Versete biblice populare din يوحانّا 10

Partajează

غاكود نّا‑د‑يوشكا‑ومخّار ءور‑ا‑يتّيري ابلا ا‑ياكُر ءينغ ءيهلك. ءيمّا نكّي ءوشكيغ‑د اد‑اون‑تيلي تودرت، تيلي‑اون تودرت ءيكمّلن.

نكّي ا‑يگان امكسا ءيفولكين. امكسا ءيفولكين ا‑يتمتاتن ف‑وولّي.

ار‑سفليدنت‑وولّي‑نو س‑واوال‑ينو، سّنغ‑تنت ار‑يّي‑تضفورنت،

ار‑اسنت‑اكّاغ تودرت ءيدومن. ءور‑را‑سار‑تّهلكنت، ءور‑راد‑يّي‑تنت‑يكّيس يان زغ‑وفوس‑ينو.

ءيمّا نكّي گيغ ءيمي. يان زغ‑گيگي ءيكشمن را‑ينجم، ار‑يتفّوغ ار‑يكشّم ار‑يتافا ما‑غ‑ا‑يفّرد.

ءيمّا نكّي گيغ امكسا ءيفولكين. سّنغ تينو ءولا تينو سّنّت‑يّي،

بابا لّي‑يّي‑تنت‑يفكان، يوگُر كولّو ما‑يلّان. ءور‑يژضار يان ا‑تنت‑يكّيس زغ‑وفوس ن‑بابا. نكّي د‑بابا، يان ا‑نگا.»

غمكلّي‑يّي‑يسّن ربّي بابا ءيسّانغ‑ت نكّي. راد‑فكغ ءيخف‑ينو ءي‑لموت ف‑سّيبت ن‑وولّي.

ءور‑يلّي ما‑راد‑يّي‑يكّيس تودرت‑ينو والاينّي را‑ستّ‑فكغ نكّي. ژضارغ ا‑ستّ‑فكغ، ءيژضارغ ا‑ستّ‑امژغ‑داغ. غمكاد ا‑س‑يّي‑يوصّا بابا.»

ءيزايد ياسوع ييني‑اسن: «لحقّ ايد‑اون‑تّينيغ. نكّي ا‑يگان ءيمي لّي‑زغ‑ا‑كشّمنت‑وولّي.

هان ءيمكيري ءور‑يگي زوند امكسا، اشكو ءورد تينس اد‑گانت‑وولّي. ءيغ‑ن‑يژرا ءوشّن ءيفتا‑د، را‑يفل ءولّي ءيروول، يامژ‑تنت‑ووشّن ءيفتس‑تنت.

ييني‑اسن ياسوع: «لحقّ اياد، لحقّ ا‑راد‑اون‑ينيغ. يان ءيفلن ءيمي ن‑زّريبت ءيغلي س‑وولّي زغ‑ماني ياضني، ءيميكر ا‑يگا، ءيگ امخّار.