ᒨᓯᓯ ᓯᕗᓪᓖᑦ 22
22
ᐂᑉᕋᕼᐋᒻ ᒎᑎᒧᑦ ᑐᓂᕐᕈᓯᖁᔭᐅᓂᖓ ᐃᕐᓂᒥᓂᒃ ᐂᓴᑭᒥᒃ
1 #
ᐄᑉᕈᐃᓄᑦ 11:17-19. ᑕᒪᒃᑯᐊ ᖄᖏᕐᓯᒪᓕᕐᑎᓪᓗᒋᑦ ᒎᑎᐅᑉ ᐂᑉᕋᕼᐋᒻ ᖃᐅᔨᓴᓚᐅᕐᐹ, ᐅᖃᐅᑎᓪᓗᒍᓗ, “ᐂᑉᕋᕼᐋᒻ!” ᐂᑉᕋᕼᐋᒻᓗ ᑭᐅᕚ, “ᒫᓃᑉᐳᖓ.” 2#ᑯᕉᓂᑲ ᐂᑉᐸᖏᑦ 3:1.ᒎᑎᐅᓪᓗ ᐅᖃᐅᑎᓕᕐᐹ, “ᐃᕐᓂᑐᐊᑦ ᓇᒡᓕᒋᒻᒪᕆᒃᑕᑦ ᐂᓴᑭ ᓇᒃᓴᕐᓗᒍ ᒧᕅᐊᑉ ᓄᓇᖓᓄᓐᖓᐅᒋᑦ, ᐃᕐᓃᑦ ᐂᓴᑭ ᐃᑯᐊᓪᓚᒡᓗᒍ ᑐᓂᕐᕈᓯᐅᑎᔭᕐᑐᕈᒃ ᖃᖅᑲᓂ ᐃᓂᒋᓂᐊᕐᑕᑦᓯᓐᓂᒃ ᑍᑲᓂ ᐅᖃᐅᑎᔪᒫᕐᐸᒋᑦ.” 3ᐅᓪᓛᕌᕐᔪᒃᑯᑦ ᖃᐅᑎᓪᓗᒍ ᐂᑉᕋᕼᐋᒻ ᒪᑭᑉᐳᖅ, ᓯᐅᑎᖅᑯᕐᑐᔪᖁᑎᓂᓗ ᓇᖕᒥᕐᓱᕐᓗᒍ, ᐱᔩᖕᓂᓗ ᒪᕐᕉᒃ, ᐃᕐᓂᓂᓗ ᐂᓴᑭ ᓇᒃᓴᕐᓗᒋᑦ, ᕿᔪᖕᓂᒡᓗ ᓇᑲᑎᕆᓪᓗᓂ ᑐᓂᕐᕈᓯᕐᓗᓂ ᐃᑯᐊᓪᓚᖅᑯᑎᒃᓴᒥᓂᒃ, ᐊᐅᓪᓚᕐᐳᑦ ᒎᑎᐅᑉ ᐅᐸᒃᑕᐅᖁᔭᖓᓄᑦ. 4ᐅᓪᓗᐃᓪᓗ ᐱᖓᔪᒋᓕᕐᑕᖓᓐᓂ ᐂᑉᕋᕼᐋᒻ ᑕᑯᓴᕋᒥ ᓄᓇ ᐅᐸᒃᑕᐅᖁᔭᐅᔪᖅ ᑕᑯᕚ ᐅᖓᓯᒃᑐᒥᑦ. 5ᐱᔩᖕᓂᓗ ᐃᓅᓱᒃᑑᒃ ᐅᖃᐅᑎᕚᒃ, ᓯᐅᑎᖅᑯᕐᑐᔪᖅ ᓇᔪᓚᐅᕐᓯᒃᑯᒃ ᓄᑲᑉᐱᐊᕐᓗ ᐃᑯᓐᖓᐅᓂᐊᕋᓐᓄᒃ ᑐᒃᓯᐊᕆᐊᕐᑐᕐᓗᓄᒃ, ᐱᔭᕇᕈᓐᓄᒃ ᐅᑎᕐᓂᐊᕆᕗᒍᒃ ᐃᓕᑦᓯᖕᓄᑦ. 6ᐂᑉᕋᕼᐋᒻᓗ ᕿᔪᐃᑦ ᑐᓂᕐᕈᓯᕐᓗᑎᒃ ᐃᑯᐊᓪᓚᖅᑯᑎᒃᓴᑦ ᐊᒡᔭᕐᑕᐅᑎᑉᐰᑦ ᐃᕐᓂᕐᒥᓄᑦ ᐂᓴᑭᒧᑦ; ᓇᖕᒥᓂᕐᓕ ᓴᕝᕕᔭᕐᐳᖅ ᐃᑯᒪᔪᒥᒡᓗ ᐊᒡᔭᕐᓯᒋᓪᓗᓂ. ᒪᕐᕈᐃᓐᓇᐅᓕᕐᓗᑎᒃ ᐱᓱᓯᕘᒃ. 7ᐂᓴᑭᓕ ᐅᖃᕐᐳᖅ, ᐊᑖᑕᒥᓄᑦ ᐂᑉᕋᕼᐋᒻᒧᑦ, “ᐊᑖᑕᒃ!” ᑖᑦᓱᒪ ᑭᐅᕚ, “ᓱᕙ ᐃᕐᓃᒃ.” ᐂᓴᑭᓗ ᐅᖃᕐᐳᖅ, “ᑕᑯᒋᑦ, ᐃᑯᒪ ᕿᔪᐃᓪᓗ ᐃᑯᐊᓚᑦᔪᑎᒃᓮᓪᓗ; ᓇᐅᒡᓕ ᑍᒪ ᓄᕐᕋᐅᔭᖅ ᑐᓂᕐᕈᑎᒃᓴᖅ?” 8ᐂᑉᕋᕼᐋᒻᓕ ᑭᐅᕚ, “ᒎᑎᐅᑉ ᑐᓂᕐᕈᑎᒃᓴᖅ ᑐᓂᓂᐊᕐᐹ ᐃᕐᓃᒃ.” ᑕᕝᕙ ᐱᓱᖃᑎᒌᓕᕐᐴᒃ. 9#ᔧᒥᓯ 2:21.ᒎᑎᐅᓪᓗ ᐃᓂᒋᔭᐅᖁᔭᖓ ᑎᑭᓐᓇᒥᒃᑯᒃ, ᐂᑉᕋᕼᐋᒻ ᑐᓂᕐᕈᓯᕐᕕᒃᓴᒥᒃ ᓴᓇᕗᖅ; ᕿᔪᐃᓪᓗ ᖄᖓᓄᑦ ᐋᖅᑭᒃᓱᑦᓯᐊᕐᓗᒋᑦ, ᐃᕐᓂᓂᓗ ᐂᓴᑭ ᕿᓚᒃᓱᕐᐹ, ᕿᔪᐃᓪᓗ ᑐᓂᕐᕈᓯᕐᕕᐅᑉ ᖄᖓᓃᑦᑐᑦ ᖄᖓᓄᐊᕐᓗᓂᐅᒃ, 10ᑕᕝᕙ ᐂᑉᕋᕼᐋᒻ ᐃᓴᒃᓗᓂ ᓴᕕᒃ ᑎᒍᕚ ᐃᕐᓂᓂ ᑐᖁᓐᓂᐊᓕᕋᒥᐅᒃ. 11ᐊᑕᓂᐅᓪᓕ ᐂᖏᓕᖓᑕ ᕿᓚᖕᒥᑦ ᓂᓪᓕᕐᕕᒋᕚ, ᐅᖃᕐᓗᓂᓗ, “ᐂᑉᕋᕼᐋᒻ, ᐂᑉᕋᕼᐋᒻ!” ᑖᓐᓇᓗ ᑭᐅᕗᖅ, “ᒫᓃᑉᐳᖓ.” 12ᐅᖃᐅᑎᕚᓗ, “ᓄᑲᑉᐱᐊᖅ ᐋᓐᓂᕐᑍᓕᒍᒃ ᖃᓄᐃᓕᑦᑍᓕᓗᒍᓗ; ᒫᓐᓇ ᖃᐅᔨᕗᖓ ᒎᑎ ᓯᕘᕋᒋᒐᕕᐅᒃ, ᐃᕐᓃᓪᓗ ᐊᓐᓂᕆᖏᓐᓇᕕᐅᒃ, ᐃᕐᓂᑐᐊᑦ.” 13ᐂᑉᕋᕼᐋᒻᓗ ᑐᓄᒥᓄᑦ ᑕᑯᓴᕋᒥ ᑕᑯᕗᖅ, ᓰᐱᒥᒃ ᐊᖑᓴᓪᓗᕐᒥᒃ ᐅᕐᐱᒐᕐᓄᑦ ᓇᒡᔪᖕᒥᒍᑦ ᓈᑎᓯᒪᔪᒥᒃ; ᐅᐸᒃᑲᒥᐅᒡᓗ ᑎᒍᕚ ᑐᓂᕐᕈᓯᐅᑎᖔᓕᕐᓗᒍ ᐃᕐᓂᕐᒥᓄᒃ ᐃᓇᖏᐅᑎᑎᓪᓗᒍ. 14ᐂᑉᕋᕼᐋᒻᓗ ᑖᓐᓇ ᓇᔪᕐᑕᓂ ᐊᑦᓯᕐᐹ, ᐊᑕᓂᖅ ᐱᒃᓴᖃᕐᑎᑦᓯᓂᐊᕐᐳᖅ; ᐅᓪᓗᒥᒧᑦ ᑎᑭᓪᓗᒍ ᐅᖃᐅᓯᐅᕙᓕᕐᐳᖅ, “ᐊᑕᓂᐅᑉ ᖃᖅᑲᖁᑎᖓᓂ ᐱᒃᓴᖃᕐᑎᑕᐅᓇᕐᐳᖅ.” 15ᐊᑕᓂᐅᓪᓗ ᐂᖏᓖᖓᑕ ᐂᑉᕋᕼᐋᒻ ᐅᖃᕐᕕᒋᒃᑲᓐᓂᕐᐹ ᕿᓚᖕᒥᑦ; 16#ᐄᑉᕈᐃᓄᑦ 6:13,14.ᐅᖃᕐᓗᓂᓗ, “ᐅᕙᖓᐅᓂᕋ ᐊᑐᕐᓗᒍ ᐅᖃᕕᓚᐅᕐᐳᖓ, ᐊᑕᓂᖅ ᐅᖃᕐᐳᖅ, ᑍᒤᓕᐅᓚᐅᕐᓂᕐᓄᑦ, ᐃᕐᓃᓪᓗ ᐊᓐᓂᕆᓚᐅᖏᓐᓇᕕᐅᒃ, ᐃᕐᓂᑐᐊᑦ, 17#ᐄᑉᕈᐃᓄᑦ 11:12.ᓱᓕᔪᒥᒃ ᓮᒻᒪᕐᑎᑦᓱᒫᕐᐸᒋᑦ, ᑭᖑᕚᒃᓴᑎᑦ ᐅᓄᕐᓯᑎᑦᓱᒫᕐᐸᒃᑲ ᕿᓚᖕᒥ ᐅᓪᓗᕆᐊᑎᑐᑦ ᓯᐅᖅᑲᑎᑐᓪᓗ ᑕᕆᐅᑉ ᓯᓈᓃᑦᑐᑎᑐᑦ ᐅᓄᕐᑎᒋᔪᓂᒃ. ᑭᖑᕚᑎᓪᓗ ᐊᑭᕋᒥ ᐃᑎᕐᑕᕐᕕᖏᓐᓂᒃ ᐱᓯᒪᔪᒫᕐᐳᑦ. 18#ᐋᐴᓯᑕᓖᑦ 3:25.ᑭᖑᕚᒃᑯᓪᓗ ᐃᓅᖃᑎᒌᒡᔪᐊᓕᒫᑦ ᓄᓇᕐᔪᐊᕐᒥ ᓮᒻᒪᕐᑎᑕᐅᔪᒫᕐᐳᑦ, ᓂᐱᒐ ᓈᓚᓚᐅᕋᕕᐅᒃ.” 19ᐂᑉᕋᕼᐋᓗ ᐱᔨᒥᓄᑦ ᐃᓅᓱᒃᑐᓄᑦ ᐅᑎᕐᒪᑦ, ᐊᐅᓪᓚᕐᐳᑦ ᓄᓇᒧᑦ ᐱᐅᕐᓰᐸᒧᑦ; ᑕᕝᕙᓂᓗ ᐂᑉᕋᕼᐋᒻ ᐱᐊᕐᓯᐸᒥ ᓄᓇᑖᓚᐅᕐᐳᖅ.
ᓂᕼᐅᕆᐅᑉ ᑭᖑᕚᒋᑦ
20ᑕᒪᒃᑯᐊ ᑭᖑᓂᖓᑦᑎᒍᑦ ᐂᑉᕋᕼᐋᒻ ᑐᓴᕐᑎᑕᐅᓚᐅᕐᐳᖅ, “ᑕᑯᒋᑦ, ᒥᐅᓪᑲ ᕿᑐᕐᖓᖃᓕᕐᐳᖅ ᓯᑕᒪᐅᔪᕐᑐᓂᒃ ᓄᑲᕐᓂᑦ ᓇᕼᐅᕆᒥᑦ: 21ᐊᖓᔪᒃᓯᕐᐹᖁᑎᖓ ᐊᑎᖃᕐᐳᖅ ᐅᔾᒥᒃ, ᓄᑲᖓᓗ ᐳᔾ, ᑭᒧᐃᓕᓗ ᐊᕌᒥᐅᑉ ᐊᑖᑕᖓ, 22ᓴᓰᑦ, ᕼᐊᔪᑦ, ᐱᐅᓪᑕ, ᔨᓪᓚᐸ, ᐱᑐᐃᓕᓗ, 23ᐱᑐᐃᓕᓗ ᕇᐱᑲᐅᑉ ᐊᑖᑕᒋᓚᐅᕐᐹ. ᒥᐅᓪᑲᐅᓪᓗ ᑖᒃᑯᐊ ᓯᑕᒪᐅᔪᕐᑐᑦ ᕿᑐᕐᖓᕐᑖᕆᓚᐅᕐᐰᑦ ᓇᕼᐅᕆᒥᑦ, ᐂᑉᕋᕼᐋᒻ ᓄᑲᖓᓂᑦ. 24ᓱᓕᓗ ᕆᐅᒪ, ᓂᕼᐅᕆᐅᑉ ᐊᑐᒐᕆᓪᓗᓂᐅᒃ ᓄᓕᐊᖓ, ᕿᑐᕐᖓᕐᑖᓚᐅᕆᕗᖅ ᑏᐸᒥᒃ, ᒐᕼᐋᒥᒥᒡᓗ, ᑕᕼᐋᓴᒥᒡᓗ, ᒫᑲᒥᒡᓗ.”
Selectat acum:
ᒨᓯᓯ ᓯᕗᓪᓖᑦ 22: EAIB
Evidențiere
Partajează
Copiază
Dorești să ai evidențierile salvate pe toate dispozitivele? Înscrie-te sau conectează-te
Eastern Arctic Inuktitut Bible © Canadian Bible Society, 2012, 2021-2023.