Известные библейские стихи из ṮAKWIIN 8

Поделиться

Dhali ki Tap̱a cic̱ki’da shim jin c̱iiyi mo ki c̱ii jin ’bor a’di bwa mo tani Tap̱a o gwo eya dum piti mo ki: Aha/ mina diki doḵ/e jee a’cesh mo gom ’kwani ki sule/ mo haali/ gwalal buni kun kulumkina uni gwo ibwa ta thus ki thus ’peni dhuru’c buni mo. Aha/ si’dayi mina diki ’ce’da ris to sho’k doḵ/e ki sule/ mo kun ’kon ki e kun uḵu mo me’d jin miikika/ mo. Ki mony’cesh diki’d mo tani mo jin sinu aḵa’bany to dhali mo jin ’ciṯẖu/ to uni ’kokin mo, dhali mon’thup̱u’d dhali mom’batha’d, dhali moyurantee dhali mondiṯ mo, dhali montee dhali mon’thiny uni mol daḵ ki sule/ sule/ mo.

Dhali yan’ko’da Nuuh ki nyaŋa gwaṯa/ mmomiiya bas gom Tap̱a mo dhali a’di ki bu’th to/e kun dheleladhelel mo ’pena ris tiya mo dhali ’dii kun dheleladhelel mo ’pena ris tiya mo dhali a’di ki c̱i to kun ’ciṯẖu/ ’kus mmomiiya bas eya gwaṯa/ mo.

Hili Arumgimis kaki’da Nuuh e mo dhala ris tombwaasho mo dhala ris to/e mo kun nyaḵ ’ko ki a’di e bwam ma ḵur mo. Dhali Arumgimis ki uḵ dhan ’tham mmoposha p̱o/ mony’cesh mo dhali yi’de/ a’di guki’da wuuy mo.

Dhali gurko/ p̱u’dki’d ka nyaŋ’ko’d i a’di mom’pimpili/ mo dhali hili mo mo ma, ayim ḵalki’d e ’twam piti ’cemen jip̱i/ cwa seṯuun jin ta’da go’d go’d mo jin daḵa ’ciṯẖkunu ki she/ mo. Wakana Nuuh a’di mishki mo mo ki yi’de/ a’di guki’da wuuy ’peni mony’cesh mo.