Лука 4:5-8

Кӧрмӧс Оны бийикке кӧдӱрип, орчылаҥныҥ ончо каандыктарын элес эттире кӧргӱзип, Ого айтты: – Бастыра мыныҥ бажын билерин, оныҥ магын Сеге берейин. Мыныҥ ончозы меге берилген ине, кемге берейин дезем, берерим. Анайдарда, меге бажырар болзоҥ, ончозы Сенийи болор. Иисус каруу јандырды: – Менеҥ кеде тайыл, сатана! Бичилген сӧс бар: «Кайраканга, бойыҥныҥ Кудайыҥа, бажыр, јаҥыс Ого јалчы бол».