Versete biblice populare din Jon 10

Partajează

Man hu hemi stil, hemi kam nomoa fo stilim olketa sipsip an fo spoelem olketa an fo kilim olketa dae. Bat mi ya, mi kam fo mekem olketa garem tru laef, an disfala laef hemi fulap long evri gud samting.

“Barava man fo lukaftarem sipsip hemi wiling fo dae fo sevem olketa sipsip blong hem. Mi nao disfala barava man fo lukaftarem sipsip.

Olketa sipsip blong mi, olketa heremsave toktok blong mi an olketa go bihaen long mi. Mi save long olketa

an mi givim tru laef wea hemi no save finis long olketa. Bae olketa no save dae, an bae no eniwan i save pulumaot olketa from han blong mi.

Mi nao mi olsem geit blong sipsip. Eniwan hu hemi kam long mi, bae God hemi sevem hem. An bae hemi olsem sipsip wea hemi kam insaet fo stap long sef ples an hemi goaot moa fo faendem kaikai.

Mi nao mi barava man fo lukaftarem sipsip, an mi wiling fo dae fo sevem olketa sipsip blong mi. Olketa savegud long mi an mi savegud long olketa, long sem wei olsem Dadi blong mi hemi savegud long mi an mi savegud long hem.

Olketa ya wea Dadi blong mi hemi givim long mi, olketa nao i bikfala winim evrisamting. An no eniwan save pulumaot olketa from han blong Dadi blong mi. Mitufala Dadi blong mi, mitufala wanfala nomoa.”

Mi nao mi barava man fo lukaftarem sipsip, an mi wiling fo dae fo sevem olketa sipsip blong mi. Olketa savegud long mi an mi savegud long olketa, long sem wei olsem Dadi blong mi hemi savegud long mi an mi savegud long hem.

No eniwan save kilim mi dae sapos mi no letem, bat distaem mi wiling nomoa fo dae. Mi nomoa mi garem paoa fo letem mi seleva fo dae, an mi garem paoa fo mi laefbaek moa. Hem nao wanem Dadi blong mi hemi talem mi fo duim.”

So Jisas hemi sei moa long olketa, “Mi talem yufala tru samting nao, mi nao mi olsem geit blong sipsip.

Bat man wea olketa haerem hem nomoa fo kam lukaftarem olketa sipsip wea hemi no onam olketa, hemi save ranawe nomoa from olketa taem hemi lukim eni wael dog i kam. So wael dog hemi save kam kasholem samfala, an olketa narawan save ranawe go olobaot nao.

Jisas hemi sei moa, “Mi talem yufala tru samting nao, man hu hemi no kam insaet long barava geit blong fens blong sipsip bat hemi klaem kam long deferen ples, hemi man fo stil an man fo spoelem olketa sipsip ya.