Versete biblice populare din Takwiin 6

Partajează

Wa isyaanhum bigi leyah murr wa hu hizin le khaliigit al-insaan fi l-ard.

Wa Allah chaaf fasaalit al-naas bigat katiire fi l-ard wa daayman galibhum yiriid illa l-fasaala.

Wa laakin Nooh ligi rida giddaam Allah.

Daahu taariikh Nooh. Nooh hu raajil adiil wa saalih fi usut naas zamanah. Wa gaaʼid yitaabiʼ derib al-Rabb.

Wa Allah gaal : «Nuguchch min al-ard al-insaan al-ana khalagtuhum. Nuguchchuhum min al-insaan lahaddi l-bahaayim wa zawaahif al-ard wa tuyuur al-sama. Achaan bigi leyi murr ana khalagtuhum.»

Wakit al-naas bado yiziidu fi l-ard wa wildo leehum banaat, fiyah makhluugiin samaawiyiin wa humman misil al-naas. Wa chaafo banaat al-naas hinna samhaat wa azzalo minhin wa chaaloohin. Wa Allah gaal : «Ruuhi ma tagood daayman fi l-naas achaan humman insaan. Wa fi chaan da, umurhum ma yufuut 120 sana.» Wa fi l-wakit daak, fiyah naas tuwaal wa chudaad fi l-ard. Wa fi wakithum, al-makhluugiin al-samaawiyiin lammo maʼa banaat al-naas wa hinna wildan leehum iyaal. Wa l-iyaal dool bigo naas fahaliin wa usumhum taaliʼ fi l-zaman daak.

Wa da l-cheyy al-Nooh sawwaah. Hu sawwa kulla cheyy misil al-Rabb amarah beyah.

Wa khalaas, al-Rabb gaal le Nooh : «Ana chilt niiye le nidammir kulla l-makhluugiin al-hayyiin achaan al-ard malaane be l-unuf. Khalaas ! Ana nakhribhum humman wa l-ard kula.

Ya Nooh, asnaʼ leek safiina kabiire be hatab gawi al-usmah gufar. Wa sawwi fi lubbaha buyuut katiiriin wa tallisha tamaam be l-zift barra wa daakhal achaan almi ma yadkhul foogha.

Wa l-Rabb chaaf al-ard malaane be zulum wa kulla l-naas gaaʼidiin yisawwu al-zulum.

Wa dakhkhil maʼaak itneen min kulla nafar hana l-haywaanaat, dakar wa antaay, achaan humman kulla yanjo maʼaak.