Известные библейские стихи из Markôs 14

Поделиться

Ñu iâu laĭ tui anai, “Abba, Ơ Ama ăh, tơdah dưi, rơkâo kơ Ih mă pơđuaĭ hĭ bĕ kơčŏk ruă nuă anai mơ̆ng Kâo. Wơ̆t tơdah tui anŭn, ƀu djơ̆ tui hăng tơlơi Kâo kiăng ôh, samơ̆ tui hăng tơlơi Ih kiăng yơh.”

Dŏ krŏng hrŏm hăng Kâo laih anŭn iâu laĭ bĕ, kiăng kơ ƀing gih ƀu lê̆ ôh amăng tơlơi plư. Jua bơngăt gih kiăng dŏ krŏng biă mă yơh samơ̆ drơi jan gih jing tơdu.”

Kâo laĭ hăng ƀing gih sĭt biă mă, pơpă anih mơnuih mơnam nao pơtô pơblang kơ Tơlơi Pơthâo Hiam anai kơ Dêh Čar Ơi Adai, sĭt ƀing gơñu ăt či ră ruai glaĭ kơ tơlơi pô đah kơmơi anai ngă laih yơh kiăng kơ lu mơnuih djă̱ hơdơr kơ gơ̆.”

Ñu laĭ hăng ƀing gơñu tui anai, “Jua bơngăt Kâo bơngơ̆t bơngañ kar hăng jĕ či djai yơh. Ƀing gih dŏ krŏng pơ anai hŏ!”

Tơdang ƀing gơñu hlak dŏ ƀơ̆ng huă, Yêsu mă sa pŏk ƀañ tơpŭng, bơni hơơč, pĕ ƀañ anŭn hăng pơpha brơi kơ ƀing ding kơna Ñu laih anŭn laĭ tui anai, “Mă ƀơ̆ng bĕ; anai jing drơi jan Kâo yơh.”

Giŏng anŭn, Ñu mă kơčŏk ia boh kơƀâo, bơni hơơč kơ Ơi Adai, brơi kơ ƀing ding kơna Ñu laih anŭn abih bang ƀing gơñu mơñum mơ̆ng kơčŏk anŭn yơh. Yêsu laĭ hăng ƀing gơñu tui anai, “Ia anai jing drah Kâo, jing drah kơđŏm kơ tơlơi pơgop phrâo, či tuh brơi kơ lu mơnuih.

Yêsu laĭ kơ ƀing ding kơna Ñu tui anai, “Abih bang ƀing gih či čơlah đuaĭ lui raih hĭ Kâo, yuakơ arăng hơmâo čih tui anai, “ ‘Kâo či pơdjai hĭ pô wai triu, tui anŭn khul triu či čơlah đuaĭ hĭ bru bra yơh.’

Tơgŭ bĕ, brơi ƀing ta nao bĕ. Lăng adih, pô pơblư̆ lui hĭ Kâo truh laih yơh.”

Yêsu laĭ glaĭ kơ ñu tui anai, “Kâo laĭ hăng ih sĭt biă mă, hrơi anai, Ơ, amăng mlam kơñ, hlâo kơ mơnŭ tơdjô̆ dua wơ̆t, klâo wơ̆t mơtam yơh ih pô či hơngah hĭ ƀu thâo krăn ôh Kâo.”