Versete biblice populare din Luk 7

Partajează

Afɛdɛ nkani wu na obia ratag ɔwani nwu mbu wɔ yawɔ yau, wa fɔrɛ bɛ, kum ɔkɔgɛlɛ mɨnɛ ɔfɔnɔ rɛda rɛdɛnɔ. Gbɔ oni nwu wa fɔrɛ egbigbɛd, ɔkɔgala egbigbɛd rɛda.” Kadi Jisɔs ɔkani ɔwani nwɛn na, “Wa fɔrɛ wu obia ratag obu.”

Jisɔs ɔkani ɔwani nwɛn na, “Kɛsɨmɛkpa kechi kɛ nani wu; dɔŋ ra fuɛɛ.”

Kadi ɔwa bar ekpirɨmɔ ra ikad a Jisɔs osua. Iyɛn ibɨbala ra ikad a Jisɔs, ɔfɔnayɛ ra dɨlɔ ridɛn, ɔbama ra ikad iyɛn, mɨnɛ ɔwaga yɛ manɔ mma ma dɔmɛ kɛnyam.

Ami mbi liwɔ ntuni nwu nwɔŋa nyimo wu, gbɔ jani kɔɔ remu, mɨnɛ orin owum kɨn ɔtama ɛgbanɛlɛ. Kum ami oni nwu ɔra irɨmantɔla nsɨm, mɨnɛ mfɔnɔ ajuaraku irɨmantɔla iyɨm. Nkana wunɛ na, ‘Dɔŋ,’ mɨnɛ odulɔ; odudu, ‘Wɔ,’ mɨnɛ ɔwɔ. Nkana orin owum na sii mbu, mɨnɛ osibɛ.” Ndi Jisɔs ɔkɨlo dim birɛ mbi, ɛkpaju ɛwɛ mɔ, ɔfagɛlɛnɛ ɔkani ani mba wara wa tɔra mɔ na, “Nkani wun raikpɛ, mbɨri chɛ ɛdɔɔ kɛsɨmɛkpa nchifa tum ra Isɨrɛl.”

Ra kɛgbɔ achi, Jisɔs ɔnyɛ ani esii ɛgbanɛlɛ ra rifɛn rɨbɛ nkɨmkɨm, mɨnɛ osi obia roifɛ wɔ jagɔ wɔ gbɛ ani, asɨlajɛnɔ esii mɨnɛ wa chɛ ɛtɨma. Kadi ɔkani ayilarotumɔ mbɛn na, “Ri mulɛnɛ rika kani Jɔn bumbu ri chɛ mɨnɛ ridimɔ, asɨlajɛnɔ wa chɛ ɛtɨma, ɔkpɔg wɔ chɛŋɛ, ani richɛriwur wa ruu nɛ wa wanɛ, alaga ratuŋ wa dim, abuburɛ wa filɛ ra rɔbɔ, mɨnɛ nkani Bɨrika Kɛlam nyɛ rikpag.