Известные библейские стихи из Mathai 10

Поделиться

“Käsui na thung-a beram na bung mätaw te kätyng kai lä nang ce bung khimi käsi na thung-a mätaw te vi. Tukätephüng-a nang ce lä Bärui na kätyng bälungkähae awng ö. Bähö na kätyng tämang saite sa hang.

Khimi lawngtä lä äma üng hing saite tea mäsai vi dylä, dungtäsa hing te dang y. Khimi lawngtä kai tähang hini älawng qawng-a äma üng hing saite khaisö dylä, dungtäsa hing te dang ai.

Khimi ce tea ri ö hang. Äni ce lä nang ce üng ätabung tea bädü haw ngaila nang ce üng muilaw tea lä bädü haw te y lyng. Honi jüng-a, nang ce lä Säthaw tea phai ri ö. Äni lä khimi ce üng ätabung hai muilaw na tea ngärei thung-a täphra haw vi.

Khimi lawngtä lä kai leithung hui kha kai tähang dü hethang aerü rüng ea thinglang aepö y dylä, kai üng äkähui-a awng hethang aeteng y.

“Khimi lawngtä ma khimi ce maw-a kai bung aephae y dylä, Känipre üng Kai Pä-ai maw-a äni bung kai la aephae y ai. Tungaila kai bung khimi ce maw-a aephae saite khimi tea lä Känipre üng kai Pä-ai maw-a äni lä kai üng äkähui y näkha aephae by vi ai.

Naw saite khimi na tea hawi sa pa ö. Dü saite khimi na tea la mäning haile tyng pa ö. Ängang käsi mang kha naw saite khimi na bung la hawi sa pa. Khimi thung-a kung saite angra na bung la mätho pa ö. Nang ce lä ävang py y käla ma naw te hawi sa pa hethang haidae dang pyng te vi dy. Tukha ävang la y käla khimi ce tea säbawng pa ö.

Tukätephüng-a ri ö hang. Nang ce lä mawri na qawng-a ävang tingky te vi.

“Älawng qawng-a awneng hethang kai ly te käthi ö mei. Kai lä awneng hethang ly y. Aetäprei hai hethang kai lä aekei sawngseng hai ly te kae.