Versete biblice populare din Luka 14

Partajează

“Yomuhe o ku fota ku keya ku kwange ci ekare thsirongwa thsange, shime a tange tango ku thzimba tata wenthzi, mama wenthzi, munuwenthzi, anenthzi, apenthzi, aminenthzi, akurwenthzi no mwoyo wenthzi.

Munu o kukana ku shimba mbinda thzenthzi no ku ni shupwera, tumba a twethsa kwikara thsirongwa thsange.

Inene munu yomuhe o ku cithzineka kenge a ku huthsiwa kushi, unone o ku cihuthsa kushi kenge a ku thzinekiwa.”

Mofoci nenu, o kukana ku shuva eyi a di nayo yoihe tumba a twethsa kwikara thsirongwa thsange.

“Mu anekere ci yumweya ku kwenu nga aa fota ku umba otara, shime a tange tango kwikara pashi no ku tara ecikwathsithsa eyi nga i twethsa ku manenena ekwama ci a dimuke ci vungashi nga i uriwa. Ngeci ayepo tateka ku shisha mushisho no ku kwanga ku u mana, wahe awa a ku u mona kenge a ku mu teurura. Kenge a ku amba ci: ‘Oyu munu ne, na a tateka nawa ku umba, unone naa kwanga ku manenena ekwama yenthzi.’

Unone o ku na kwama dishambirera o withseko ahepwe, ekunga, erema no tupuputwa. Ngeci owepo o tenda kengeyo, kenge wa kwikara no thsiyauthzi. Shaanga ci ka ku twethsa ku ku huthsera thsimweya, Nyambi yodiyo wa ku ku huthsera mu diyuwa dyo kupinduka kwafu kowa owawawa.”

“Mungwa po uwa, unone ngeci u na tutukwa ne ngepi nga u kwamiwa karo ci u toware. Ka u roerire shaanga ku muve nji kwikara wiro. Waa roera pohuma ku u mwaera pora. Oyu di no matwi o ku yuvithsa a yuve.”