Versete biblice populare din یوحنا 15

Partajează

«اَز اَنگِرَ داریمَه و شمَه اِم داری بَشو خالیرون. هر کَمی کن چمن دلَکا بومونِه و اَز چَی دلَکا، بَرکَه میوَ دَرِ؛ اِمی خونِه کن دور از چمن، نینَّشا هیچ کاری کَردِ.

چمن دِلَکا بومونَه، و اَز نی شمَه دلَکا بَمَندیم. هَته کن خالَه اَگَم اَنگِرَ داریکا مَمونِه نِیَشا اِشتَنکا میو بوعَرِ، شمَه نی نینّشا میوَ وَردِ اَگَم چمن دلَکا مَمونَه.

اَگَم چمن دلَکا بومونَه و چمن کلام شمَه دلَکا بومونِه، هر چیی ایی بَپیرونَه، درخواست بِکَر کن شِمَرا اَنجوم بَبیَه.

شمَه بَمن اینتخاب نِکَردِرون، بَسکم اَز بَشِمَه اینتخاب کَردِمَه و بَشِمَه تَیین کَردِمَه تا بِشَه و میوَ بوعَرَ و شمه میوَ بومونِه، تا هر چیی ایی دَدَ کا چمن نومینَه درخواست بکَرَ بَشمَه عطا بکَرِ.

موحبتی بیمیکا یالتر وجودِش نیَه کن کَسی اِشتَن جانی اِشتَن رَفقون خونِه بدَرِ.

هر خالَه ایی چمن دلَکا میوه نِدَرِ، چمن دَدَ اَ خالَه دَرَبیرد، و هر خالَه ای کن میوَ بوعَرِ، اَی هَرَس بَکی تا ویشتَر میوَ بوعَرِ.

«چمن حکم اِمَه کن یَندِ رَی بِدارَ، هَته کن اَز شمَه رَی دارِم.

اِنتَرَ، شِمَه بَرکه میوَ بوعَردیرون و ثابیت بَکَرون کن چمن شاگِردینَه و اِنتَرَکِه چمن دَدَ جلال اَیر آرَب.

«اَز حَقیقیَه اَنگِرَ دار هستیمه و چمن دَدَ باغه وونَه.

اَگَم کَسی چمن دِلَکا مَمونِه، هنته خالَه ای شیوارَ کن اَی بِرِن بَنَّفَند و خشک آرَب. خشکَه بَشو خالی گرد آکَرن و آرا دلَکا برَفندینه و بَسوتینَه.

اِم چِیون شمَرا واتمه تا چمن خَشی شمه دلَکا ببو و شمه خَشی کامیل آبو.

اَگَم چمن حِکمون اَنجوم بدَرَ، چمن مُحَبَتیکا بمَندیرون؛ هَته کن اَز اِشتَن دَدَ حِکمون اَنجوم دوعَمَه و چَی موحبتیکا مَندیمَه.

چمن حکم بَه شمه اِمَه کن یَندِ رَی بِدارَ.

اَگَم شِمَه دِنیا شِن بینَه، دِنیا بَشمَه اِشتَن کَسون شیوار رَی داری. ولی اِمی خونه کن شمَه دِنیا شن نینَّه، بَلکَم اَز بَشِمَه دنیاکا اِینتخاب کَردِمَه، دِنیا شمکا نیفرت دارِ.