutina, yasaba omutumbi gwa Yesu. 44Pirato yahuni’ra okwafire bwango: yayeta nambereli omunyakihanda, yamukaguza okwafirege kara. 45kandi obuyakihulire hali omunyakihanda, yaha Yusufu omutumbi. 46Kandi yagura orugoye orwa bafuta, yamuhanura, yamukumisa orugoye orwa bafuta, yamuta omukituro ekyalimirwe omu mwandara; yakumbya ibale ha kanwa kekituro. 47kandi Malyamu Magadalene na malyamu nyina Yose bakarora hayatairwe.

Выбрано:

MARAKO 15: BRR64

Выделить

Копировать