Chivkeeb 5
5
Adaas Caajceg
(1 Xwmtxheej Vaajntxwv 1:1-4)
1Nuav yog tej npe kws has txug Adaas le caajceg. (Thaus Vaajtswv tsim tuabneeg, Nwg tsim puab zoole Nwg tug yaamntxwv ntaag. #Chiv 1:27-28 2Vaajtswv tsim tug txivneej hab tug quaspuj, Nwg foom koobmoov rua obtug, hab tis npe rua obtug hu ua “Noobneej.”) #Math 9:4; Malak 10:6; 5:1-2 3Thaus Adaas muaj 130 xyoo, nwg muaj ib tug tub zoole nwg, hab nwg muab tis npe hu ua Xej. 4Dlhau ntawd, Adaas tseem ua neej nyob tau 800 xyoo ntxiv, nwg tseem muaj tub muaj ntxhais coob leej ntxiv hab 5nwg tuag thaus nwg muaj noobnyoog 930 xyoo.
6Thaus Xej noobnyoog muaj 105 xyoos, nwg muaj ib tug tub hu ua Enauj. 7Dlhau ntawd, nwg tseem ua neej nyob tau 807 xyoo ntxiv, hab nwg tseem muaj tub muaj ntxhais coob leej ntxiv; 8nwg tuag thaus nwg muaj noobnyoog 912 xyoos.
9Thaus Enauj noobnyoog muaj 90 xyoo, nwg muaj ib tug tub hu ua Kenaas. 10Dlhau ntawd, nwg tseem ua neej nyob tau 815 xyoos ntxiv, hab nwg tseem muaj tub muaj ntxhais coob leej ntxiv; 11nwg tuag thaus nwg muaj noobnyoog 905 xyoos.
12Thaus Kenaas noobnyoog muaj 70 xyoo, nwg muaj ib tug tub hu ua Mahalalees. 13Dlhau ntawd, nwg tseem ua neej nyob tau 840 xyoo ntxiv, hab nwg tseem muaj tub muaj ntxhais coob leej ntxiv; 14nwg tuag thaus nwg muaj noobnyoog 910 xyoo.
15Thaus Mahalalees noobnyoog muaj 65 xyoos, nwg muaj ib tug tub hu ua Yalej. 16Dlhau ntawd, nwg tseem ua neej nyob tau 830 xyoo ntxiv, hab nwg tseem muaj tub muaj ntxhais coob leej ntxiv; 17nwg tuag thaus nwg muaj noobnyoog 895 xyoos.
18Thaus Yalej noobnyoog muaj 162 xyoos, nwg muaj ib tug tub hu ua Enauj. 19Dlhau ntawd, nwg tseem ua neej nyob tau 800 xyoo ntxiv, hab nwg tseem muaj tub muaj ntxhais coob leej ntxiv; 20nwg tuag thaus nwg muaj noobnyoog 962 xyoos.
21Thaus Enauj noobnyoog muaj 65 xyoos, nwg muaj ib tug tub hu ua Methuxelas. 22Dlhau ntawd, Enauj tseem ua neej nyob muaj kev sis raugzoo nrug Vaajtswv tau 300 xyoo ntxiv, hab nwg tseem muaj tub muaj ntxhais coob leej ntxiv. 23Nwg ua neej nyob tau 365 xyoos. 24Enauj ua nwg lub neej nrug Vaajtswv sis raugzoo heev, tes nwg txawm cale pluj lawm, ruaqhov Vaajtswv coj nwg moog lawm. #Henpl 11:5; Yudas 14
25Thaus Methuxelas noobnyoog muaj 187 xyoo, nwg muaj ib tug tub hu ua Lamej. 26Dlhau ntawd, nwg tseem ua neej nyob tau 782 xyoos ntxiv, hab nwg tseem muaj tub muaj ntxhais coob leej ntxiv; 27nwg tuag thaus nwg muaj noobnyoog 969 xyoos.
28Thaus Lamej noobnyoog muaj 182 xyoos, nwg muaj ib tug tub. 29Nwg muab tis npe hu ua Nau-as.#5:29: Nau-as: Lub npe nuav has muaj ntsiv thooj le lulug Henplais kws has tas “tso kuas dlim,” Lamej has tas, “Tug mivnyuas nuav yuav paab peb txu lub nraa nyaav ntawm thaaj aav kws raug tug TSWV foom phem lawm kuas sib.” 30Dlhau ntawd, Lamej tseem ua neej nyob tau 595 xyoos ntxiv, hab nwg tseem muaj tub muaj ntxhais coob leej ntxiv; 31nwg tuag thaus nwg muaj noobnyoog 777 xyoo.
32Tomqaab Nau-as muaj noobnyoog 500 xyoo lawm, nwg muaj peb tug tub, kws yog Sees, Haas, hab Yafej.
Selectat acum:
Chivkeeb 5: HNJ2022
Evidențiere
Împărtășește
Copiază
Dorești să ai evidențierile salvate pe toate dispozitivele? Înscrie-te sau conectează-te
© 2022 United Bible Societies. All rights reserved.