Versete biblice populare din Jean 10

Împărtășește

Na pwa na kâmö ka pâr̂â cè ki pâr̂â rö mâ yö vè mii mâ rhètia; aè gö wê pwa na gènyâ cè ki wii na mör̂u yè pâr̂â mutô, mâ pâr̂â kââ ka yè rhâri rö pwar̂a-r̂é.

Gènyâ wè gö kâmö ka vi târ̂î-e pâr̂â mutô. Ö kâmö ré vi târ̂î-e pâr̂â mutô, wè na nââ mör̂u xi-e yè pâr̂â mutô.

Cér̂é wê tö pwêr̂ê mêr̂ê aʼ xi-nya na pâr̂â mutô xi-nya; gö dè rhîâgür̂ü-r̂é na gènyâ, aè, cér̂é yè dè ua-nya na cér̂é.

Aè gö nââ yè-r̂é mör̂u ka da tâwai yèri; mâ cér̂é yè da tâwai pèii mé kwéyë rua waavi, na yèri dèxâ kâmö ka yè öxar̂a-r̂é xè-i néxar̂a â-nya.

Gènyâ mèö bé. Ö kâmö ré yè vi ru rö pwar̂a-nya, wè nè yè mör̂u na ce; nè yè bör̂i vi ru mâ vi rua, mâ tö rhûû êê ara.

Aè gö dè rhîâgür̂ü e pâr̂â mutô xi-nya, aè cér̂é dè rhîâgür̂ü-nya bar̂ee na pâr̂â mutô xi-nya

Na nââ-r̂é yè-nya na Pevaa, na vi kwéjî na ce rai pâr̂â kââ wânii, aè na yèri kâmö ka tâwai yè öxar̂a-r̂é xè-i néxar̂a â Pevaa. Gènyâ mâ Pevaa, wè, gövu rhaaxâ rö.»

na ûr̂û Pevaa xi-nya, wè na rhîâgür̂ü-nya, aè gènyâ, wè gö rhîâgür̂ü bar̂ee Pevaa xi-nya, mâ gö nââ mör̂u xi-nya yè pâr̂â mutô.

Na yèri kâmö ka yè öxar̂a rai-nya, aè gö dè nââ xè xi-nya; na wii na ar̂inadö xi-nya né ké yè nââ mör̂u xi-nya, aè na wii bar̂ee na ar̂inadö né ké yè pè tëë xi-nya; na vi câwâ ûr̂û-ré yè-nya na Pevaa xi-nya.»

Na bör̂i êr̂ê yè-r̂é tëë na Ièsu, êr̂ê: «Avâr̂i, avâr̂i, gö êr̂ê yè-ve, gènyâ-â mèö bé né pâr̂â mutô.

Aè ö kâmö ré mar̂a yè pè kwê, mâ ö kâmö ré da kaavûû avâr̂i mutô, wè na da ki-e na pâr̂â mutô, ö kâmö ré, wè nè yè wê tö rhûû lupo na ki mi, nè yè bör̂i kâyâi pâr̂â mutô mâ ör̂ö, nè bör̂i kùxè-r̂é mâ gu vè maii-r̂é na lupo.

Na êr̂ê na Ièsu, êr̂ê: «Avâr̂i, avâr̂i, gö êr̂ê yè-ve, êr̂ê, ö kâmö ré yè da tö vi ru rö mèö bé né nébé né pâr̂â mutô, wè na tèi rua rö dèxâ wêyê, ce rö kâmö ka pâr̂â mâ muui pâr̂â kââ.