Versete biblice populare din Acts 1

Partajează

ꞋEt hoontsꞌi Ndoni nohyudíltsꞌut de soo nohdzi ulhtus whe Jerusalem ꞌet si sba dune whunulhtunne tihle, Judea yun kꞌut ndulcho whe cha, Samaria yun kꞌut cha, ꞌinkꞌez ndi yun kꞌut ndulcho whe cha,” ubúlhni.

ꞋEt Jesus ubúlhni, “Ntsꞌo whude ꞌuwhutánelh-un ꞌaw nohni tꞌeoonózin huba lheꞌhóotꞌoh. SBá, ꞌen za tꞌewhunínzun.

ꞋEt ꞌilhoh hudilhtsꞌi whe bugha khúni ninꞌai whe ubúlhni, “Jerusalem huwu toohdilh junih! SBá ye nóhtsꞌu náhizya-i, ꞌi ooba oolhꞌéꞌ. Ndai la nohgha títꞌalh-i huwun nohdúsni inleꞌ. John dune too be ꞌulhꞌen-un, ꞌen too be too beꞌ nohulhꞌen inleꞌ, ꞌet hoontsꞌi ꞌaw lhadzin iloh inleꞌ de, sBá Ndoni nohtsꞌo tlꞌaidutiꞌalh ꞌinkꞌez ꞌen be too beꞌ nohtilelh,” ubúlhni.

Jesus dazsai hukwꞌélhꞌaz dit whunizyat dzin ndoohoolyiz lhat whe bunalhtsꞌet nusúya ꞌet whuz unꞌa ꞌalhaꞌ khuna ꞌaw whutsꞌu hoodódlaiꞌ ꞌaitꞌoh. Hinilhꞌen ꞌinkꞌez Yakꞌusda dune kꞌúneꞌ bulꞌen-un huwun bubulh yálhduk.

ꞋEt ndi yughu yatílhduk whe ꞌawet ndo yakꞌuz whenája. ꞋEt hinilhꞌen whuz za kwꞌus yo tsꞌe hooloh suliꞌ.

ꞋEt ꞌawhuz ndo yat tsꞌe hika itísꞌen whe khuntsul nane dune ꞌulhyul ꞌi be dune unlíne buzih bube hóodiltsai. “Galilee whutꞌenne, di ha ꞌet núdulhya ꞌinkꞌez ndo yat tsꞌe whunulhꞌen? Ndun Jesus ndo yakꞌuz tsꞌe nohghu whenája-un ꞌandit nulhꞌen ndo yakꞌuz whenája, whuz unꞌa za whusanátidalh,” ꞌubuhútni.