Versete biblice populare din मर्‌कुस 9

Partajează

अनि येसुइ ओउकाय ह्‍वत्‍सास्‍यावा, “‘यदि नाङइ खाइसास्‍याउना त खेया’ त दाह्‍य्‌ति नाङ धइति दाह्‍य्‌तेना? धइतिदाह्‍य्‌सा परमेस्‍वरहाङ बिस्‍वास जाह्‍ङो मान्‍तालमको लागिपाय परमेस्‍वरइ जुदा थोकले जाह्‍ङ्‍सा खाइसास्‍याउलेना।”

अचानक ओउ गोय्‍चोको आपा हिह्‌ति एत दाह्‍या, “अ गुरु, ङाइ परमेस्‍वरहाङ बिस्‍वास जाह्‍ङ्‍नाङ, तर अझ नाःतो बिस्‍वास जाह्‍ङ्‍साको लागि ङाकाय सहयोग जाह्‍ङ्‌ति बइसासास्‍याउपाना।”

ओहाङसयको येसु किमताङ द्‍याह्‍न्‌ति पाह्‍य्‌सास्‍यावा, र चेलालमइ येसुकाय सुतुक्‍त ह्‍वताथय, “निइखे ओउ दुस्‍त ग्‍वालामकाय धइति रुःन्‌ति ल्‍होक्‍सा खाइङसुलु?” अनि येसुइ ओउमयकाय तोसास्‍यावा, “एतताह्‍ङो दुस्‍त ग्‍वालामकायखे प्राथना बाहेक अरु तरिकासय रुःन्‌ति ल्‍होक्‍सा खाइलेल।”

छेः पेओ थोक खेना, तर छेको स्‍‍वाद आल्‍ना त खेया, फेरि गतहाइति ओउकाय ल्हाम्‍ताक्‍सा र? ओउतले निङको बिस्‍वासमा छेः लेखाले खेना। ओउतझ्‍यान्‍ते निङको बिस्‍वास परमेस्‍वरहाङ गम्‍नु, र यात-अर्‌काकुस मेलमिलापहाङ मुन।”

“सुखेइ एतताह्‍ङो बालाखकाय ङाको मय्‍ङहाङ सुइकार जाह्‍ङ्‍नानि, ओउमयइ ङाकाय सुइकार जाह्‍ङ्‍नाताङ्‍स, अनि सुखेइ ङाकाय सुइकार जाह्‍ङ्‍नाताङ्‍स, ओउमयइ ङाकाय मात्र खेल तर ङाकाय ल्‍होक्‍सास्‍यावो परमेस्‍वर आपाकायमा सुइकार जाह्‍ङ्‍लेनानि।”

यदि कुनय मान्‍ताइ निङकाय ङाको मय्‍ङहाङ यात कचउरा तिः मात्र बइतेनय त खेयाकायमा, दोङ्‌सिले ङाइ निङकाय तोनेनाङ्‍स, ओउ मान्‍ताइखे पक्‍काले इनाम दोःलेना।”

येसुइ एतमा तोसास्‍यावा, “यदि इ मयो बालाखलम मध्‍येको कुनय यातचाकइ ङाकाय जाह्‍ङो बिस्‍वासकाय कुनय मान्‍ताइ मिह्‍ताक्‍नउ त खेया, ओउकायपाय कय्‍कहाङ ताह्‍ङो ग्राइबाङ योकोति समुन्‍द्रहाङ तातिवाइसा पेतो स्‍याउना।

ओउतले यदि नाङको मिकइमा नाङको बिस्‍वासकाय मिह्‍तो जाह्‍ङ्‍नउ त खेया, ओउकाय त्‍युःल्‌ति वायु! धइतिदाह्‍य्‌सा निसज्‍यो मिक दोहिले नरकहाङ ताति वाइसा भन्‍दापाय बरु यातज्‍यो मिक नाःमातले परमेस्‍वरको राज्‍यको मान्‍ता स्‍याउसा माहा पेतो स्‍याउना।