Versete biblice populare din Ioane 17

Partajează

‘ia e fa‘apa‘iaina i latou i lau ‘upu moni; o lau afioga o le ‘upu moni lea.

O le ola e fa‘avavau fo‘i lenei, ‘ia latou iloa oe le Atua moni e to‘atasi, ‘atoa ma lē ‘ua e ‘auina mai, o Iesu Keriso lea.

“E lē fa‘apito la‘u tatalo mo i latou nei, a o i latou fo‘i e fa‘atuatua mai ‘iā te a‘u ‘ona o la latou ‘upu; ‘ina ‘ia tasi i latou uma, fa‘apei o oe le Tamā o i totonu ‘iā te a‘u, o a‘u fo‘i o i totonu ‘iā te oe, ‘ina ‘ia tasi i latou i totonu ‘iā te i tā‘ua; ‘ina ‘ia talitonu le lalolagi ‘ua e ‘auina mai a‘u.

‘Ou te lē ole atu ‘ina ‘ia e ‘ave ‘ese ‘iā te i latou i le lalolagi, a ‘ia e tausi ‘iā te i latou mai lē o lo‘o leaga.

O le mamalu fo‘i ‘ua e foa‘i mai ‘iā te a‘u, ‘ua ‘ou foa‘i atu ‘iā te i latou, ‘ina ‘ia tasi o i latou, fa‘apei o i tā‘ua ‘ua tasi; o a‘u o i totonu ‘iā te i latou, o oe fo‘i o i totonu ‘iā te a‘u, ‘ina ‘ia fa‘a‘ato‘atoaina i latou ‘ia tasi; ‘ina ‘ia iloa ai fo‘i e le lalolagi, na e ‘auina mai a‘u ma e alofa mai ‘iā te i latou, fa‘apei ‘ona e alofa mai ‘iā te a‘u.