Versete biblice populare din ئنجیل مەتا 18

Împărtășește

چوینکه وه هەر شونێگ دو یا سێ نەفەر وه ناو مه گردەو بون، مه وه ئەوره هامه ناوێان.»

وه دواره وەپێدان ئویشم ئەگەر دو نەفەر له لێدان وه مل زەوی له باوەت چشتێ که توان بکەفنه یەک، له لاێ باوگم که ها ناو ئاسمان ئەڕاێان ئەنجام گرێ.

عیسا مناڵێگ چڕێ و نادێ ناوڕاسیان و وەت: «وه ڕاسی، وەپێدان ئویشم، تا نەگوڕێین و نوینه جور مناڵیل، هەراێهەر وه پادشایی ئاسمان ڕێ پەێا نیەکین.

هەر کەس خوەێ جور ئی مناڵه بێ فیسەو بکێ، وەناو پادشایی ئاسمان وه گشتێ گەوراتره.

هەر کەیش ئیجور مناڵێگ وه ناو منەو قەبوڵ بکێ، مه قەبوڵ کردێه.

وه ڕاسی، وەپێدان ئویشم، هەر چی که وه مل زەوی بوەسین، وەناو ئاسمان بەسریێد، هەر چی وه مل زەوی واز بکێن، وەناو ئاسمان واز کرێید.

باوگ ئاسمانی منیش وەگەرد هەرکامدان هەر ئیجوره ڕێ رەوشت کەی، ئەگەر ئیوەیش براگەدان وه گێ دڵیگ نەوەخشین.»

وەلێ هەر کەیش بایس بود یەکیگ وه ئی بویچگیله که وه مه ئیمان دێرن تویش گونا بود، ئەڕاێ خاستر ئیه بی هارئاسیاو گەوراێگ بوەسریه ملێ و له بن دەریا بخنکێی!

ئیوه چه فکر کین؟ ئەگەر پیاێگ سەد گله پەس بیاشتود و یەکی له ئەوانه گوم بود، مەر ئەو نەوەد و نو گله وه مل کویەگه وێڵ نیەکێد و نیەکەفێه شون ئەو یەێ گله پەس گوم بیه؟