Versete biblice populare din Genesis 22

Partajează

Abraham nyo hooziꞌ whulhtsi, “Moodihti ꞋEn Neghaꞌ ooꞌalh (Yahweh-Yireh),” whulhni. ꞋEt ꞌandit whutsꞌun ꞌi boozi unli, “Moodihti (Yahweh) oodzulh kꞌut ꞌet la neghaꞌ ooꞌalh.”

ꞋInkꞌez ꞌutni, “Nyeꞌ ilhchoot, nyeꞌ ꞌaw ꞌilhoghun Isaac ilhchoot ookꞌeintsiꞌ, ꞌinkꞌez yun kꞌut Moriah tsꞌe whuz ilhtelh. ꞋInkꞌez dolhkꞌun nyo dzulh nyudutasnelh-un, ꞌet si stsꞌun dolhkꞌun sih.”

ꞋInkꞌez ꞌuyulhni, “Nyeꞌ ookꞌedolnih junih kꞌus hoonli ꞌonleꞌ junih! ꞋAndit tꞌeooniszin Yakꞌusda (Elohim) be niljut, nyeꞌ ꞌen hoontsꞌi oochꞌa lhuyoontun ꞌaw ꞌilhoghun nyeꞌ, si schꞌa lhoontun.”

ꞋInkꞌez Abraham ꞌutni, “Syeꞌ Yakꞌusda (Elohim) didutchꞌoh la ndi ꞌusbaiyaz netlꞌa yoolhtelh,” ꞌinkꞌez nahultꞌoh whehanꞌaz.

Be soo hoonzoo-un ꞌi ꞌutisdlilh, mba soo hoonzoo-un tileh. ꞋInkꞌez ntsꞌu haindene lhane whutaleh, sum kꞌunꞌa huldlai tileh, sai taba usdzai-i cha ꞌet ꞌultsuk-i hutileh ntsꞌu haindene, ꞌinkꞌez nchꞌaz ditnine bukeyoh ꞌi huyootatun. Ntsꞌu hainde-un ndi yun kꞌut dune tsꞌiyawh soo hoonzoo-un bugha hóotaltsꞌulh, skꞌunꞌa ꞌinja ꞌet huwa.”

ꞋEt njan hukwꞌelhꞌaz ꞌet ꞌuhooja, Yakꞌusda (Elohim), Abraham yoolhdzai ꞌinkꞌez ꞌuyulhni, “Abraham!” ꞋEt Abraham ꞌutni, “Njan ꞌustꞌen.”

ꞋEt hoontsꞌi Moodihti (Yahweh) oolizas yakꞌuz whutsꞌun yukahizya ꞌinkꞌez ꞌutni, “Abraham! Abraham!” ꞋEt Abraham ꞌutni, “Njan ꞌustꞌoh.”

ꞋEt Moodihti (Yahweh) oolizas ꞌen ndo yakꞌuz tsꞌun whulh nat hika huyih, ꞌet ꞌutni, “Sichꞌoh ooghu nahizusya, ni Moodihti (Yahweh), njan ꞌet dinja-un huwa, ꞌaw nyeꞌ ꞌen hoontsꞌi ꞌaw ꞌilhoghun nyeꞌ ꞌen hoontsꞌi schꞌa lhoontun.

ꞋEt ndet Yakꞌusda (Elohim) whenilhtan-un ꞌet nehuninꞌaz ꞌinkꞌez Abraham loodel ꞌinla ꞌinkꞌez tsuz cha yukꞌedinla ꞌinkꞌez duyeꞌ Isaac yulhghel ꞌinkꞌez tsuz yukꞌeyilhti.