Mak 10:6-8

Lale, kamosinim God ami mafek mafek alik talalu kutiisa kawu, imak so, ikis so, talalu-yim-tiila akam maakup ke-bom biisip. Kanolin kemin, God ami Sukon Tem uyo kaami sang kaa boko-lomdu: Akam maakup kesip kabaku tunum ayo unang kuluulokoma kawu, tunum ayo almi awak-aalap iyo kamboyimba-kup, akal almi kalel umi diim kabaku fep-nala kawu, akam maakup ke-lokomip o kalale, akam iyo angtiil maakup tap ke-lokomip o, kalsu. Kemin, asuk maso ma alep ke-lokomip disa; atin akam ili ti maakup ke-lokomip.