MATIUS 2:12-13

Naopu etu Alatala nompopanjani ka ira riara mpangipi ala ne'e manjili mpaka ri ja'i Magau Herodes. Jadi nanjilimo ira nantuki jala ntanina. Sangga nanggaliwopa tau-tau topande nanggita betu'e etu naratamo samba'a malaeka i Pue nompopokita korona ka Yusuf riara mpangipina pade nanguli, “Pembangumo, kenimo masalisa Ngana etu ante indona mpaka ri tana Masir. Peto'omo ri setu sampe aku marata motesa wo'u ka iko. Sabana Magau Herodes nopatuju mangelo mompatesi Ngana etu.”