Известные библейские стихи из Marko 13

Поделиться

Ndipo mukaŵanga ŵakutinkhika ndi wose chifukwa cha zina langu. Kweni yo wakunthiyengepo mpaka umari, mweniyo wakataskikanga.

Cheŵani, khazgani ndi rombani, chifukwa kuti muziŵa cha kufika kwa nyengo yo.

Ndipo penipo ŵamkukugumizgani kwachikukomboni, mungakweŵekanga ndi cho mwamurongoro cha: kweni chose cho chingapskika kwaku imwe mu ora leniliya, chenicho rongoroni. Chifukwa kuti ndimwe cha mwamurongoro, kweni Mzimu Wakupaturika ndiyo.

Kuchanya ndi pasi vikarutanga: kweni mazu ghangu kuti ghakarutanga cha.

“Kweni vya zuŵa liya pamwenga ora lo palive yumoza waziŵa, chingana mbangelo kuchanya, chingana ndi Mwana yo, kweni Ada pe.

Kweni muchivwa zinkhondo ndi mbiri za mahomwa, mungopanga cha: vitenere kuŵapo vyenivyo; kweni umari wo undaze.

Khazgani viyo: chifukwa kuti muziŵa cha po mweni-nyumba wakaziyanga, manyi nkhu mazuro, manyi ndi usiku pakati, pamwe pa tambala kokoŵereka, pamwe ku mlenji, vinu pakuza kwambuchibuchi wangakusaniyani mwara tulo. Kweni chenicho ndinene imwe, ndinene wose: Khazgani.”

Chifukwa mtundu ukayukiyanga pa mtundu, ndi ufumu pa ufumu vikaŵangapo viyeuyeu malo ghanandi vikaŵangapo vilala: vyose nchiyambu cha maurwirwi.

Ndipo mu mitundu yose kutenere danga kumemezeka evangeli, wo.

Wanandi ŵakaziyanga mu zina langu ŵakuti, ‘Ndine iyo’; ndipo wamrandizga ŵanandi.

“Kweni juchenjeriyeni: chifukwa ŵakakombolenga imwe ku maupu; ndipo mukakwechulikanga mu masinagoge; ndipo paurongo pa mafumu ndi ŵakaronga mukamiyanga pa chifwa changu, uli nchisimikizgu kwaku wo.

Chifukwa ŵakayukanga ŵanthu ŵanyake wo ŵajiŵikengemo kuti ndiwo Kristu, ndi ŵanyake kuti mbamchimi, ndipo ŵapaskenge visimikizgu ndi minthondwi kwachirandizga ŵakusankhika nawo (asani nchamachitika).

“Kweni mu mazuŵa ghenigha, pavuli pa suzgu iya, dazi likafipiskikanga, ndi mwezi kuti ukapaskanga uŵali wake cha, ndipo nyenyezi zikambotokanga kuchanya, ndi vyanthazi vyamu machanya vikasukung'ikanga.