ମାତିସ୍ 1
1
ଯୀଶୁସ୍କି ବାଉଁଶାର୍
(ଲୁକାସ୍ ୩:୨୩-୩୮)
1ଆବ୍ରାହାମ୍ସ୍କି ହାଦ୍ଦୁର୍ ଆରୁ ଦାଉଦ୍ସ୍କି ହାଦ୍ଦୁର୍ ଯୀଶୁ ଖ୍ରୀସ୍ତ୍କି ବାଉଁଶାର୍। 2ଆବ୍ରାହାମ୍ସ୍ତି ଇସାକ୍ସ୍ ଜନମ୍ ମାନ୍ଚାସ୍, ଇସାକ୍ସ୍ତି ୟାକୁବ୍ସ୍ ଜନମ୍ ମାନ୍ଚାସ୍, ୟାକୁବ୍ସ୍ତି ଯୁଦାସ୍ ଆରୁ ତାଙ୍ଘା ଭାଇଜାମାର୍ ଜନମ୍ ମାନ୍ଚାର୍। 3ଯୁଦାସ୍ ଆରୁ ତାମାର୍ସ୍ତି ଫେରସ୍ ଆରୁ ସେରହ ଜନମ୍ ମାନ୍ଚାର୍, ଫେରସ୍ତି ହିଷ୍ରୋଣ୍ସ୍ ଜନମ୍ ମାନ୍ଚାସ୍, ହେସ୍ରୋଣସ୍ତି ଅରାମ୍ସ୍ ଜନମ୍ ମାନ୍ଚାସ୍, 4ଅରାମ୍ସ୍ତି ଅମ୍ମୀନାଦାବ୍ସ୍ ଜନମ୍ ମାନ୍ଚାସ୍, ଅମ୍ମୀନାଦାବ୍ସ୍ତି ନହଶୋନ୍ ଆରୁ ନହ୍ଶୋନ୍ ସଲ୍ମୋନ୍ସ୍ ଜନମ୍ ମାନ୍ଚାସ୍। 5ସଲ୍ମୋନ୍ ଆରୁ ରାହବ୍ସ୍ତି ବୋୟାଜ୍ସ୍ ଜନମ୍ ମାନ୍ଚାସ୍, ବୋୟାଜ୍ ଆରୁ ରୁତ୍ସ୍ତି ଓବେଦ୍ସ୍ ଜନମ୍ ମାନ୍ଚାସ୍, ଆରୁ ଓବେଦ୍ସ୍ତି ଯିଶୟସ୍ ଜନମ୍ ମାନ୍ଚାସ୍। 6ଆରୁ ଯିଶୟସ୍ତି ଦାଉଦ୍ ରାଜାସ୍ ଜନମ୍ ମାନ୍ଚାସ୍।
ଆରୁ ଦାଉଦ୍ସ୍ତି ଶୁଲେମାନ୍ସ୍ ଜନମ୍ ମାନ୍ଚାସ୍, ଶୁଲେମାନ୍ସ୍କି ତାଙ୍ଗ୍ୟ ପହ୍ଲେ ଉରିୟସ୍କି ମାଏକିନିଆଁ ରାଚା। 7ଶୁଲେମାନ୍ସ୍ତି ରିହବିୟାମ୍ସ୍ ଜନମ୍ ମାନ୍ଚାସ୍, ରିହବିୟାମ୍ସ୍ତି ଅବୀୟାସ୍ ଜନମ୍ ମାନ୍ଚାସ୍। 8ଅବୀୟାସ୍ତି ଆସାସ୍ ଜନମ୍ ମାନ୍ଚାସ୍, ଆସାସ୍ତି ଯିହୋଶାଫଟ୍ ଜନମ୍ ମାନ୍ଚାସ୍, ଯିହୋଶାଫଟ୍ସ୍ତି ଯୋରାମ୍ସ୍ ଜନମ୍ ମାନ୍ଚାସ୍, ଆରୁ ଯୋରାମ୍ସ୍ତି ଉଜିୟସ୍ ଜନମ୍ ମାନ୍ଚାସ୍। 9ଉଜିୟସ୍ତି ଯୋଥମ୍ସ୍ ଜନମ୍ ମାନ୍ଚାସ୍, ଯୋଥମ୍ସ୍ତି ଆହସ୍ ଜନମ୍ ମାନ୍ଚାସ୍ ଆରୁ ଆହସ୍ତି ହିଜକୀୟସ୍ ଜନମ୍ ମାନ୍ଚାସ୍। 10ହିଜକୀୟସ୍ତି ମନଃଶିସ୍ ଜନମ୍ ମାନ୍ଚାସ୍, ମନଃଶିସ୍ତି ଆମୋନ୍ସ୍ ଜନମ୍ ମାନ୍ଚାସ୍ ଆରୁ ଆମୋନ୍ସ୍ତି ଯୋଶିୟସ୍ ଜନମ୍ ମାନ୍ଚାସ୍। 11ଆରୁ ବନ୍ଦୀ ମାନିକିରି ବାବିଲନ୍ କାନା ସାମାୟନୁ ଯୋଶିୟସ୍ତି ଯିକନୀୟ, ଆରୁ ତାଙ୍ଘାଏ ଭାଇଜାମାର୍ ଜନମ୍ ମାନ୍ଚାର୍।
12ବନ୍ଦୀ ମାନିକିରି ବାବିଲନ୍ ଆଣ୍ସ୍କା ପାଛ୍ଲି ଯିକନୀୟସ୍ତି ଶଲ୍ଥୀଏଲସ୍ ଜନମ୍ ମାନ୍ଚାସ୍, ଆରୁ ଶଲ୍ଥୀଏଲସ୍ତି ଜିରୁବ୍ବାବେଲସ୍ ଜନମ୍ ମାନ୍ଚାସ୍, 13ଜିରୁବ୍ବାବେଲସ୍ତି ଅବୀହୁଦ୍ସ୍ ଜନମ୍ ମାନ୍ଚାସ୍, ଅବୀହୁଦ୍ସ୍ତି ଏଲୀୟାକିମ୍ସ୍ ଜନମ୍ ମାନ୍ଚାସ୍ ଆରୁ ଏଲୀୟାକିସ୍ତି ଆସୋରସ୍ ଜନମ୍ ମାନ୍ଚାସ୍। 14ଆସୋରସ୍ତି ସାଦୋକ୍ସ୍ ଜନମ୍ ମାନ୍ଚାସ୍, ସାଦୋକ୍ସ୍ତି ଆଖିମ୍ସ୍ ଜନମ୍ ମାନ୍ଚାସ୍ ଆରୁ ଆଖିମ୍ସ୍ତି ଏଲିହୁଦ୍ସ୍ ଜନମ୍ ମାନ୍ଚାସ୍। 15ଏଲିହୁଦ୍ସ୍ତି ଏଲିୟାଜାର୍ସ୍ ଜନମ୍ ମାନ୍ଚାସ୍, ଏଲିୟାଜାର୍ସ୍ତି ମାତ୍ତାନ୍ସ୍ ଜନମ୍ ମାନ୍ଚାସ୍ ଆରୁ ମାତ୍ତାନ୍ସ୍ତି ୟାକୁବ୍ସ୍ ଜନମ୍ ମାନ୍ଚାସ୍। 16ୟାକୁବ୍ସ୍ତି ଯୋଷେଫ୍ସ୍ ଜନମ୍ ମାନ୍ଚାସ୍, ଏକାସ୍ କା ମାରିୟାମ୍ଘି ଆଲାସ୍ ରାଚାସ୍, ଆରୁ ମାରିୟାମ୍ସ୍ତି ଯୀଶୁସ୍ ଜନମ୍ ମାନ୍ଚାସ୍, ଏକାସିନ୍ କା ଖ୍ରୀସ୍ତ୍ ବାନାଏ।
17ଏନ୍ନେନ୍ ଆବ୍ରାହାମ୍ସ୍ତି ଦାଉଦ୍ସ୍ତକ୍ ଚଉଦ ପିଢ଼ି ଆରୁ ଦାଉଦ୍ସ୍ତି ବାବିଲୋନ୍ ଦେଶ୍ଗେ ବନ୍ଦୀ ମାନିକିରି ଆଣ୍ସ୍ନାତକ୍ ଚଉଦ ପିଢ଼ି ଆରୁ ବନ୍ଦୀ ମାନିକିରି ବାବିଲନ୍ ଦେଶ୍ତି ଆଣ୍ସ୍ନାତକ୍ ଖ୍ରୀସ୍ତ୍ତକ୍ ଚଉଦ ପିଢ଼ି ମାନ୍ଚା।
ଯୀଶୁ ଖ୍ରୀସ୍ତ୍କି ଜନମ୍
(ଲୁକାସ୍ ୧:୨୬-୩୮; ୨:୧-୭)
18ଯୀଶୁ ଖ୍ରୀସ୍ତ୍ସ୍କି ଜନମ୍ ଏନ୍ନେ ମାନ୍ଚା, କା ଆସ୍କି ତାଙ୍ଗ୍ୟ ମାରିୟାମ୍ଘି ପିନ୍ଧେନ୍ ଯୋଷେଫ୍ସ୍ଗାନେ ମାନ୍ଚ୍କିଚା, ଆବ୍ଡ଼ାର୍ଘି ବେଞ୍ଜା ମାନ୍ନାଘି ଆଘ୍ଲିନ୍ ମାରିୟାମ୍ଦ୍ ପାବିତାର୍ ଆତ୍ମାତି ମେଦୁନୁ ରାଇ ବୁଲି ଆହ୍ତାରାଚା। 19ତାଙ୍ଘା ମାନ୍ନାବାଲା ଆଲାସ୍ ଯୋଷେଫ୍ସ୍ ଅଣ୍ଟା ଧାର୍ମିକ୍ ଆଲାସ୍ ରାଚାସ୍, ଆସ୍ ମାରିୟାମ୍ବନ୍ ବଦ୍ନାମ୍ କାମାଗେ ମା ଚାହାଁଲିୟାସ୍, ହୁଦ୍ଘିଲାଗାନ୍ ମାରିୟାମ୍ବନ୍ କାଡ଼େ-କାଡ଼େ ଆମ୍ବାଚାଗେ ସୋଚାଲିୟାସ୍। 20ଯେତ୍କବାକେନ୍ ଯୋଷେଫ୍ସ୍ ଇ କାତ୍ଥାବନ୍ ସୋଚାଲିୟାସ୍ସିନ୍ କା ପ୍ରାଭୁସ୍କି ତାର୍ତି ତାଏକା ସରଗ୍ଦୂଁତ୍ ସାପାନ୍ନୁ ଏଥ୍ରିକିରି ତେଙ୍ଗିୟାଦ୍, “ହେ ଦାଉଦ୍ସ୍କି ବାଉଁଶାର୍ ଯୋଷେଫ୍! ମାରିୟାମ୍ବନ୍ ନିଜର୍ ମାଏକିନିଆଁ କାମାଗେ ଆମା ଏଲ୍ଚା, ଏନ୍ଦେର୍ଗେକା ଏକା ହାଦ୍ଦୁ ତାଙ୍ଘା ଗରଭ୍ନୁ ରାଇ ଆଦ୍ ପାବିତାର୍ ଆତ୍ମାତି ରାଇ। 21ଆଦ୍ ଅଣ୍ଟା କୁକ୍କହାଦ୍ଦୁ ଜନମ୍ କାମଦ୍ ଆରୁ ନିନ୍ ତାଙ୍ଘା ନାମେ ଯୀଶୁ ଉଇକେ, ଏନ୍ଦେର୍ଗେକା ଆସ୍ ନିଜର୍ ଆଲାରିନ୍ ତାହ୍ମା ପାପ୍ତି ବାଛାବସ୍।”
22ଏକା ବଚନ୍ବନ୍ ପ୍ରାଭୁସ୍ ନାବୀଜାମାର୍ଘି ଦ୍ୱାର୍ନୁ ତେଙ୍କାଚାସ୍, ଆଦ୍ ପୁରା ମାନ୍ନାଘି ଲାଗାନ୍ ଇବ୍ଡ଼ା ଜାମାଦ୍ ଘାଟ୍ରା: 23“ଏରା, ଅଣ୍ଟା କୁଆଁରୀଦ୍ ମେଦୁନୁ ରଦ୍ ଆରୁ ଅଣ୍ଟା କୁକ୍କହାଦ୍ଦୁ ଜନମ୍ କାମଦ୍, ଆରୁ ଆସ୍କି ନାମେ ଇମ୍ମାନୁଏଲ୍ ଉଇୟାକଦ୍,” ଇଦ୍ଘି ମତ୍ଲବ୍ ପାର୍ମେଶ୍ୱାର୍ସ୍ ନାହ୍ମାଗାନେ ରାଦାସ୍। 24ଆନ୍ତିନ୍ ଯୋଷେଫ୍ସ୍ ହାନ୍ଦ୍ର୍ନାନ୍ତି ଏଜ୍ରିକିରି ପ୍ରାଭୁସ୍କି ଦୂଁତ୍ଘି ହୁକୁମ୍ ଲେଖା ମାରିୟାମ୍ବନ୍ ତାଙ୍ଘା ଆଲିଘି ରୂପ୍ନୁ ତାଙ୍ଘାସାନ୍ ଅନ୍ଦ୍ରାସ୍: 25ଆରୁ ହାଦ୍ଦୁ ଜନମ୍ ମା ମାନ୍ନାତକ୍ ଆସ୍ ଆଦ୍ଘି ଚାହାଗେ ମା କେରାସ୍: ଆରୁ ଆସ୍ ଆ ହାଦ୍ଦୁସ୍କି ନାମେ ଯୀଶୁ ଉଇୟାସ୍।
Selectat acum:
ମାତିସ୍ 1: xis
Evidențiere
Partajează
Copiază
Dorești să ai evidențierile salvate pe toate dispozitivele? Înscrie-te sau conectează-te
© (Active) Wycliffe Bible Translators, Inc. All rights reserved.
