Известные библейские стихи из Markôs 13

Поделиться

Ƀing mơnuih rĭm anih či pơrơmut kơ ƀing gih yuakơ ƀing gih đaŏ kơ Kâo yơh, samơ̆ hlơi pô gir run truh pơ hơnăl tuč, ñu anŭn či dưi klaih yơh.”

Răng bĕ! Dŏ kơčăng bĕ! Ƀing gih ƀu thâo krăn ôh hơbĭn hrơi mông anŭn či truh.

Tơdang arăng mă ba ƀing gih hăng ba nao pơ anih phat kơđi, anăm ƀlơ̆ng hlâo ôh kơ hơget tơlơi ƀing gih či pơhiăp. Brơi kơ ƀing gih pơhiăp bĕ hơget tơlơi Ơi Adai pha brơi kơ ƀing gih ƀơi mông anŭn, yuakơ ƀu djơ̆ gih pô ôh pơhiăp, samơ̆ Yang Bơngăt Hiam yơh pơhiăp.

Adai lŏn či rơgao hĭ, samơ̆ boh hiăp Kâo pơhiăp ƀu či rơgao hĭ ôh.”

Yêsu pơtô dơ̆ng tui anai, “Kơ hrơi mông Kâo, Ană Mơnuih, trŭn rai pơ lŏn tơnah anai, sĭt ƀu hơmâo hlơi pô thâo ôh; ƀing ling jang hiam pơ adai adih wơ̆t hăng Ană Ơi Adai ăt ƀu thâo lơi, kơnơ̆ng hơjăn Yang Ama đôč yơh thâo.

Tơdang ƀing gih hơmư̆ dơnai pơblah pơ anih jĕ laih anŭn tơlơi hing hyu kơ tơlơi pơblah mơ̆ng anih ataih, ƀing gih anăm huĭ bra̱l ôh. Hơdôm tơlơi anŭn khŏm či truh yơh, samơ̆ tơlơi anŭn ƀu pơrơđah kơ hrơi đŭt lŏn tơnah či truh mơtam ôh.

“Hơnŭn yơh, brơi ƀing gih dŏ kơčăng bĕ yuakơ ƀing gih ƀu thâo ôh hơbĭn pô sang či wơ̆t glaĭ; năng ai ƀơi mông klăm mơmŏt, mông krah mlam, mông hlak mơnŭ tơdjô̆, ƀôdah ƀơi mông ưm mơguah. Tơdah ñu rai blĭp blăp mơtam, anăm brơi kơ ñu ƀuh ƀing gih hlak dŏ pĭt ôh. Hơget tơlơi Kâo laĭ kơ ƀing gih, Kâo laĭ kơ abih bang mơnuih mơ̆n tui anai: ‘Dŏ kơčăng bĕ!’ ”

Kơnung djuai anai či tơgŭ pơkơdơ̆ng glaĭ hăng kơnung djuai pơkŏn laih anŭn lŏn čar anai či tơgŭ pơkơdơ̆ng glaĭ hăng lŏn čar adih yơh. Amăng abih bang lŏn čar ăt či hơmâo tơlơi pơpư̆ pơgơi lŏn tơnah amăng lu anih laih anŭn hơmâo tơlơi ư̆ rơpa mơ̆n. Samơ̆ abih bang tơlơi truh anŭn jing blung hlâo kơ tơlơi gleh tơnap đôč hrup hăng đah kơmơi čơdơ̆ng phŭn ruă nuă kơ tơlơi tơkeng ană ñu yơh.

Laih anŭn Tơlơi Pơthâo Hiam anai blung hlâo arăng či hyu pơtô pơblang pơ abih bang lŏn čar yơh.

Hơmâo lu mơnuih či pơƀlŏr mă amăng anăn Kâo hăng laĭ tui anai, ‘Kâo yơh jing Pô Messiah!’ Tui anŭn, ƀing gơñu či pơƀlŏr hĭ lu mơnuih biă mă yơh.

“Samơ̆ gih pô brơi dŏ răng bĕ. Ƀing rŏh ayăt gih či mă jao hĭ đơđa amăng ƀing gih kơ ƀing phat kơđi plei laih anŭn arăng či taih ama̱ng ƀing gih amăng sang jơnum yơh. Yuakơ ƀing gih đaŏ kơnang kơ anăn Kâo yơh, ƀing gih či dŏ dơ̆ng ƀơi anăp ƀing khua moa laih anŭn ƀing pơtao kiăng kơ ngă gơ̆ng jơlan kơ ƀing gơñu.

Kâo laĭ tui anŭn yuakơ hơmâo lu ƀing Messiah ƀlŏr laih anŭn pô pơala ƀlŏr či pơƀuh rai ngă lu tơlơi gru kơnăl yom pơphan hăng bruă mơsêh mơyang, kiăng kơ pơƀlŏr hĭ abih bang mơnuih; tơdah dưi, ƀing gơñu ăt pơƀlŏr hĭ wơ̆t hăng ƀing Ơi Adai hơmâo ruah laih mơ̆n, samơ̆ ƀing gơñu ƀu dưi hĭ ôh.

Yêsu pơtô dơ̆ng tui anai, “Amăng khul hrơi anŭn, tŏ tui anŭn jing hrơi gleh tơnap yơh, “ ‘yang hrơi či kơnăm hĭ mơtam laih anŭn yang blan ƀu či rơđah dơ̆ng tah. Khul pơtŭ či lê̆ trŭn mơ̆ng adai laih anŭn Ơi Adai či ngă pơpư̆ pơgơi abih bang pul bơngač amăng adai rơngit yơh.’