Versete biblice populare din Luke 17

Partajează

ꞋInkꞌez Jesus ꞌuyulhni, “Dudinyaih ꞌinkꞌez naindalh. Mba ꞌalha ꞌuhoontꞌoh-i, ꞌi be soo naꞌinja.”

ꞋEt ꞌilhoh dzin lhtakꞌantꞌit ndulhyoh ꞌuja de, ꞌoh totsuk nghu nadaih ꞌinkꞌez, ‘Seni náhandunisꞌai,’ nyúlhni de ooba whunaoodolnoh.”

ꞋEt ꞌilhoghun soo naꞌuja tꞌewhunanzin whe ꞌet nahundunizya ꞌinkꞌez yutsꞌu naoosja. ꞋEt tube cho Yakꞌusda dálhtiꞌ. ꞋEt Jesus yubut yun ꞌet nachániti, ꞌinkꞌez lhkꞌuz te musi yulhni. ꞋEn dune Samaria whutꞌen-un ꞌuntꞌoh.

ꞋEt huwa khahdli. ꞋEt nohulhutsin nohdulhyoh ꞌuhuja de, hukwa dóniꞌ. ꞋEt dudeni náhundunizꞌai de, ooba whunaoodoolhnoh.

ꞋEt Jesus uyúlhni, “Whunizyane lakw eh soo naꞌhuja? Ndunne ꞌilho hoolohne ntsꞌe whe hándil?

ꞋEt neMoodihti ꞌubulhni, “ꞋUkꞌenus ha níyeh maiꞌ nintsool-i, mustard huyulhni, ꞌet nohba ꞌalha ꞌuhoontꞌoh-un, ꞌet ꞌuwhulcho de, duchun ha níyeh-i, mulberry huyulhni, ꞌet oodulhkut, ‘Ndi duchun ooghih tubulh ha ílhchꞌoolh ꞌinkꞌez bun cho kꞌut ꞌet ꞌana nꞌaih.’ ꞋEt nohkꞌoh tsꞌe ooneh.

Mbe la dichꞌoh whe khuna-un, ꞌet ꞌududoolyih hukwa ꞌutꞌen-un, ꞌen ye khuna-i ninta itáꞌalh. ꞋInkꞌez mbe la whe khuna-un ninta ooninꞌai de, ꞌen ꞌudutilyih whe ꞌuntꞌoh.

ꞋInkꞌez Jesus yugha hodulꞌehne ꞌet ndubulhni, “Whe tankꞌus uznintꞌi-un ꞌahoolhyiz ꞌet whuzdla wheꞌ hoontꞌoh. ꞋEt hoontsꞌi dune oogha tankꞌus ꞌúwhutꞌen-un, ꞌet dawhultsiꞌ-un ootsꞌu hóoltsꞌulh. Mbe dune ꞌen gha tsꞌoodunneyaz tankꞌus ꞌúhutꞌen ꞌubulhtsi de, ꞌen dune tse cho hitsꞌilchun edinguz ꞌinkꞌez takhulh-un tahúyano de, ꞌet ꞌon nus hózooꞌ ooleꞌ daꞌ.

ꞋEt Noah oodzin whudizulh daꞌ, dahoontꞌoh inleꞌ la, ꞌet whuz unꞌa za Yinka Dune Yeꞌ oodzin ꞌet nduwhútatꞌelh. ꞋEt tsꞌiyanne ꞌuhaꞌalh zaꞌ hutꞌen, ꞌinkꞌez tahunutnai. Dunene cha ꞌinkꞌez tsꞌekoo cha lhgho dilhtsꞌi. ꞋOh daꞌ Noah tsꞌi cho be ínya ꞌinkꞌez ꞌet too dudiltꞌo ꞌinkꞌez tsꞌiyanne too hubanghan.