Versete biblice populare din Mateo 10

Partajează

Naghambae pa gid si Jesus sa anang mga sumueunod, “Tandai ninyo nga ginapaadto ko kamo sa mapintas nga mga tawo, ag ro inyong kapareho hay mga karnero nga ginalibutan it abo nga mabangis nga sapat. Ngani mangin parehas kamo it sawa nga mainandamon permi sa peligro, ag likawi ro bisan ano nga maeain.

Ro naila nga magsunod sa ana eang nga gusto sa anang kabuhi hay mamatay man lang gihapon ag pinahan sa impyerno. Pero ro bisan sin-o nga magsakripisyo ku anang gusto agod sundon ro akong pagbuot hay makabaton it kabuhi nga owa it katapusan.”

Ayaw kamo it kahadlok sa makapatay sa inyo eang nga eawas pero indi makapatay sa inyong kaeag. Ro dapat ninyong kahadlukan hay ro Dyos nga makapina it grabi ku inyong eawas, ag pati man ku inyong kaeag sa impyerno hasta sa owa it katapusan.

Ro bukon it haom nga mag-atubang it kalisod, paghingabot ag kamatayon tungod nagasunod imaw kakon hay bukon it bagay nga mangin sumueunod nakon.

“Ro nagaako sa atubang it mga tawo nga nagatuo imaw kakon hay akon man nga akuon sa atubang ku akong Ama sa eangit. Pero ro nagapanghiwaea sa atubang it tawo nga nagatuo imaw kakon hay akon man nga ipanghiwaea nga akon imaw nga sumueunod sa atubang ku akon nga Ama sa eangit.”

Pamayara ninyo ro mga nagamasakit ag banhawon ro mga patay. Pamayara ninyo ro mga aruon ag subuea ro mga demonyo sa eawas it mga tawo. Owa ninyo pagbayri ro gahom ag otoridad nga ginatao ko kinyo, ngani ayaw man kamo magbaton it bayad sa inyong mga ginabuligan.

Ngani ayaw kamo it kahadlok, ay mas mahaega pa kamo sa Dyos kaysa sa kaabo-abo nga maya.”

Naghambae pa gid si Jesus, “Ayaw kamo mageaom nga nag-adto ako iya sa kalibutan agod magdaea it paghidait. Bukon it paghidait ro akong daea iya kundi pag-ilinaway.