Lucas 3:4-6

Tsënö Juan willakunanpaqmi Teyta Diospa profëtan Isaías qellqanqanćhö ñin: “Uk runam tsunyaqkunaćhö qayarar willakïkan: ‘Teyta Diosnintsik shamunanpaq nänita patsatsiyë. Alli nänikunata kićhayë. Raqrakunatapis pampatsäyë. Irkankunatapis parijayë. Wiksu nänikunatapis derechayë. Ućhku ućhkukunatapis tsapäyë. Teyta Dios shamurñam munëninwan salvanqa. Tsëtaqa mëtsëćhö täkoq runakunam rikäyanqa’ ”.