Mwanduso 33
33
Yakobo na Esau oiting'hana
1Yakobo kamona Esau kokwiza na wanhu zake magana mane, avo, kawagola wanage kumwake Lea, Laheli na waja watumwa wabili. 2Watumwa na wanao kaweka haulongozi, abaho Lea na wanage, kukisogo chao kamwika Laheli na Yusufu. 3Yakobo mwenyego kalongola, kaidulika mbaka hasi miyanza saba, mbaka viyavikile behi na ndugu yake. 4Esau kamkimbilila kumbokela Yakobo, kamfagatila na kamnonela, wose wabili wakala olila. 5Esau viyalolile na kuwona watwanzi na iwana kauza, “Wano weli hamoja na gweye kina nani?”
Yakobo kamwidika, “Wano awo wana waja Imulungu kwa bazi jake kanigwaa niye msang'hanaji wako.” 6Abaho waja watumwa wa kitwanzi na wanao wakala mmabehi, waidulika. 7Lea nayo na wanage keza, kaidulika. Kukimambukizo, Laheli na Yusufu weza, nao waidulika.
8Esau kauza, “Na bumbila dino diniiting'hane najo mnzila hano dofambula choni?”
Yakobo kamwidika, “Go, mkulu, nilonda uninogele.”
9Lakini Esau kamwidika, “Ndugu yangu, na niye nina vinhu vingi, vinhu vako viwe vako mwenyego.”
10Yakobo kamulongela, “Bule, kamba kweli kononda, bokela nhunza yangu, kwavija nahalola kihanga chako kamba nolola kihanga cha Imulungu vija viumbokele goya. 11Chonde, togola nhunza inikugalile, kwavija Imulungu kanyonela bazi, kangwaa kila kinhu kinonda.” Avo Yakobo kagendelela kumsusumiza mbaka katogola.
12Esau kalonga, “Tuchole, na niye nokulongolela.”
13Lakini Yakobo kamulongela, “Mkulu wangu, gweye kojuwa wana wano wang'hali ving'hele, na fugo zino zokong'heza. Avo nolondigwa kuzilola goya. Kamba wanyama wano, ogaligwa mkudu mkudu kwa siku dimoja, wanyama wose wofa. 14Avo, nokupula ulongole na niye nokwiza mholemhole, noziseseza fugo zangu na wanangu mbaka vonda nikuvike ako Seili.”
15Esau kalonga, “Leka nikulekele wanhu zangu wayagwe.” Lakini Yakobo kalonga, “Aka, sikuutende vivo. Niye nodeng'helela kwavija gweye mkulu wangu koninogela.” 16Avo, siku didija Esau kafunga mwanza wa kubwela Seili. 17Yakobo kachola mbaka Sukoti. Kazenga ng'anda na fugo zake kazizengela mabumba. Lekaavo hanhu aho hakemigwa Sukosi.
18Kulawa kuko Sukoti mwiisi ya Padani Alamu Yakobo kavika goya ako kudibuga da Shekemu mwiisi ya Kanaani, keka ng'hambi behi na buga dijo. 19Hanhu aho kuyekile ng'hambi kahagula kulawa mulukolo lwa Hamoli tatake Shekemu kwa vihande gana va shaba. 20Avo, ako kazenga upango wa kulavila nhosa kaukema Eli Elohe Izilaeli, fambulo jake Imulungu ni Imulungu wa Izilaeli.
Selectat acum:
Mwanduso 33: King'hutu
Evidențiere
Partajează
Copiază
Dorești să ai evidențierile salvate pe toate dispozitivele? Înscrie-te sau conectează-te
NT: © 2014 Pioneer Bible Translators and The Word for the World
OT: © 2019 Pioneer Bible Translators