KENESE 10
10
Ko te Gafa o Tamaliki Tagata a Noa
(1NTupu 1.5-23)
1Tenei te fakasologa o gafa o tama'liki tagata a Noa kola ko Semu, Hamo mo lafeta. Ne fai olotou fanau i te oti atuga o te lofiaga.
2Konei a tamaliki tagata a lafeta: ko Komeli, ko Makoku, ko Metai, ko Iavana, ko Tupalu, ko Meseko, mo Tilasi. A latou ko tupuga o tino kola e fakaigoa ki olotou igoa. 3A tino ne tupu mai i a Komeli ko tino Asekenasa, tino Lifata mo tino Tokalama. 4A tino ne tupu mai i a Iavana ko tino Elisa, tino Sepania, tino Kupelu mo tino Lotesi; 5a latou ko tupuga o tino kola e nofo pili ki te tai, mo tino kola e nofo i motu fo'niki. Kona a tino o te gafa o lafeta, e nofo eiloa i olotou matakaiga kesekese, mo fenua kesekese; kae kesekese foki olotou 'gana.
6Konei a tamaliki a Hamo: ko Kusi, ko Aikupito, ko Lipia mo Kanana. A latou ko tupuga o tino kola e fakaigoa ki olotou igoa. 7A te gafa o Kusi ko tino Sepa, tino Havila, tino Sapati, tino Lama mo tino Sapataka. A te gafa o Lama, ko tino Seepa mo tino Titana. 8E isi se tamaliki tagata a Kusi e igoa ki a Nimalota, tela ko te 'toa muamua eiloa i te lalolagi. 9Mai te fesoasoani o te Aliki tela ne fai ei a ia mo tagata atuli manu, tela te mea e fai saale ake ei a tino penei, “Ke fai koe ne te Aliki me se tagata atuli manu takutakua e pela mo Nimalota!” 10Muamua eiloa, a tena malo e aofia ei a Papelu, Eleki mo Akata; ko fa'kai kona e tu i Papelonia. 11Mai Papelonia, ne toe malaga atu a ia ki Asulia, faite ei ne ia a fa'kai konei: ko Nineva, ko Lehopota Ila, ko Kala, 12mo Leseni tela e tu i te va o Nineva mo te fa'kai lasi ko Kala.
13A te gafa o Aikupito ko tino Litia, tino Anama, tino Lehapa, tino Nafatu, 14tino Pateluse, tino Kaselui, mo tino Keleta kola ne tupu mai i ei a tino Filisitia.#10.14: Te fuliga pili atu ko tino Keleta ... ko tupuga; faka Epelu kola ne mafua mai ei tino Filisitia, mo Keleta.
15Konei a tamaliki tagata a Kanana: ko Saitonu te toekimua, mo Heti; a laua ko tupuga o tino kola e fakaigoa ki o la igoa. 16A Kanana ko te tupuga foki o tino Iepuse, tino Amoli, tino Kilikase, 17tino Hivi, tino Aleki, tino Sinai, 18tino Alevati, tino Semali, mo tino Hamata. Ne salalau atu a matakaiga kesekese o Kanana, 19tela ko oko atu ei a te tuakoi mai Saitonu o fano ki saute ki Kela i tafa o Kasa, kae ki te saegala e oko ki Sotoma, Komolo, Atama, mo Sepoima i tafa o Lasa. 20Kona a tino o te gafa o Hamo, e nofo i olotou matakaiga kesekese, i olotou fenua kesekese, kae kesekese foki olotou gana.
21A Semu, te taina matua o lafeta, ko te tupuga o tino Epelu katoa. 22Konei a tamaliki tagata a Semu: ko Elama, ko Asula, ko Apasata, ko Luti mo Alama. A latou ko tupuga o tino kola e fakaigoa ki olotou igoa. 23A te gafa o Alama ko tino Usa, tino Hulo, tino Kitelu, mo tino Meseko. 24A Apasata ko te tamana o Seela, ka ko Seela ko te tamana o Epela. 25E tokolua tamaliki tagata a Epela: ko Peleka#10.25: Peleka: Te uiga o te igoa tenei faka Epelu “mavaevae.” aua me i te taimi ne ola ei a ia a tino o te lalolagi ne mavaevae, ka ko te igoa o tena sua taina ko Ioketana. 26A tino ne tupu mai i a loketana, ko tino Alemotata, tino Selefa, tino Asamaveta, tino lela, 27tino Hatolama, tino Usala, tino Tikelu, 28tino Upalu, tino Apimalu, tino Seepa, 29tino Ofeila, tino Havila mo tino lopapu. A latou katoa kona ne tupu mai i a loketana. 30A te laukele tela e 'nofo ei latou e fanatu mai Mesa ke oko ki Sefala i te kogā laukele mauga i te feitu ki te saega la. 31Kona a tino o te gafa o Semu, e nofo eiloa i olotou matakaiga kesekese, i olotou fenua kesekese, kae kesekese foki olotou gana.
32A tino katoa konei ne 'tupu mai i a Noa, e pela eiloa mo te fakasologa o olotou gafa; kae nofo i malo kesekese kola ne 'tupu ake mai tua o te lofiaga, ne tupu katoa mai i tama tagata a Noa.
Selectat acum:
KENESE 10: Tusi Tapu
Evidențiere
Partajează
Copiază
Dorești să ai evidențierile salvate pe toate dispozitivele? Înscrie-te sau conectează-te
Tuvalu Revised Bible © Bible Society in the South Pacific